Abaddon School (Part 1&2)

Abaddon School Part 1.6

"Rey and Ivan, they will be okay right?" Biglang tanong ni Faye sa barkada.

"Buhay si Ivan, kasama namin siya kanina." walang ganang sagot ni Lincoln.

"Nasaan na siya?" Lumapit si Faye kay Lincoln.

"Hinahanap si Rey... Si Rey ang hindi namin alam kung..." Hindi natapos ni Lincoln ang kanyang sasabihin ng inawat siya ni Faye.

"Huwag mong sabihin... Alam kong buhay siya!" giit ng dalaga.

"Guys! Tignan niyo 'yong orasan mayroon na lang tayong 4 na minuto bago magsimula ang panibagong laro." sabat ni Amchel sa kanila.

Tumingin silang lahat sa tinuro ni Amchel, nakita nga nila na may 4 na minuto na lang bago magsimula ang pangalawang laro.

"Pusa naman! Ano tatayo na lang ba tayo dito?" Biglang tanong ni Fayce sa kanila. "Hahanapin ko na sina Ivan at Rey. Ikaw, Lincoln, bantayan mo sila." Dugtong ni Fayce sa sinabi.

Aawatin sana ni Faye ang kakambal pero nakatakbo na agad ito.

"Kuyaaaaaaaa!" hahabulin sana ni Faye ang kakambal pero inawat agad siya ni Lincoln.

"Ano ba Lincoln, Bitawan mo ko! Susundan ko si kuya!!!" giit ni Faye.

Pilit na tinatanggal ni Faye ang pagkakahawak sa kanya ni Lincoln pero lalo lang hinihigpitan ni Lincoln ang pagkakahawak kay Faye.

"ANONG GAGAWIN MO? SUSUNDAN MO SI FAYCE? TAPOS ANO? KUNG PAANO IKAW NAMAN ANG MAPAHAMAK HUH? MAKINIG KA SA KAKAMBAL MO! ALAM NIYA ANG GAGAWIN NIYA!" Hindi na nakatiis si Lincoln at nasigawan na niya si Faye.

Napaupo na lang si Faye dahil sa sinabi ni Lincoln. Doon niya napagtanto na tama nga ang sinabi ni Lincoln.

Inalalayan ni Debra ang matalik niyang kaibigan at niyakap niya ito ng mahigpit.

"Amchel?" tawag ni Debra sa ssg president ng school.

Lumingon ang binata kay Debra "Bakit Debra?"

"Umakyat ka sa stage at mag-announce ka na magtulungan tayong lahat."

Sa sinabi ni Debra, umakyat si Amchel sa stage. At buong tapang na nagsalita sa harapan.

"Mga kapwa kong students ng Abaddon School, makinig kayo sa akin..." sa sinabi ni Amchel, lahat sila ay mga tumahimik at nakinig sa sasabihin ng kanilang presidente. "Alam kong lahat kayo ay nalilito kung anong nangyayari sa school natin. Ako man ay hindi ko rin alam. Nagulat na lang ako na may sumisigaw na sa mga classroom. Kaya kailangan natin magtulungan kung ano man ang magiging laro ngayon...." tumingin siya sa orasan "Mayroon na lang tayong 2 minuto para magsimula ulit ang larong sinasabi nila." dugtong na sabi ni Amchel.

Sa sinabi ni Amchel, lahat sila ay nagsitanguan at mukhang sang-ayon sa sinabi ng presidente nila.

Lumapit ulit si Amchel kina Lincoln.

"Lumipat tayo sa gilid. 'Wag tayo dito sa may stage..." bulong ni Debra kay Lincoln habang nakayakap pa rin si Faye sa kanya.

"B-bakit?" nauutal na sagot ni Lincoln.

"May nararamdaman akong mali..."
Sa sinabi ni Debra, tumayo sila at lumipat sa may gilid ng stage kung saan may mga upuan.

* * * * *

Sa kabilang banda, patuloy pa rin ang paghahanap ni Fayce kina Ivan at Rey. May dalawang minuto na lang siya para mahanap ang mga ito at makabalik sa gym.

Pumunta si Fayce sa tagpuan ng barkada. Tumatakbo siya papunta roon may mga nakakasalubong pa rin siyang schoolmates nila na mukhang papunta sa gym puro dugo rin ang mga uniform ng mga ito.