حيرة قلب

قسوة قلب

كانت شاهى مرتديه ملابس الرياضه الخاصه بها وقررت الذهاب للجيم لتشغل علقها من الاحداث التى تحدث حولها ولكن خاب املها بمجرد ان قابلت ريما هناك

ريما/ هاى شاهى صباح الخير

شاهى ببرود / صباح الخير

ريما/ انتى بتيجى هنا كل يوم

شاهى/ وقت ما اكون فاضيه

ريما بغلاسه / اهااا لا انتِ لازم تتمرنى علطول لانك بقيتى تخينه اوى

شاهى بابتسامه صفراء/ والله مخدتش رايك

ريما ببراءه مصطنعه /انا بقولك بس يمكن متكونيش واخدة بالك

اقترب منهم يوسف ممسكا بزجاجه المياه يتناول القليل منها وبده الاخرى كان ممسكا بمنشفه يجفف عرقه كان منظره جذابا وهو يتحرك باتجاههم كانت التى الشيرت ملتصقا عليه لتظهر تقسيمات عضلات بطنة السوداسيه التى يبدو بانه عمل بجد ليحصل عليها ...لاحظت شاهى نظرات الفتيات وهن ينظرن أليه ويتهامسن فيمَ بينهن

شاهى لنفسها "كانت نقصاكم انتوا كمان هلاقيها منكم ولا الزفته دى ....بس هو حلو اوى يخربيت اهله بيحلو كل يوم عن اليوم اللى قبله " كانت تتأمله الى ان وقف امامهم

يوسف/ صباح الخير

الجميع/ صباح النور

يوسف موجها حديثه ل ريما / ها يا ريمو خلصتى تدريبك ؟

ريما بدلع وهى تحاول رفع الدمبل /الدمبل تقيله اوى ممكن تساعدنى وتعرفنى ازاى اسستعملها

يوسف وهو يضع المنشفه على كتفه ويتجه ناحيتها ويقف خلفها وامسك بذراعيها وعلمها كيفيه رفع الاثقال بطريقه صحيحه

شاهى بسخريه /اى الدلع دا ؟ دا كله نص كيلو اللى بتشيليها اومال لو بتشيلى اكتر هتعملى اى ؟

(تجاهلوها ولم يجب اى منهما عليها لتتأفف بغضب واكملت تدريبها وليقترب منها المدرب الخاص بها وكا شاب فى اواخر العشرينات )

المدرب /ها ياشاهى اى الاخبار

شاهى /كله تمام ياكابتن ان شاء الله هوصل التارجت النهارده

-ياريت لاحسن انتِ بقالك فتره مبتجيش

=معلش ياكابتن والله غصب عنى كان عندى تدريب وكليه وليلة طويلة اوى

-(هتف بابتسامه وهو يربط على كتفها )مفيش مشكله المهم انك رجعتيلنى من تانى

(اتاه صوت من خلفه وتزامنا مع الصوت وجد من يسحب يده من عليها ولم يكن لك الشخص سوى يوسف )

يوسف بغضب وهو ينظر له /ايدك دى لو لمستها مره تانيه هقطعهالك

شاهى وهى تنهض وتقف امام يوسف /فى اى يايوسف متكبرش الموضوع هو الكابتن متعود على كدة مع الكل كتشجيع مش اكتر