الـدخيل

بارت ٥١

-

"فهد ابي اكلمك بموضوع" يدخل علي للصاله كلهم موجودين معادا خالد و طلال

"خاص؟" يسأله فهد علشان يعرف يروح معاه الغرفه ولا لا

"اي" يهز راسه و حاس الدنيا ضايقه فيه

"يلا جايك" يوقف من مكانه و بقى مشعل و مرزق بروحهم

يدخل لغرفة علي من زمان مو داخلها كان يبقى مع خالد طول الفتره اللي فاتت "شفيك؟" يسأله فهد بقلق

"مادري من وين ابدى الموضوع لانه مو عارف شقصة امه بس حاس ان خالد متغير.. والله متغير مشاعره بردت ناحيتي العاده كان ما يسكت كان يكلمني شكثر يحبني و مشتاق لي لو كنت نايم جنبه يقعدني لانه مشتاق لي و معاي اربعه و عشرين ساعه ما يفارقني بس الحين احس انه مهيت الموضوع و كأني صاحبه او شريكه فالغرفه يجي عندي يعطيني بوستين و لا يسأل عن يومي و شنو سويت تعبان مريض ولا مستانس فرحان او حتى متضايق يحذف علي كلمة احبك و كأنه يسكتني فيها و ينسدح ينام ولا ياكل انا انام و هو يقعد انا اقعد و هو ينام و اذا كنا اثنينا قاعدين طلع هو من الشقه احسه يتجنبني و انا متأكد اني مو مسوي له شي غلط اصلاً اعتذر له و انا مو غلطان" يقول له متنهد و حاس بضيقه تقمت قلبه

"علي حبيبي اذا فكرت فيها بهالطريقه اكيد بتحس انه بردت مشاعره بس يمكن لان هذه بداية علاقتكم بتكون جذي و بعدها بتفجون عن بعض شوي يمكن انت ما فجيت و خالد اهوا الطرف اللي بادر و فج (بعد) عنك شوي  و بعدها بترجعون هذا انت شاري له الهدايا و اليخت مأجر و بتقضون ليله كامله مع بعض تحتفلون فيها بعيد ميلاده شنو يبي حبيب اكثر من انه يقضي ليلة عيد ميلاده مع حبيبه بهالرومانسيه صدقني خالد يحبك بس انت كلمه لما يجي حاولوا تسوون سكس تقوون علاقتكم ببعض ولا تتركه ابقى معاه و انشب له وضح له انك مشتاق له تأكد انك مالي يومه معاك" يقول له فهد و يرفع علي حاجبه عاجبه الكلام بس لحد للان حاس بنقص

"تمام.. تمام هذا اللي بيصير المهم شوضع طلال هناك؟" يسأله و يبتسم فهد من طاريه

"بخير بس ما اتوقع تكلم مع امه كونه اول يوم له امس اكيد كان بيرتاح شوي يمكن اليوم يكلمها" يقول له و يهز علي راسه

"بدق على خالد اكلمه" يوقف علي ساحب تليفونه من الدرج

"انا بودي مشعل الالعاب المسكين ضاق خلقه" يقول له واقف من مكانه

"كلمك عن مرزوق؟" يسأله فهد

"لا شفيه؟" يسأل مجعد حاجبه

"يأذيه دايماً و يبجيه و يتحرش" يقول له و يقلب فهد عينه بسبب هالمرزوق

"انا اعلمك فيه" يطلع من الغرفه رايح للصاله

"يازق مزقزق" يصرخ داخل للصاله و يرفع مرزوق راسه