من عرفتك بدء عمري زاد النبض في صدري سرقتك بضحكتك عمري

"الثامن والثلاثون"

سديم :اقوول حنوون
حنين :هلا
سديم :شفيه جوالك اتصل عليه يطلع لي مغلق
حنين تذكرت موقف الباخرة الي صار لها مع صقر :هااا ..ايه انااا ..شكلي ضيعته وانا في لندن
سديم :صدق! ليشم اقلتي لي عشان اشتري لك واحد جديد
حنين :لا مايحتاج تشتري لي
سديم :بس كيف راح نتواصل لازم اشتري لك
هزت حنين راسها بمعناة الموافقة
سديم همست لحنين :ترا دريت عن الموضوع وحسااابك في البيت لانك ماعلمتيني
حنين استغربة لانها مافهمت على سديم بس انصدمت لما سمعت سديم تتكلم بصوت عالي للكل
سديم :بناااات عندي لكم خبر حلووو ...احم احم اخووي صقر واخيرا خطبنا له
الكل انصدم وناظرو في سديم بصدمه خاصة مرام واشواق
جنى :صـــدق !ومنو الي خطبتوها له ؟؟!
سديم ناظرت في حنين وابتسمت بفرح :حنووون الدبة
الكل ناظر في حنين بصدمه وتقربو لهم وصارو يستفسرو عن الموضوع مو مصدقين
اشواق بصدمه :سمعتـــي الي سمعته
مرام :ايه ومو مصدقة !
اشواق :انتي عرفتي انك ماتحبيه بس انا احبه
مرام ناظرت في اشواق وقالت :اشواق فكري زيين حنا نعجبنا فيه وبسبب مراهقتنا فكرنا إنا هذا هو الحب بس هذا مجرد إعجاب
اشواق :مادري مادري تلخبطت انا احس بصدمه للحين بس ما احس اني ابي ابكي او اصرخ مثل الافلام
ضحكت مرام عليها وقالت :اوكي خلينا نروح لهم ونسمع السالفة بالتفصيل
اشواق :اووووك

يوم جديد في بريطانيا

اسامه :انتي مجنوووونه ماصار لك من طلعتي من المستشفى اسبوع ومصممه تروحي الجامعه
اسرار :انا مليت من الجلسة هنا وبعدين اشتقت للبنات
اسامه :بس انتـ ....
قاطعته وقالت :ليش تتصرف وكأنه لك امر علي !
اسامه انقهر من كلامها وقال :هذا جزاء الي ينصحك
اسرار :مااابي نصايح منك يكفي تحكم فيني اتركني بكيفي
اسامه بقهر :اووووكي سوي الي تبينه
واخذ جاكيته وطلع من الشقة
صفع الباب بقوة
غمضت عينها بقوة وفتحتها بألم وقالت :سااامحـني اسامه
اخذت شنطتها وطلعت وصارت تمشي وراه مثل كل يوم بس هذي المرة مشاعرها غير من عرفت إن حبها الثاني هو نفسه حبها الاول
اسامه كان يمشي بقهر منها ولا التفت لوراء يشوفها ومن وصل الحافلة ركب بسرعه وركبت وراه اسرار بس انصدمت لما ناظرت الحافلة المزدحمه حتى مافي مجال احد يقعد
وقفت قبال اسامه وبلعت ريقها من قربها منه نزلت راسها لانها لو رفعته بتكون مرررة قريبه لانفاسه
وقف الباص ودخلت مجموعه ثانيه كبيرة ومن الزحمه اصطدمت بصدر اسامه ورفعت راسها و وسعت عدسة عينها من صدمه قربها له بلعت ريقها وهي تشوف عينه البنيه تناظر عينها توترت وماعرفت شنو تسوي هي صارت شبه حاضنته من الزحمه
تنهدت براحه لما وصلوا للمحطة الي بقرب الجامعه نزلت بسرعه وصارت تاخذ نفس
ناظر فيها وابتسم على ججنب ومشا عنها
ناظرت فيه وحطت أيدها على قلبها ومشت وراه

_________________________

انتشر خبر خطوبة صقر لحنين و وصل الخبر لـ ...