BOOK 2: Confession of a Gangster (Completed)

Confession 28: Possession

Pinaglaruan ko ang stick ng lollipop na nasa bibig ko habang patuloy ako sa pagsunod sakanya. He stopped kaya automatic na napahinto rin ako. Geez. Bakit ba kasi sa mismong likuran niya pa ako pumwesto? Muntik pa tuloy akong mabangga sa likod niya. Napailing na lang ako sa sariling naisip at humakbang pakaliwa saka nagpatuloy sa paglalakad sa hallway.

“Ms. Grey, right?” Napahinto ako sa paglalakad nang marinig ang boses sa likuran ko. Pumihit ako patalikod at nakita ang kaninang lalaking nakasabay ko sa elevator, pero hindi tulad kanina ay nakangiti na ito dahilan upang lumabas ang magkabilang dimple sa pisngi nito. Hindi ko maikakaila na mas gumwapo siya sa ginawa niyang pagngiti.

“Yes. Why?” casual kong sagot at inalis ang subo kong lollipop.

“Goodmorning sir.” Napaharap ako sa bandang kanan noong marinig ang maarteng boses ng isang babae. Girl 1 na nagpapuppy eyes while waving her hand.

“Hi sir,” bati rin ng girl 2 na katabi niya wearing her flirtatious smile.

“Goodmorning,” bati ng kaharap ko sa dalawang babae sabay ngiti. Feeling ko nagheart shape bigla ang mga mata nito saka nagpaalam at kumaripas na ng takbo. Kala nila di ko nakita na pinasadahan muna nila ng tingin ang lalaking ito mula ulo hanggang paa? Malagkit na tingin pa. Kadiri. Mga babaeng manyak.

Ibinalik ko na ang tingin sa kaharap ko na kasalukuyan na rin pa lang nakatingin sakin. He smiled at lumakad palapit. “You’re 3 weeks absent in my class and mind you, it’s consecutive absences.”

 

“I’m aware, sir.” Pagdidiin ko pa sa ‘sir’. Pinilit ko ang sarili na wag mapairap dahil professor ko nga siya. Darn.

Napatawa ito ng mahina at hindi ko na naiwasan ang pagtaasan siya ng kilay. “I hope kilala mo kung sino ako, Ms. Grey,” he paused pero naroroon pa rin ang playful smile sa labi niya. “Let’s go. Malelate ka na sa klase ko.” Pagdidiin nito sa salitang ‘klase ko’. He patted my left shoulder bago ako tuluyang lagpasan.

Napanganga naman ako dahil sa narinig. He’s my first subject’s professor for today? Sh*t. Marahas akong napalingon sa nilakaran niya at nanlaki ang mga mata ko noong nakatingin rin pala ito sakin habang nakangiti pa. Dahan-dahan kong inilipat ang tingin ko sa room na hinintuan niya and saw my first subject’s room number. Siya nga! Ibinalik ko ang tingin sakanya at ganoon pa rin ang ngisi niya bago ito tuluyang pumasok sa loob ng room. Napapikit na lang ako. Muli kong isinubo ang lollipop na hawak ko habang hinahalungkat sa bag ko ang COR (Certificate of Registration) para makita kung anong pangalan ng professor na ‘yon.

Gin Bezarius.

 

I hissed. Still pinning my eyes on the piece of paper. Ito pala ang hunk na kuya ni Oz. No wonder na sa layo kong ito ay naririnig ko ang tilian ng mga blockmates kong babae. Tss. Kaya naman pala pamilyar ang ngisi niya, pareho sila ng kapatid niya. Ibinalik ko na ulit sa loob ng bag ang COR ko at nagpatuloy sa paglalakad papunta sa room. Hindi na ako nag-abalang kumatok dahil bukas naman ang pinto. Lahat ng babae ay tahimik na nagnanasa sa professor namin sa harapan. Hindi na nga yata nila napansin na may bagong dating dahil abala silang lahat sa pagtunaw kay Gin. ‘Yung mga lalaki naman, walang pakialam ang drama sa buhay. Halata ang pagkairita sa mukha ng ilan. Well, that’s a man’s insecurity. Ang makakita ng lalaking hamak na mas gwapo at mas lamang sakanila, ‘yong tipong wala pang ginagawa pinagkakaguluhan na. Gin Bezarius is one of the best living example.