KERES ACADEMY

CHAPTER 14

"Don't mind me, Zhionne." malambing na wika nito habang nakatingin sa mga mata ko. Agad kong binawi ang kamay ko sa kaniya at tumayo. Sobrang lakas ng kabog ng dibdib ko, pinagpapawisan din ang buong katawan ko.

Ano bang nangyayari sa akin? Bakit ang lakas ng tibok ng puso ko? Nanlalamig din ang kamay at paa ko kahit na pinagpapawisan ako.

Hindi ko nagawang tignan si Vynx dahil naakwardan ako sa ginawa niya kahit simpleng halik lang 'yon sa kamay.

"T-tawagin k-ko muna sila Aeyesha at Hazel," nauutal kong wika sa kaniya. Hindi ko na siya ginawang tignan at iniwan ko na lang siya roon.

Wala ako sa sariling naglakad papunta sa dulong part nitong field kung nasaan naroon sila Aeyesha at Hazel na nagseselfie.

"Do you enjoy that?" Nagulat ako ng sumulpot sa harapan ko si Kera, nagtatangis bagang siyang nakatingin sa akin na animoy may nagawa akong mali sa kaniya.

"What do you mean?" clueless na tanong ko sa kaniya. Lumapit siya sa akin kaya napaatras ako.

"Akala ko inosente ka, malandi ka rin pala!" wika nito sa malalim na boses. Nagpantig ang tainga ko dahil sa sinabi niya kaya nasampal ko siya ng sobrang lakas. Nakita kong napahawak siya sa gilid ng labi niya at may nakita akong dugong nang galing doon.

"Wala kang karapatang sabihan ako ng ganyan!" sigaw ko sa kaniya, hindi ko namalayang unti-unti ng tumulo ang luha ko sa aking mata. Sobrang sakit ng nararamdaman ko parang pinupunit ang puso ko dahil sa sinabi ni Kera, hindi ko alam kung anong kinakagalit niya, bakit niya nagawang sabihin sa akin ang bagay na 'yon eh wala naman akong ginagawa sa kaniyang masama.

"Ano nangyayari dito?" Lumapit sa akin si Vynx ng makita niyang umiiyak ako kaya agad kong pinunasan ang luha sa mga mata ko. Tinignan niya ko sa mga mata ko at siya mismo nagpunas ng luha ko.

"Huwag kang maki-alam dito!" banta ni Kera habang nakatingin ng masama kay Vynx, galit na galit pa rin ang itsura niya na akala mo papatay ng tao. Lumapit siya kay Vynx, nakita kong may binulong siya rito pero hindi ko narinig 'yon dahil sa sobrang hina. Binasa ko ang reaksyon ni Vynx, kita kong nagulat siya at parang galit na tinignan si Kera.

"Anong gina-" Hindi na naituloy ni Vynx ang sasabihan niya ng bigla siyang suntukin ni Kera sa mukha na ikinasubsob niya sa lupa. Akmang lalapit pa si Kera kay Vynx ng pigilan ko siya.

"Ano ba Kera, ano bang problema mo?!" sigaw ko sa kaniya.

"Mind your own fucking business!" aniya.

"Wow ha, hindi ba dapat ako ang magsabi niyan sayo?" Tinaasan ko siya ng kilay, "Mind your own fucking business," panggagaya ko sa sinabi niya. Parang natauhan naman siya sa sinabi ko, iniwas niya ang tingin sa akin at nagwalk out.

Lumapit ako kay Vynx, hawak-hawak niya ang gilid ng labi niyang nagdudugo.

"Are you alright?" tanong ko sa kaniya. Inilabas ko ang panyo ko sa bulsa at pinunasan ko ang dumudugo niyang labi.

"I'm good," maikling sagot niya. Inagaw niya sa akin ang panyo at siya na nagpunas sa dugo niya. "Nawalan na ko ng ganang kumain," dugtong niya bago 'ko iniwan at umalis.

Taka kong tinignan ang likod niya habang palayo sa akin hanggang sa nawala siya sa paningin ko. Gusto ko siyang tanungin tungkol sa binulong sa kaniya na Kera pero hindi ko magawa dahil may parte sa akin na ayaw malaman 'yon.

Pinuntahan ko sila Aeye at Hazel, nagtanong sila kung nasaan si Vynx, sinabi ko na lang na nauna na dahil may kailangan pang gawin. Kumain na lang kami ng mabilisan at bumalik sa room agad dahil malapit na matapos ang lunch time.