Feline (Mr.Control Freak) COMPLETED

PART 3 -Who's bed?

"Morning mandak, aiyaaa tapaya la bah kau panat2 bawa turun tu sampah2 kau, ada juga tu yg tukang kasi bersih setiap tingkat." Bilang c ongkol security yg menjaga d block kami.

Dari dlu sya tertanya2 kenapa block kami seja ada security, maka dalam ni kwasan prumahan ada 9 block. Tapi inda rajin la sya pg menanya bah.

Lepas sya sudah kasi buang smua tu sampah, baru sya p tmpt c ongkol. "ongkol, d sebelah rumah sya tu bah, memang ada orang sewa dari dulu ka? Ada orang baru sudah tu.."

Lepas ja sya cakap bgitu trus c ongkol garu2 kepala. "yaa, memang ada orang tingal sudah baitu, Cuma dlu dorang pg travel, jadi tiada orang tingal sana."

"Ohhhhh.. begituu~" sya ni pun angguk2 seja la kunun kepala. "Bah ongkol, sya naik dlu la kio. Sya mau pg karja sudah ni. Lambatt nodii."

"Bahh2, hati2 kio. Tulaa kau susah2 ja hantar kasi turun tu sampah. Adidihhh." C ongkol pun guyang2 kepala ja.

"Okay, ponsikou ongkol.." sya cepat2 jalan pg lif, smpai d lif, baru sya tingat c lebby. Adoyyyy masalah lagiiiiiiii~

Sya kluar balik dari lif, trus jalan pg depan bangunan, "Lebby! Oiii anak ku sayangg, mana kau ini, mari.. naik sudah kita nakk. Lebby!"

Aduyyy, jam berapa sudah ni, nnti sya klambatan pg karajaaaaaa! Matila matilaa..

Sya pusing2 d kwsan dekat2. Mau 5 block sudah sya pg mencari c lebby. Aikk, selalunya dia tidak jalan jauh dari syaa.

Sya tngu jam, astagaa lambat sdh sya mau masuk kerja. Cepat2 sya naik, bsiap smua. Matilaaaa. Sya mandi, pakai baju, ambil beg trus jalan. Peduli la tiada touch-up. Dsbbkan mau cpat2, trpaksa la oder uber. Bukan jauh juga bh, tapi slalu sya naik bas sja. Kalau mau tunggu bas penuh lagi, aduyy matailaaa.

Smpai ja supermarket, sya terus jalan pg locker pekerja. Pakai baju khas untuk pkerja trus sya kluar. Ngam masa ni, turn sya jaga cashier. Sya limpas d dapur2 pekerja, smua tengok sya. Aik, knapa kamu tngu sya ni? Tapi sya kasi abai jaa, sya senyum sja sma dorang terus pg bhagian cashier.

Sampai ja sna sudah tu kawan sya ganti. Binggung2 trus sya. Hmm, baru 15 minit lambat, sudah kena ganti?

"Ui, knpa kau lambat? C boss cari sudah kau tu." Kwan sya c nancy cakap. Boss cari? Terkaku terus sya berdiri di tengah2 jalan entrance..

"Ahh, kenapa dia cari sya?" Astagaaa. Matilaaaa! sya tanya balik. Trus tangan c Nancy Tarik sya dari berdiri d tengah jalan.

"Mana la sya tau. Bagus kau pg la cepat2, macam mrah2 ja dia tu.. sna d office dia tu."

Oh nooo! Not this timeeeee. Saya bergegar sdh bjalan pg office c boss. Sya tidak mau khilangan ni kerjaaaa. I need this job! Susah lagi mau cari kerja nantii. T.T

*Knock2* Ehem2 nervous sya gilaaaa..

"Yes, come in." pelan2 sya buka tu pintu, then sya cubuk c boss. C boss tengah minum kopi smbil baca news. Oh god. Im dead!

Bila sya msuk ja, trus c boss angkat kpla mau tengok sya. Muka dia trus jadi marah. "Ahhh, u aa meldaa. Baru u sampai! Sudah jam brapa ni? Cuba u check jam u! I paling tida suka klau pekerja lmbat masukk. 1 atau 2 minit boleh telima lagii, ini u smpai mau stangah jam lambat! Aih! Bladispull! Apa mau jadi ohh u ni." Nahh trus marak api c boss, tiada lagi tnya2 khabar ka sudah makan ka apa. Asihhh....😒😒

"Boss, bukan stngah jam boss, baru 15 minit sya lambat. Sorry, kucing sy hilang, smpai skrang blum balik2. Sya smpai pusing 5 blocks cari dia tadi. Bukan sya mau lambat masuk kerjaa, tapi tu kucing betul2 hilangg. Sorry boss."

Mata sya mau bair sudah. Sakit bah hati, kena tengking, marah2 bgitu awal pagi. Bukan sya ada niat pun mau lambat.

C boss geleng2 kepala sudah. "Aihh, nahh, ini gaji u bulan ini and bonus. Sorry Esmerelda, I tidak dpat tahan kalau pekerja buat salah. Ini u ambil laa, and cari kerja lain yg sesuai sama masa u. I tida dapat terima pkerja yg lambat masuk kerjaa. Ahh, u masih mudaa maa hoh, pg la cari kerja yg lbih bagus. Ini nasihat sya, kalau mau kerja d mana2 lain kali, jangan tlampau jerewet, kerja duduk d ofis pun ada rules mahh, apa lagi supermarket besar. hoh, goodbye Esmerelda.."

I'm doomed, totally doomed. I'm now officially jobless.

Sya ambil sja tu sampul dari c boss, trus sya tunduk sja kluar dari sna. Straight pg tandas. Sya Nampak juga kwan2 pkerja lain bagi sympathy looks. But I dont need sympathy. I need a job! Sya bkunci dlam tandas, trus menangis.

Ini semua salah c lebby la ni! Huuuu~ ehh no no! bukan salah lebby, lebby tidak pernah salah..

Ini semua salah tu lelaki dalam lif!! Ishh! Noo.. kenapa pula tiba2 lagi dia terlibat?..

Ini semua salah tu sampah c maleficent! Yaaa! Ini semua salah dia! Sebab dia la sya lambat, sbb dia la sya kena buang kerja! Sebab sampah c maleficent!!

Guess worst challenges will comes through me now. Well2, at least I still got my job at 7E. Hope I can still survived in 2 months or more.

Can my life be any better than thisss~

Survival can be summed up in three words - never give up.
Thats the heart of it really.
Just keep trying - Bear Grylls