الـدخيل

بارت ٦

-

.
.
.

"بابا" يناديه مشعل و فهد يفتح عينه بدون لا يرد عليه "بابا قاعد اكلمك ادري انك مو نايم" يقول له و يقعد من السرير و يبتسم له فهد

"نعم يا عيون بابا" يجاوبه و مشعل واضح انه متضايق

"خل طلال يجينا" يقول له و فهد يرفع حاجبه من طلبه

"ليش شتبي فيه؟"

"انت دايم مع شغلك و خالد و علي مو معاي و مرزوق كله يطلع انا منو يقعد معاي؟ اهوا قال لي انا بقعد معاك دايماً و قال لي انه راح يدرسني اشياء واجد بابا خله يرجع انا احب طلال طيب والله ترى اهوا قال لي انك شرير بس انت مو شرير بابا قول له انك مو شرير و خله يجي" يترجاه، و فهد يتذكر رقمه اللي خذاه من تليفون طلال و طرت بباله فكره

"بس هذا اللي تبيه؟" يسأله و يهز مشعل راسه

"راح تلقى طلال عندك اذا نمت" يقول له و يبتسم مشعل لكن تختفي ابتسامته بسرعه

"انت ما تجذب علي صح؟" يسأله بشك و يضحك فهد واقف من سريره و ياخذ تليفونه

"لا حبيبي شوي و اجيك ابيك تكون نايم" يبوس راسه و يطلع من الغرفه و مشعل يغمض عينه يحاول انه ينام

يروح للصاله، الشقه مافيها احد غيره، يفتح ليت واحد و الصاله ظلمه يقعد على الزاويه يضم ساقه لبعض و يضغط على رقمه

-

*طلال*

افتح عيني و ارفع راسي عن الفراش، اكيد هذا علي لأنه تأخر! أخذ تليفوني و اجعد حاجبي، هذا رقم غريب! و رقم كويتي بعد

"الو؟" أرد و الجهه الثانيه ما ترد "مين معاي؟" أسأل و ما ألقى جواب أقلب عيني و اسكره بوجهه احذف التليفون على السرير و اسمع صوت الباب ينفتح و تليفوني يرن مره ثانيه

أرد بسرعه "ترى ما يضحك بالله قول مين!" ارد بعصبيه على نفس الرقم

..

"آممم طلال صح؟" يسأل حاس بفشله و بتوتر منه، و طلال يرخي حاجبه لما سمع صوت فهد

"اي.. فهد؟" يسأل و فهد يلعب بتي شيرته

"اي فهد.. اسف على اللي قلته لك ما كنت اقصد" يقول له و طلال يرفع حاجبه، ينفتح باب الغرفه و يطلع له علي

"يلا جبت لك عشاك" يقول له و يهز طلال راسه و يجعد علي حاجبه

"تكلم منو؟" يسأله

"شوي و اجيك لحظه بس" يقول له و علي يهز راسه و يطلع مسكر الباب وراه

"زين المطلوب مني؟ اني اسامحك؟ ماراح اسامحك و اعتذارك غير مقبول" يرد بجمود و فهد يتنهد عارف انه يستاهل هالمعامله