من عرفتك بدء عمري زاد النبض في صدري سرقتك بضحكتك عمري

"البارت الثاني والعشرون"

_______________

جلس بألم وحزن اليوم بيكتبوا عقدة على بت خالته اليوم بينتهي حبه
اخذ له دش ولبس الثوب والشماغ
دخلت امه وابتسمت وصارت تزغرط ماتدري انه يتألم ويتكسر قلبه بعد كل ثانيه
ام جراح بفرح :واخييييرا جاء اليوم الي شفتك فيه معرس
وصارت تبخرة من البخور الي في يدها
جراح :يمه
ام جراح :هلا يانوور عيوووني انت
جراح بألم :هذا هو الي تبينه يا يمه
فهمت عليه وجلست على الكنبه الي في جناحه وقالت :والله ماكان ودي اني اغصبك على شي ماتبيه بس صدقني راح تحبها وراح تصدق كلامي ان الحب يجي بعد الزواج
جراح :ذاك الود يا يمه بس الحب هو الي تحس انك ماتقدر تعيش بدونه
ام جراح :الود احلا من الحب لانا الود فيه كل شي فيه الاحترام وفيه التقدير وفيه المحبه والاخلاص بس الحب مايجيب لصاحبه غير التعب
جراح بألم :يعني خلاص باخذ بت خالتي
ام جراح تألمت على ولدها وقالت : عسى ان تكرهوا شيئا وهو خير لكم وعسى ان تحبوا شيئا وهو شرا لكم
وقفت وحطت ايدها على كتف ولدها وقالت :لازم ترضا بالي كتبه لك رب العالمين ولا تعترض عليه
طلعت من الجنا اما هو ظل واقف غمض عيونه وقال :آآآآآآه يايمه يا ليتك تعرفي شنو يصير في قلبي الحين
نزلت دمعته بحسرة وحزن والم وحياة جديدة تنتظرة بالألم

_________________
:سلطان
رع راسه لها وناظرها
لمى بلعت ريقها وقالت :انا صحيح مدري شنو فيك وليش ملامحك حزينه وكلها ضيق بس انت اقوى من كذا لاتخلي شي يأثر فيك
درات له وابتسمت وقالت :ممكن اليوم مو حلو بس بكرة اكييد احلا وتأكد انك اذا خسرت شي راح تربح شي اكييييد
فاجأه كلامها ماتوقع انها فهمت شعورة واحساسه في هذي الحظة ولا توقع انها تقول حكم
سلطان :بس ليش تقولي لي هذا الكلام
لمى :يمكن لاني ما تعودت اشوف ملامح الضيق والضعف في عينك ويمكن لاني ما احب اشوف احد متضايق
سلطان نزل راسه بضيق وقال :صحيح انك توأم اختك بس تختلفون كثيررر
لمى :شنو قصدك؟
سلطان رفع راسه لها وابتسم وهز راسه بلا
لمى :انا بروح الحين بس ابي اقول لك شي اذا تضايقت لا تتردد في الكلام معي
ابتسمت له وطلعت
كان متفاجأ من تصرفها الغريب والجريء بس ابتسم لكلامها الي عطاه قوة وابتسامه
سكرت الباب وتسندت عليه تنهدت بضيق وقالت :آآآه يا سلطان لو تدري ان الكلام الي قلته لك الحين كان نصايح جنى لي لما اتضاايق واتألم

________________

:اسيل
ناظرت المكان وكأنها تدور على احد
اسيل : وين الدكتورة دينا ؟!
رعد : عندها ظرف وطرت تروح
اسيل :يعني ..
رعد :ايه انا الي بكون معك وبس ..وحتى لو كنتي رافضة لازم تقبلي لاني انا المسئول عنك مو الدكتورة دينا ..والحين خلينا نبدئ اول شي نبي نسوي اشعة على الكلية وبعدها بأخذ من دمك عشان بنشوف اذا الادوية جابت نتيجة ام لا وراح تنام في المستشفى مثل منتي عارفة ...الحين تعالي معي لغرفة الاشعة
قامت معه وصارت تمشي وراه ابتسمت وقالت في قلبها :صرت دكتور كبير يا رعد والكل يعرفك ويطلبك بس مقدر اسامحك انت السبب في موت ابوي
وصلوا لغرفة الأشعة واخذ لها صورة على الكلية
وبعدها اخذ منها دم وينتظر النتايج من المختبر خبر الممرضات يوصلوها للغرفة الي بتنام فيها وبعدها راح لغرفته
جلس على الكرسي واخذ ورقة الاشعه انصدم وقال :ليش الورم يكبر ياااااربي
حط ايده على شعره وباعد خصلات من شعره على وراء
رفع التلفون وصار يطق بالأرقام ومن جاه الرد قال :تحليل الدم حق اسيل خالد الـ ........ طلع
الممرضة :ايه نعم طلع
رعد :جيبيه لي الحين
الممرضة :حاظر