جاء محجوب عند ناس عبدالقادر سلم عليهم ودخل
محجوب : والله ي جماعة م عارف أبدا من ووين والله خجلان منكم ومتأسف شديد وأنا بعتذر ليكم كل العذر بالنيابة عن أسعد
عبدالقادر : لالا ياخ مافي داعي للإعتذار ونحن نقول كل شئ قسمة ونصيب والمكتوب ف الجبين لابد من تشوفه العين وده الله ودي حكمته
محجوب : م قادر يرفع رأسه من الخجل أخد معاهم خشم خشمين وبقي طالع
والحال كما هو
بعد أسبوعين جات سوسن عشان تعزم ناس رحاب للعرس وبكل وقاحة وعين قوية كمان كمان
سوسن : سلام ناس البيت
زينب :اهلا 😒
سوسن : تهل عليك العافية حبيبتي😏
زينب : خير شنو الجيه المفاجئة دي 😒
سوسن : خير والله بس جيت أعزمك عرس أسعد بكرة إن شاءالله واليوم الحنة راح ننبسط بجيتكم😏
زينب : خير ي زولة الدعوة وصلت
طلعت سوسن ورحاب هنا إنفجرت بالبكاء وأمها بقت تهدي فيها
جاء يوم العرس الكان ف صالة نيو سلا جات أم أفراح وأبوها وم كانو رضيانين بالعرس خصوصاً أسعد متزوج والعرس ده حصل فجأءه ف ناس لسه م مصدقين عرسهم ده بس نقول شنو فعلاً العرس إكتمل وم كان فيهو ناس كتار بعد الحفلة مباشرتاً العرسان علي شهر العسل ورحاب كانت ف الشهر السادس قضوا شهر العسل ورجعوا بعد شهر ورحاب بقت ف الشهر السابع
أسعد أجر بيت جديد لأنو أفراح قالت م حتقعد ف بيت رحاب
والأمور ماشة تمام بالنسبة لي أفراح وأسعد بقي زي ضنبهاا محل م ماشة هو وراها وم برفض ليهاا كلمة
أي حاجة هو بنفذهاا يعني بقي زي الخاتم ف صباعه
وبقي م بحب بيت أمه نهائي حتي لو هي أو رتاج جو ف بيتوو بصر وشه كأنو دي م أمه أو أخته رتاج ملاحظه ليهو كتير بتغير لمن يشوفهم بس قالت أحتمال يكون زعلان منهاا عشان كانت بتقول يلغي فكرة زواجو من أفراح
☀ف بيت ناس عبدالقادر☀
رحاب : وااااي ي أمي إلحقيني بطني واااااي
زينب : سجمي ماليك ي بتي 😱
رحاب : م عارفة ي أمي بطني واجعاني شديد وضهري عايز يتقسم نصين ألحقيني 😩😩
زينب : بكون ده وجع ولادة لأني ولدتك ف السابع دقيقة أتصل علي مهند إتصلت زينب علي مهند وجاء بسرعة البرق رفعوا رحاب علي مستشفي الدايات ودخلوها ولادة قيصرية لأنها بكر بعد شوية عبدالقادر جاء ورماز معاهو وقعدوا ف الإستراحة بعد نص ساعة ندهت الممرضة علي الزول المرافق رحاب جات زينب أنا مع رحاب دخلوا زينب وجات الداية شايلة تؤم حلوووين وصغار شديد بنت و ولد 😍😍
زينب : بسم الله ماشاءالله 😍
ومرقت بيهم لي ناس عبدالقادر
عبدالقادر : صلاة النبي عليهم ماشاءالله ماشاءالله وجات رماز ومهند أي زول بشيلهم حبة وكانو مبسوطين بيهم جات الممرضة وقالت مودياهم الحضانة لأنو عندهم نقص بسيط ف الوزن
أول خافوا بس رماز لأنها دكتورة وعارفة الحالات البتكون فيها نقص ف الوزن بتكون علة بسيطة وطمنتهم دي حاجة بسيطة والسبب إنو رحاب كانت م بتأكل عشان كدة الأطفال إتأثروا بعد ساعتين حولوا رحاب علي غرفتهاا ف الدرجة
رحاب : أمي وين أولادي
زينب : إنتي صحيتي حبيبتي أولادك بخييير وماشاءالله حلوين جنس حلا ي رحاب بشبهوك لمن كنتي ف عمرهم😍😍
رحاب : بالجد ي أمي😍 طيب هم وين جيبوهم لي نفسي أحضنهم وأشم ريحتهم
زينب : هم ف الحضانة قالو طلعوا ناقصين حبة يعني بكرة بالكتير بجيبوهم ليك
رحاب : )خافت( حضانة بس م يكونوا حصل ليهم حاجة😰
زينب : هههههه لالا والله هم كويسين وكمان رماز بتجي أسي اسأليها فاتت تجيب لينا شاي وقهوة بعد شوية جات رماز وجابت الحاجات وطمنت رحاب وبعديها جو عبدالقادر ومهند عبدالقادر قال ليهم نتصل علي أسعد نكلموا أحتمال قلبوا يحن بس رحاب رفضت حاول يقنعها بس هي رافضة حتي تسمع إسم أسعد ف النهاية محجوب قدر يقنعها إتصل علي محجوب وفعلاً إتصل وكلمو ومحجوب الفرحة م وسعتو ومشي كلم سوسن ورتاج وكلهم قرروا يمشوا المستشفي يشوفوا رحاب
💞💞💞💞💞💞
وفعلاً كلهم راحوا عند رحاب وأول م دخلوا سلموا عليهم وسوسن كانت مبسوطة إنو حتشوف أول جديد لي ولدها سألوا من الأطفال قالوا ليهم ف الحضانة سوسن ورتاج ومحجوب ومعاهم رماز فاتوا الحضانة عشان يشوفوا الأطفال ودخلوا شافوهم سوسن شافتهم إنبسطت بيهم وأحتمال أول مرة تفرح بالشكل ده شافوهم وبعد إطمأنو عليهم طلعوا فوق لي رحاب إتونسوا معاها وقالوا ح يمشوا ومحجوب قرر يمشي يكلم أسعد مشي البيت ولقي أفراح بس قال م حيكلمهاا لأنو هو بكرهاا ومن دربوا مشي الشركة
يتبع....
