القصة دي كتبتها لأني شفت بنات ونساء بختاروا طريق السحر والشعوذة لجلب الحبيب للزواج أو لجلب الزوج وفي الأغلب بنجحوا بس ده بكون علي حساب حاجات تانية حنعرفها في القصة
يلا نبدأ
نتعرف علي
أبطال الرواية
أسعد شاب هيبة وجمال وأخلاق يتكلم عنها كل من يعرفه إنسان طيب لأبعد الحدود يبلغ من العمر 31 سنة :
رحاب زوجة أسعد بنوتة جميلة جداً أدب وأخلاق وذوق طبعاً عرسان جدد إتزوجوا بعد قصة حب دامت 5 سنة في النهاية ربنا يوفقهم وتوج حبهم بالزواج. 👰🏻🤵🏻
عايشين براهم في شقة ظريفة في الملازمين
أسعد شغال في شركة إصدرات وتصدير ... رحاب مصممه مبدعه بس بعد إتزوجة قررت تتخلي عن شغلها عشان تتفرق لزوجها وحبيب قلبها أسعد
مع نسمات الصباح والجو الكان مغمم وربيعي ♥
قامت رحاب صلت الصبح حاضر ومشت تصحي أسعد عشان يصلي هو كمان
رحاب : أسعد أسعد حبيبي يلا قوم صلي الفجر
أسعد : لسه الزمن يا ريري طبعاً أسعد بدلعها وبقول ليها ريري... خليني أنوم شوية وبعدين صحيني تمام😴
رحاب : أسعد قوم الساعة عاملة ستة قوم ياخ بطل كسل والله أرشك بالموية الباردة دي
أسعد : شنو 😧 لالا خلاص وعلي شنو أها قمته
رحاب :😂
أسعد : وكمان تضحكي وقام عليها عايز يمسكها بس رحاب تفلت منو وتجري تدخل المطبخ وتطلع ليهو لسانه 😛 (نظام بتحاكي) رمة يا رحاب ههههههه
أسعد عاين ليها وبقي يبتسم ومشي أخد حمام وقعد جمب الوضاية إتوضي وقام صلي الصبح
الساعة دي كانت ريري(رحاب) جهزت الشاي والزلابية أسعد متعود يشرب الشاي بالزلابية
جاء دخل لقي ريري مجهزة كل حاجة قعد وريري جهزت ختت ليهو الشاي والزلابية وبقت تجهز ليهو القهوة لأنو بحب يشرب قهوة الصباح من يد ريري حبيبة♥
رحاب : اها أمور الشغل ماشة كيف وإن شاءالله الصفقة نجحت
أسعد : اي الحمدلله نجحت وحققنا أرباح ضخمة
رحاب : طيب رايك شنو نمشي ناس أمي نزورهم لأنو طولنا منهم وبعد نمشي ناس أمي نمر علي ناس أمك رايك شنو
أسعد : والله فكرة خلاص أنا بمشي الشغل عندي شوية أوراق بخصوص صفقة مهمة أسلمها وبتصل عليك نتلاقي محل زمان وقت كنا مخطوبين
رحاب : تمام♥
قام أسعد علي شغلوا ورحاب نضفت البيت وكان عندها غسيل غسلت وكوت وطلعت الملابس العايزة تمشي بيها وكان عبارة عن فستان وردي غامق .. طبعاً أسعد ما حارمها من شئ ومخليها تلبس اللبس العايزاهو أصلامخليها علي راحتها للأخر ..
ورحاب ما عندها ولا توب في دولابها وشيلتها حقت العرس كانت عبارة عن فساتين وطونيكات وإسكيرتيات وعبايات
جهزت رحاب حاله ولبست الفستان الوردي الغامق وشبط أسود مخطط بالأبيض وعملت مكياج خفيف لأنو المكياج الخفيف ببين ملامحها الحلوة أكتر وبقت مستنيه أسعد يتصل بيها عشان تطلع
بعد شوية جرس الباب يضرب
قامت رحاب فاتت تفتح الباب
رحاب : أهلييين أفراح. 😍... أفراح دي صديقة رحاب من أيام الجامعة طولوا ما شافوا بعض لأنو أفراح هي و أهله سافروا كندا بعد عرس رحاب طوالي
أفراح : ريري حبيبتي مشتاقين وأخدتها بالأحضان😍
رحاب : بالأكتر والله ليك شوق ما بتوصف كدي أدخلي جو
دخلت أفراح ورحاب ...
رحاب ضيفتها وقدمت ليها العصير والكيك وأتونسه وبقوا يتذكروا أيام الجامعة والهبل والجنان الكانو فيهو
الونسة عدت ساعتين ... والساعة دي كان أسعد منتظر رحاب عشان يمشوا مشوارهم وبقي يتصل علي رحاب بس رحاب نست إنو التلفون جو غرفتها ختته لمن كانت بتلبس ...
أفراح: ما قلتي عاملة شنو عليك الله أمورك وأخبارك
رحاب : والله تمام الحمدلله مبسوطة وإنتي
أفراح : أنا الحمدلله لازم تكوني مبسوطة ما أسعد أختارك إنتي من بين كل بنات الجامعة
رحاب : لأنو بحبني ☺ اها وإنتي لسه ما فكرتي تعرسي
أفراح : أنا ههههههه لالا الموضوع ده ما في بالي حالياً عندي أحلامي أهم من العرس والكلام الفاضي ده😂
رحاب : كلام فاضي ههههه😄
طيب أحلامك دي ورينا ليها
وهم لسة بتونسوا
تاني أسعد رجع يتصل
والمرة دي رحاب سمعت صوت التلفون
دقيقة يا أفراح أشوف التلفون سامعة بضرب
♥♥♥
رحاب : الووو
أسعد : ريري معقولة بتصل عليك لي ساعة كنتي ووين إنتي ?
رحاب : معليش حبيبي بس كان معاي ضيفة ونسيت التلفون في الغرفة أسفة حبيبي ♥
أسعد : الضيفة دي منو?
رحاب : دي أفراح نسيتها ولا شنو?
أسعد : أممممم طيب المشوار نأجلوا يعني ?
رحاب : لالا هي زاتها قالت طالعة خلاص أسي بنطلع بس خليك راجيني يلا سلام
أسعد : عليكم السلام
يتبع....
