سحر المحبة

الجزء 06

وصلت أفراح وجهته

افراح : والله ي خالتو تعبت معاهو انسان صعب جداً وم قادرة أتحمل فكرة أنو يقرب من رحاب 😤

ياربي افراح بتتكلم مع منوو كدي نشوف ونعرف?

😱😱يالهوي دي سوسن أم أسعد معقول الدنيا دي حصل فيها شنو ي ناس أم تخطط عشان تخرب بيت ولدها حسبنا الله ونعم الوكيل

سوسن : ماف حاجة إسمها تعبتي إنتي لو بتحبي أسعد م لازم تستسلمي بسهوله حاولي قدر الإمكان وكمان لازم تظهري ليهو إنك بنت ماف منك وكوني أحسن من رحاب ف نظروا مش عملتي الوصيتك بيهو

أفراح : )بإرتباك كدة( اي اي عملت القلتي لي بيهو قمت من الصباح ومسكت البيت ده كلو و وقعت فيهو جلخ ورتبت كل حاجة يعني إتصرفت كأني ست البيت م خليت رحاب عملت شئ

أفراح ي كذابة الحقيقة هي عملت غير وصية أم أسعد ليها هي قللت أدبها وحاولت تتجاوز حدودها

سوسن : هو م كل حاجة بتجي بالساهل بس إنتي حاولي وأنا واقفة معاك يعني م تشيلي هم

أفراح : تمام خالتو يلا أنا لازم أمشي وأشوف حأعمل شنو وعايزة منك طلب عايزة رقم أم منيع الوداعية عايزاه تشوف لي هل حأنجح ولا لا

سوسن : اوووك يلا سجلي 00000

أفراح : طيب يلا سلام عليكم وكل واحدة مشت بتجاه أفراح وصلت البيت وكانو رحاب وأسعد مجهزين حالهم شكلهم طالعين وكانت رحاب عثثثثل بس😍

أفراح : ماشاءالله علي ووين كدة

رحاب : ماشين روابي بيتش نغير جو شوية لو عايزة أرح معانا تفرقي شوية

أسعد : تمشي ووين ي رحاب هي دابها جات وبتكون مرهقة خليهاا تأخد راحتهاا

رحاب : أسعد 😒

أسعد : خلاص خلاص لو عايزة تمش راحتها علي العموم أنا حأستناكم ف العربية و ما تتأخروا لي. طلع أسعد ورحاب حست بمعدتهاا قالبه من الصباح والإحساس إبتدا يزيد قلبها تقيف علي حيلها وقعدت ف السرير أفراح غيرت ملابسها عشان تمشي جات لقت رحاب قاعدة ف السرير وشكلها مو طبيعي

أفراح : رحاب ماليك إنتي كويسة

رحاب : م عارفة ي أفراح بس حاسه كأني عايز أستفرغ ومعدتي تعباني شديد

أفراح : طيب نخلي المشي لو ده بريحك 👿 قالته بغضب

رحاب : لالا خلاص أنا حأقوم كدة بس براي بتحسن وعايزة تقوم كدة رأسها يلف وتقع مغمي عليها أفراح إرتبكت وجرت نادت أسعد شوية وكانو ف المستشفي دخلوا رحاب يعملوا فحوصات وتحاليل أسعد مقلق كل مرة يجي يسأل من الدكتور وتاني يرجع وتاني يجي وتاني يرجع

بعد ساعة طلع الدكتور وأسعد من شافه جري عليهو عشان يعرف النتيجة

أسعد : خير ي دكتور زوجتي ماله بس م يكون حاصل عليها شئ

الدكتور : روق شوية ي باش مهندس زوجتك كويسة الحمدلله وكمان الحاصل عليها حيفرحك جداً

زوجتك حامل ف الأسبوع التاني ي باش مهندس

أسعد) طاير من الفرح( بالجد ي دكتور والله أنا بتشكرك كتير تسلم تسلم ههههه أسعد من الفرح بقي يخبط ف الكلام

أفراح سمعت إنو رحاب حامل خلاااص الجن ركبه وعيونها ولعوا حقد دفين بس فضلت ساكتة دخلت باركت ليها

وقعدت علي جنب تفكر تعمل شنو ف المصيبة دي وهنا أسعد الفرحة حقتووو وشال التلفون وهاك ي إتصالات إتصل علي زينب أم رحاب وكانت حتجن من الفرح وكلم رتاج أخته وفرحت ليهم شديدوكلم خالات رحاب وكلم أمه وهي الوحيدة الكانت م مبسوطة بالخبر ده بالعكس كانت متضايقة شديد حست إنو مهمتهم هي وأفراح بقت صعبة بخبر حمل رحاب

خرجوا رحاب وأسعد مشي بيها البيت م عدو دقائق وكان البيت ملان ضيوف ناس مارقه وناس داخله

☀★☆☀★☆★

أسعد : ريري حبيبتي تصدقي أنا أسعد إنسان ف الدنيا

رحاب : وأنا كمان حبيبي مبسوطة جداَ لأنك منحتني الفرحة دي من بعد الله تسلم لي حبيبي 😘

أسعد : تسلمي لي إنتي ي قمري بحبك موووووت

رحاب : وأنا كمان بحبك بس م قلت لي حنسمي المولود شنو لو طلعت بنت حأسميها سالي

أسعد : يا سلااام سالي إسم حلوو شديد وعجبني بس. لو طلع ولد حأسمي عمرو رايك شنو

رحاب : عمرو إسم حلو حبيبي

وعدوا شهرين ف سعادة غامرة وأفراح م حصل منها شئ ف الشئ ف الشهرين ديل الأمور بقت مستقرة نوعا ما

لحدي مافي يوم

يتبع...