باب الشارع يضرب
محجوب : قوم يا ولد أمشي أفتح الباب ده (لي أحمد الكلام ده)
أحمد قام ماشي وينق أحمد تعال أمشي أمشي أحمد أفتح الباب أحمد أقفل الباب أحمد جيب ده أحمد خلي ده كرهتوونا يااخ متين أعرس وأطلع من البيت ده زي أسعد كدة " النقة شغالة لحدي ما فتح الباب وكانت الوداعية أم منيع الفي الباب سلمت علي أحمد ودخلت
: أم منيع : سلام يا أهل الدار قيلتو عافية
طبعاً محجوب م بطيقهاا نهائي لأنو هي واحدة بتاعت دجل جنها ودع وشوفة الفناجين والدجل ده ومن يشوفهاا بتنرفز ورد ليها السلام بدون نفس حتي أسعد كمان ما بطيقهاا
سلمت قعدت بعد دقيقتين جات سوسن لأنو سمعت صوتهاا جات جارية جري ده كلو خوف من محجوب لأنو عارفة يشوف الموت ولا يشوف المرة دي 😂
ساقتها ودخلو العريشة حقت الزنك كانت مقفلة وعاملين فيها مكيف يااخ رهييبة عديل ومع ريحة القهوة الكانت عابه العريشة وبخور الصندل يا سلاااام ريحته تجيب الطاشي والله لو مصدع وجيت شميت ريحة القهوة البتعمل فيها رحاب صداعك يروح وقتي
دخلت أم منيع ومن شافت رحاب ماشاءالله دي ياها رحاب مرت الأسد (طبعاً ملقبين أسعد بالأسد لأنو إذا قام صعب😌)
سوسن : ااااي دي مرت ولدي قالتها بدون نفس 😑
تعالوا أقول ليكم سر يلا سوسن دي من الأول م عايزة رحاب لأسعد لأنو قالت وضعهم المادي متوسط والكلام الما منو فايدة ده عشان كدة بتعامله بقسوي
أم منيع : ماشاءالله كنتك عثل عاد يا سوسن ربنا يحفظه ليك ولي أسعد
رحاب : تسلمي يا خالتو من ذوقك 😊
سلمت كمان علي أفراح وقعدت ..سوسن قالت ليها طلعي الودع أرمي لينا قبل م تم كلامها كانت رتاج بتها جات سلموا عليها وصراحة هي بتحب رحاب كتير لأنو كانوا صحبات من الجامعة وعن طريق رتاج رحاب إتعرفت علي أسعد ولأنو هي كمان عروس بس لسه الله ما رزقها بالبيبي
أم منيع : اها يا جماعة قربوا لي علي جاي أكشف ليكم الغريق وأطلع ليكم البعيد
سوسن رمت ليها البياض عبارة عن ورقتين فئة خمسين جنية
أم منيع رمت الوضع وكان جزء منو مقلوب وجزء مالي غايتو أنا م بفهم الحاجات دي بفهمه ناسوا 😂😂
أم منيع قالت لي سوسن جايك رزق من حتي بعييييييدة وكمان عندك حاجات داسه من ناس بيتكم😏
سوسن عملت كدة😳
لأنو هي فعلاً عندها أخوها رسل لي كمية من القروش
وكانت داسه من محجوب😄
بس أم منيع كشفتها
رتاج : كدي شوفي يا خالتو أم منيع حألد ولا لا لأني م خليت دكتور وما مشيت علي (غايتو جنس جهل عليك يا رتاج مع إنك خريجة جامعة ومتعلمة)
أم منيع : رمت الودع ورشت فيهو حبة سكر وقالت لي رتاج ح تلدي ما خافي ح تجيبي البيبي الأهل راجلك صارعنك بيهو رتاج فرحت وقلبها إرتاح
رحاب صبت القهوة في الفناجين للمرة التالتة وملت الصبارة عشان توديها لي عمها محجوب وأسعد قامت من هناك أفراح هاتي أنا بوديها إنتي واصلي رحاب بحسن نية مدت ليها الصبارة عشان توديها
أفراح : عمو محجوب الصبارة حقت القهوة
محجوب : تسلمي يا بتي شيل منها الصبارة دي يا أسعد
أسعد قام وعايز يمسك منها الصبارة مسكها بس أفراح عملت حركة ما عجبتوو في أثناء ما عايز يمسك منها الصبارة ضغطت علي يدو بيدها وغمزت ليهو😉
ومحجوب ما شافها أسعد إرتبك وإستغرب
رجعت أفراح وقعدت في السرير
رتاج : ريري تعالي خلي أم منيع تشوف ليك حظك
رحاب : لالا يا رتاج إنتي عارفاني ما بحب الحاجات دي
رتاج : يا بتي هي مجرد ونسة بس يعني ما تأخدي الأمور جد يلا قومي رتاج قدرت تقنع رحاب
رحاب : اها أمري لله يلا هاتي يا أم منيع شالت رحاب ورمت الودع
أم منيع : ماشاءالله ماشاءالله الفرح مالي بيتك والحب والوئام مغرقكم إنتي وأسعد وماشاءالله راجلك بموت فيك يا بتي حافظي عليهو كويس
رحاب : تسلمي 😊 طبعا رحاب متأكدة من حب أسعد ليها يعني أم منيع م أضافت حاجة جديدة
أفراح فجأءه بقت تغير من رحاب لو جابوا سيرة أسعد وبقت تحقد عليها
أفراح : اها يا أم منيع شوفي لي مافي عريس جاي ولا جاي
رحاب : بهظار ايوووووه نحن مش قلنا م في بالي العرس والكلام الفارغ ده هههههه
أفراح : (بضحكة مصتنعة) تقولي شنو غيرت رأي اها كدي مدي لي الودع ده أشوف حظي أنا كمان شالت أفراح الودع ورمتوو يلا يا أم منيع شوفي شغلك
أم منيع : شافت الودع كركركركر ده شنو ده وب علي 😱
يتبع.....
