زِفاف مُرِيع

|فين فلافي؟|

- في شقه جيجي ف نيويورك

جيجي" احنا بقينا مخطوبين بجد يا زين انا مش مصدقه اخيرا هنتجوز! انا بحبك"

زين" احنا لوحدنا يا جيجي اتكلمي عادي"

جيجي "بجد؟ طب حلو انا تعبت من التمثيل الاوفر ده "

زين" انتي الي جبتيه لنفسك "

جيجي" ما خلاص بقي بهزر انت مضايقك كده ليه"

زين" اسكتي بس ونبي بتجبيلي صداع"

جيجي بتمسك سكينه المطبخ

"جرا ايه! ما تلم نفسك يا راجل هو علشان انا
سكتلك شويه تروح تعمل فيها ضحيه احنا في
الفرح ده مع بعض عاجبك او مش عاجبك فإتلم بقي
خلي الليله تعدي علي خير!"

زين "انا اسف انا اصلا كلب "

جيجي" ايوه كده"

زين "انا بقالي فتره مشوفتش فلافي تعرفي راح فين؟"

جيجي" مات"

زين "مات ازاي يعني؟"

جيجي" يعني مات اتقتل و مات عادي يعني"

زين " ايه يا عنيا!"

جيجي "ايه يا خويا انت الي جبته لنفسك حد قالك تلعب بالكلب و تنسي ان ليك بيت"

زين" ده كلبي!"

جيجي" و انا خطيبتك! يعني كنت عايزني اتفرج علي الكلب وهو بياخدك مني!؟"

زين "انتي بتقارني نفسك بكلب ليه!؟ "

جيجي" عشان قاعده مع كلب"

زين "والكلب ده هيتجوز كلبه"

جيجي بترفع السكينه علي رقبه زين

جيجي "اتلم ياض!"

زين "حاضر"

بعد خمس دقايق

زين" احم بما اننا بنتجوز وكده فعايزيين نجهز ليسته المعازيم "

جيجي:" انا حضرتها"

زين" امتي؟ انا لسه عارض عليكي الجواز من يومين !"

جيجي" يعني بعد ما كملنا سنه مع بعض"

زين مصدوم

جيجي"وكمان حضرت احسن خمس قاعات في كل بلد ممكن نعمل فيها الفرح و المأذون و الميوزك و البوفيه و الكوافير و محلات الهدوم و الاثاث و جدول امشي عليه لما ابقي حامل و ليست بأسماء لاطفالنا و نوع المدارس الي هيروحوها و اختصاصتهم لما يكبروا و-"

زين"كفايهه! مش ناقص غير تحضري مكان قبورنا"

جيجي"علي فكره انا فكرت في كده و هيبقي في المقابر القريبه من امي"

زين" وحيات امك! طيب انا عايز اتدفن عند امي"

جيجي"لا عند امي انا"

زين" قبري وانا حر فيه وهتدفن عند امي حتي لو تدفني في الجنينه وتزرع عليا بطيخ ولا يهزني هتدفن عندها برضو"

جيجي" هتتدفن عند امي و في جنازتك امك هتلبس فستان اسود و كوتشي احمر"

زين" لا هتدفن عند امي و هخليها تلبس اخضر في اصفر انا حر "

جيجي"اخضر في اصفر! هي رايحه جنازه ابنها ولا حماتها الي بتكرها؟"

زين" يعني انتي بتكرهي امي يجيجي!"

جيجي" وانا قلت كده امتي؟"

زين"بس خلاص انا فهمت الي بيحصل انتي مش بتحبي امي عشان كده كنتي بتخليني اشوف امك اكتر ما بشوف عيلتي كلها عايزه تنسيني امي يا جيجي دي اخره العشره يا جيجي دي اخره الطبخ الي طبختهولك دي اخرتها يا حب العمر"

جيجي" حلوه الدراما دي يبقي اعملها لو اتخانقنا قدام كاميرا"

زين"انا بقيت حاسس انني عايش مع عيله الكاردشيانز"

جيجي" على فكره تايلور و كيندال هيبقوا الاشبينات بتوعي "

زين"ملقيتش غيرهم هاري هيحضر الفرح و هيبقي اشبيني هو وباقي البويز كمان"

جيجي" انا حره في اشبيناتي اما لو انت عايز تجيب الاربع خنافس بتوعك انت حر بس تايلور و كيندال هيحضروا .."

قالتها ومشيت

زين" الفرح ده مش هيعدي علي خير ".

__________________________

هايي

ده زي نبذه عن طبيعه العلاقه بين زين و جيجي

ايه اكتر جزء عجبكم؟

اعملوا فوت بليز🌿