أفراح عاينت لي وشهاا لقتوو كلوا جروح عميقة 😱 وأثر أظافر خافت جرت عملت معقم وعملتهاا بالصقة
أسعد نايم يحس بإيد بتلمس فيهو يقوم مخلوع يشوف نفس المرة حقت المرة الفاتت إبتسمت ليهوو بعد شوية إختفت شال تلفونوا وإتصل علي وحيد
أسعد : الوو وحيد وينك لو قريب تعال لي البيت ضروري
وحيد : هلا أسعد أنا سافرت والله مالك إن شاءالله خير
أسعد : والله ي وحيد بشوف حاجات غريبة 👹م عارف الحاصل شنو والأغرب بتجيني مرة قبيحة 👺💀وريحتهاا فظيعة 😷مرت بحس بيهاا نايمة جمبي ومرات بدخل الحمام بشوفهاا قدامي تعبان أنا ي وحيد حاول ترجع سريع عليك الله نشوف حل للمشكلة دي
وحيد :بسم الله الرحمن الرحيم😳 ي زول إستهدي بالله يكون بتتخيل ودي توهمات ساي كدي سمي بالله وأقرأ قرأن كتير
أسعد : بسم الله بس والله أي كلمة بقولهاا ليك حاصلة معاي بالضبط وبالحرف الواحد والقرأن كنت بسمعه لمن رحاب كانت ف البيت أسي المصاحف وكتب القرأن م عارف محلهاا وين
وحيد : والله مشكلة كدي أنا بحاول أجي بسرعة من السفر ونوديك لشيخ شاطر يكون بعالج بالقرأن يشوف ليك حل للمشكلة دي
أسعد : خير ي زول وقفل الخط ويشوف المرة 👹تاني واقفة ف الشباك وقالبة رأسها بطريقة مخيفة أسعد يقوي قلبه ويحاول يطلع من الغرفة تعارض ليهو وتقيف ف الباب أسعد إتجمد ف مكانه وهي بتعاين ليهو لحدي م إختفت من هي إختفت هو شال تلفونه وطلع من الغرفة بسرعة
🏃🏻🏃🏻🏃🏻
وزولتنا أفراح من الكف داك خافت بقت عايشة ف خوف وأسعد بقي ف تجاه وهي ف تجاه يوم فاتت لي أم منيع ف البيت
)ف بيت أم منيع (
أفراح : أم منيع ألحقيني 😰
أم منيع : بسم الله ماليك الحاصل عليك شنو وماليك خايفة كدة😳
أفراح : لو شفتي المصائب الوقعت فيهاا 😰
أم منيع ): بصوت واطي( تعالي تنزيل قاعدة بتسمعنا أسي تعالي نحكي جوه ساقتهاا ودخلت بيهاا جوه
تنزيل تشوفهم بالصدفة وشكلهم بقول عاملين عملة وتقرر تمشي تقيف ورا الشباك حق الغرفة الدخلوا فيهاا
أم منيع : اها أحكي ماليك وشنو المصيبة الوقعتي فيهاا
أفراح : أسعد بقي يتصرف معاي نفس التصرفات الكان البعمله مع رحاب آنا خايفة يكرهني نفس كرهه لي رحاب عمال يتجنبي كل شوية حتي بقي ينوم ف غرفة براهو وغير كدة بقي م بقعد ف المكان البكون قاعدة فيهوو أنا يعني نفس الحركات الكان بعمله مع رحاب بقي يعملها معاي أنا خايفة يكرهني 😓
وحتي شوفي وشي عامل كيف
أم منيع : خاته يدها ف خدها شفتي ي أفراح أنا حذرتك من السحر والحاجات دي من البداية قلت ليك عواقبهاا وخيمة وثم تاني وشك ده مالو مجرح كدة تقول خربشتك كديسة😳
أفراح : م دي المشكلة هنا أنا كنت قاعدة جمب أسعد فجأءة حسيت بإيد ضربتني كف مشيت الحمام لقيت وشي كلوا مجرح وسايل دم 😭 ساعديني ي أم منيع بيتي عمال يتخرب أرح معاي للشيخ يشوف لي حل
تنزيل وب علي سحر مرة واحدة يادي المصيبة 😱 وكمان أمي بتعرف بالحكاية دي حسبنا الله ونعم الوكيل
أم منيع : عاد ي ختي أمشي براك أنا تاني م عايزة أدخل معاك ف المصايب دي كفاية رفضت عريس زي مهند وده كلوو بسببك إنتي لو م جرجتيني معاك أسي كان بتي مبسوطة مع الراجل البتحبه
أفراح : عليك الله أرح معاي ي أم منيع وأنا م بقصر منك والله وهاك دي كل القروش الفي شنطتي شيليها كلهاا بس أرح معاي للشيخ أنا م قادرة أمشي براي وبعدين هو العمل لي السحر أكيد بكون عارف الحاجات البتحصل لينا دي من شنو
أم منيع ): مصلحنجية طبعاً( خلاص مدام كدة بمشي معاك أمري لله بس هاتي القروش دي أول وبعدين أرح
أفراح مدت ليها كل القروش الفي الشنطة خلت حاجة بسيطة للشيخ قالت أحتمال يطلب قروش
تنزيل سمعت كل حاجة وعرفت. السبب الخلي أسعد يكره رحاب ويتزوج أفراح وعرفت أمها ليه رفضت مهند لأنو هي شريكة ف دمار بيت رحاب والشئ الخلاها تنقهر أكتر إنو أمها متابعة طريق السحر والشعوذة
بكت لحدي م دموعها جفن
✶✶✵✵✵☆✵✶✶
هنا أفراح وأم منيع وصلوا محل الشيخ بس مع الأسف الشيخ إتوفي ف حادث سير
أفراح قعدت ف الأرض تبكي وتولول وتخبط وتلطم ف نفسها إلا مسكوها أم منيع و الناس الماره إتفكروها مجنونة البقول الله يشفيها والبقول مسكينة لسه صغيرة غايتوو أم منيع هدتهاا لحدي م سكتت ودورت عربيتهاا نزلت أم منيع جمب بيتم وهي كملت طريقهاا ماشة علي البيت وخايفة من البحصل هناك بس قالت أنا أسعد تعبت حتي قدرت بقيتوو حقي مستحيل أتخلي عنوو بالسهولة دي
وصلت البيت ولقت أسعد
يتبع....
