من عرفتك بدء عمري زاد النبض في صدري سرقتك بضحكتك عمري

"البارت العشرون"

_______________

دخل الشركة بهيبته المعتادة و وقف الكل عشان يلقي السلام والتحيه عليه
دخل لمكتبه ودخل وراه واحد
صقر وهو متجه للكرسي :شنو اخر الاخبار
بفرح :تطمن طال عمرك تأكدت وطلعت البنت عايشة
رفع راسه له بسرعه وقال بدون استيعاب :صدق
الرجل :نعم طال عمرك
صقر والابتسامة بدت ترتسم على شفتيه :و وينها هي الحين ؟!
الرجل :للأسف للحين ما عرفنا وين لانهم غيروا عنوانهم قبل 6 سنوات والحين حنا نبحث عن سكنهم الجديد
صقر :لازم نشوفها يا فواز انا خلاص بدء صبري ينفذ
فواز :لا تخاف طال عمرك قريب ان شاء الله نلقاها
صقر :ان شاء الله نلقاها

______________

رنيم :شفيك سلطان من جيت لك وانت بس سرحان وساكت فيك شي
سلطان ابتسم لها وقال :لا ما فيني شي
رنيم :والله يا خوي باين من عيونك انك عشقاان وان سبب الحادث هو هذا العشق
ناظرها بسرعه وقال :عقلي بس عقلي
رنيم :ناظر في عيني وقول إني غلطانه
سلطان :كأنك تثرثرين كثير راسي ما يتحمل ترا
رنيم بوزت وقالت :مالت عليك وانا الي ابي اوانسك بدل الجلسة بروحك
سلطان :ايه باين انك تبين تونسيني والدليل انك اتصلتي على مشعل عشان يجي ويجلس معك وتتركيني بروحي
رنيم :والله منك بس ساكت وسرحان واذا تكلمت بشي قلت لي ..وصارت تقلد عليه ... : عقلي بس عقلي
سلطان :هههههههه ما تعرفي تقلدي علي لاني نادر في الوجود
رنيم :مقدر على الواااثق اناااا
دخل مشعل وقال :ضحكوني معكم
رنيم :اكملت جاء المنرفز رقم 1
مشعل ضربها بخفه على راسها وقال :مو انتي الي قلتي لي اجي
رنيم :للأسف ايه
مشعل :احسك تبين تطرديني
رنيم : لا بس ابيك تصير لي عون على الاخ الي جالس هنا
سلطان : وشنوو فيه الاخ يا الاخت رنيم
رنيم :لا بس سرحان وساكت وتاركني مع الجدران اكلمهم واذا تكلم نرفزني
مشعل :ههههههههههههه
سلطان :ايه اضحك اضحك
رنيم مسكت يد مشعل :مشعل خلنا نروح الكفتيريا
ارتعش جسم مشعل من مسكت يد رنيم وبسرعه تباعد عنها
رنيم باستغراب :شنو فيك ؟
مشعل بتوتر :هااا ..لا ولاشي بس ما بي اروح الكافتيريا
رنيم :وانا الي قلت رجعت مثل قبل اففف منك
سلطان ناظر في مشعل باستغراب صدق باين عليه التوتر من مسكت ايده رنيم

_____________

بعد صلاة المغرب في بيت ابو نواف
وصل راكان ودخل للمجلس كان واثق من نفسه وكل سؤال كان يوجهه له ابو نواف يجاوب عليه بثقة
ابو نواف وهو فرحان فيه :والله والنعم فيك نتشرف نناسبك بس لازم بعد نسأل البنت ونرد لك الخبر وان شاء الله ما يصير خاطرك الاطيب
راكان ابتسم وقال :تسلم وانا لي الشرف ان اناسبكم ...الحين استأذنكم بروح للمستشفى
ابو نواف :بالتوفيق يا ولدي
طلع راكان واما ابو نواف راح يكلم الجوري بالموضوع ويفهمها بس انصدم من ردها السريع
الجوري :يبه انا موافقه
ابو نواف بفرح :انتي متأكدة خلاص اخذتي قرارك فكرتي زين
الجوري :ايه يبه فكرت زين وانا موافق
ابو نواف بفرح :اجل اقوم ابشر امك واتصل على الرجال واقول له بموافقتك
اتصل ابو نواف براكان وعطاه الموافقه انصدم راكان يمكن لانه حس انه تسرع في قرارة او لانه خاف من هذي المرحلة في حياته