حيرة قلب

حبيبتك خدها غيرك

استيقظت شاهي على صوت نور وشرى تحاول ايقاظها

شرى / شاهي قووووومى الساعه بقت 10
شاهي وهى تضع المخده على راسها / سبينى فى حالى انا نمت الفجر

شرى بضجر /يابنتى قومى النهارده خطوبتك فى حاجات كتيرة قوى محتاجين نعملها

شاهى وهى تحاول اعادة الغطاء على وجهها ثانيةَ /لسه بدرى صحينى الضهر

نور وهى تنظر ل شرى بخبث / شكلها كده مش هتقوم بالذوق شكلنا هنستخدم معاها العنف ها زغزغه ولا وحرب مخدات

شرى وهى تنظر باتجاه شاهى وتبتسم بخبث /لا زغزغه (ازاحت الغطاء عن شقيقتها ولكنه الاخرى نهضت من مكانها

شاهي / خلاص خلاص هقوم كله ألا الزغزعه

شرى / ايوة كده ناس مبتجيش غير بالعافيه(ابتسم لها شاهى لتكمل الاخرى ) ...قومى يلا افطرى ويلا ورانا يوم طويل ياعروسة عايزين نبهر آدم بيكى وبجمالك

اختفت ابتسامتها وكأنها عادت للواقع لتتذكر بأنها ستصبح اليوم خطيبة شخص آخر غيره شعرت بنغة فى قلبها وكانها يرفض الواقع ويثور عليها بدأت الدموع تتجمع فى مقلتيها لولا ان نور لاحظت ذلك وقررت ان تخفف عنها

نور /ماقولتلكمش صحيح اللى حصل معايا امبارح وانا فى تدريب التنس

شرى /لا مقولتيش حصل اى ؟

نور / معرفتش ألعب وضربت المدرب بالكورة اكثر من مره مره فى راسه ومره فى رجله حرفيا شوهته ... والراجل جاب اخرة خلاص راح رامى المضرب وفضل يزعق كان فكرنى قاصده انى اضربه بس والله كان غصب عنى انا كنت بحاول احسن من نفسى (اخرجت هاتفها ) دا الفيديو اللى صورهولنا احنا بندرب (بعدما رأوا الفيديو)

شرى بأستنكار /حرام عليكى اي دا انا جالى ارتجاج وانا هنا من قوة الضربه اللى خدها فى راسه دا زعيقه قليل دا مفروض كان يضربك بالمضرب على راسك

نور /علفكره كانت خفيفه

شاهى بأبتسامه /خفيفه اى ي نور حرام عليكى لا بجد الكوره كانت جامدة الله يكون فى عونه (ثم اكملت لاغاظتها ) ماتحاوليش تحسنى من نفسك تانى لاحسن ضربه كمان من دى الراجل هيروح فيها ونيجى نزورك فى السجن ومعانا عيش وحلاوة

نور وهى تتصنع الحزن /علفكره انا مستوايا حلو ...بس انتوا اللى متغاظين منى

شرى بأستنكار /اه فعلا ماهو واضح

(نظرت لها نور بضجر لتبتسم له شاهى بحزن وبعدها توجهت للمرحاض واخذت حمام وادت فريضتها )

شرى ل نور /هى شاهى متضايقه من حاجه ؟

نور /لا ياحبيبتى مفيش حاجه لا متضايقه ولا حاجه