KERES ACADEMY

CHAPTER 14

Zizy POV

Matapos gamutin ng nurse si Hazel ay dumiretso agad kami sa field para roon kumain ng lunch. Hindi naman na kinailangan pa ni Hazel na magstay sa clinic dahil hindi naman malala ang sugat na natamo niya, konting daplis lang kaya nilinis lang at nilagyan ng bandage.

"Hindi pa nga nawawala yung mga pasa mo at bruises mo, nadagdagan na naman!" sarkastikong wika ni Aeyesha habang nakatingin kay Hazel.

"Okay lang, maganda pa rin naman ako," sagot nito kaya binatukan siya ni Aeyesha.

Naglakad kami ngayon sa field papunta sa malaking puno kung saan hinalikan ako ni Kera. Nasa harap namin sila Aeyesha at Hazel na naghaharutan, pilit na ginagantihan ni Hazel si Aeyesha sa ginawang pagbatok nito sa kaniya pero hindi niya magawa dahil magaling umilag ang gaga. Katabi ko naman si Vynx na kanina pa tahimik at hindi ako pinapansin o kinikibo. Nakalagay ang dalawa niyang kamay sa bulsa ng pants niya habang nakatingin sa lupa na para bang may malalim na iniisip.

"May problema ba?" tanong ko dito na nagpaangat sa ulo niya. Ilang niya kong tinignan.

"Wala," maikling sagot nito. Huminto ako sa paglalakad, akala ko hihinto rin si Vynx pero nagpatuloy lang siyang nakasunod kila Hazel at Aeyesha kaya wala akong nagawa kundi maglakad na lang ulit. Gusto ko sana siyang kausapin pero parang galit siya sa akin. Hindi ko alam kung bakit? Or kung may nagawa ba 'ko sa kaniya.

"Zizy, saan ba 'yon? Bilisan mo nagugutom na ko," tawag sa akin ni Aeyesha habang hinihimas ang tiyan niya. Nahuli kasi ako sa kanila maglakad, sinadya ko talaga 'yon para hindi makasabay si Vynx dahil alam kong kailangan niya ng time para makapag-isip at mapag-isa, kahit hindi niya sabihin ay nararamdaman ko.

Binilisan ko ang lakad ko papunta sa malaking puno, may bleacher sa ilalim nito at may duyan na gawa sa sako na nakatali sa sanga sa taas ng puno, maganda ang pagkakatrimed ng bermuda grass, marami ring iba't ibang uri ng bulaklak ang nakapalibot dito gaya na lamang ng rose, gumamela, tulips, orchids at iba pa na nagpaganda pa sa lugar, hindi ito masyadong kita dahil sa nagtataasang damo na nakapalibot dito pero makikita mo mula dito ang Keres Academy.

"Wow, ang ganda!" rinig kong usal ni Hazel habang nililibot ang tingin sa lugar.

Umupo ako sa ilalim ng puno, kung saan ako umupo n'ong unang araw na pumunta ko dito. Hinayaan ko lang sila na libutin ang lugar. Tumabi sa akin si Vynx, habang si Aeyesha at Hazel naman ay naglakad papunta sa duyan. Hinanap ng mata ko si Kera, tumingala ako upang tignan kung naroon ba siya sa itaas pero hindi ko siya makita.

Asan kaya 'yon? Teka, bakit ko ba siya hinahanap tsk!

"Zhionne, sorry." Napatingin ako kay Vynx ng magsalita ito. Hindi siya nakatingin sa akin, nakatulala siya sa bulaklak na nasa harapan namin pero ramdam ko ang sinsiridad niya sa paghingi niya ng paumanhin.

"For what?" tanong ko dito. Sa totoo lang hindi ko alam kung bakit siya humihingi ng sorry sa akin. If kung tungkol 'yon sa hindi niya ginawang pagpansin sa akin ay ayos lang sa akin pero gusto ko malaman ang rason niya.

"Sa hindi ko pagpansin sa'yo," sagot niya. Napahawak siya sa buhok niya at napakamot dito na para bang nahihiya siya sa ginagawa niya.

"Bakit ba hindi mo 'ko pinapansin kanina?" seryosong tanong sa kaniya na ikinabuntong hininga niya.

Sinimulan ko ng ilagay 'yong baon namin ni Aeyesha sa sahig,

"I don't know," kibit-balikat na sagot niya.

"If you have a problem Vynx, you can tell me," wika ko at hinawakan ko ang balikat niya at pinisil iyon. Tinignan ko siya sa mga mata niya at nginitian. Hinawakan niya ang kamay ko at nagulat ako ng halikan niya 'yon. Malakas na hangin ang dumampi sa balat ko, hinawi ni Vynx ang buhok ko sa mukha, hinawakan niya ang pisngi ko at dahan-dahang nilapit ang mukha niya sa mukha ko.