CAPTIVATED BY TYRONE GREENE (TV Movie Adaptation & Published under Pop Fiction)

Chapter 3.3.3

"Here, try this one." Inabot pa niya ang kulay pink na cotton blouse at checkered na pajama.

"Sa tingin ko kasya na 'to." Mukhang hindi naman kami nagkakalayo ng katawan ni Kirsten. Magsing sexy kaya kami!

"Wait! Lingerie pa nga pala!" May binuksan siyang closet at bumulaga sa akin ang terno-terno niyang panty at bra! Tangna! Mga branded pa! Jusko, ako na ang buhay mayaman kahit ngayong gabi lang! "Hmm..." Saglit siyang natahimik at matamang tinitigan ang boobs ko. "Size 34... tama?"

"Yup!" Nahihiya naman akong tumango.

"Don't worry, brand new pa 'to. Kahit 'yung panties mga brand new pa."

"Okay lang kahit pinaglumaan mo na lang. Nakakahiya."

"That's okay. Ang dami ko pa ngang hindi nagagamit. 'Yung iba naman d'yan mga gifts lang," ngiting-ngiti pang sabi niya. Kung sana kasing bait niya si Ty kahit bading siya papatusin ko na.

"Come, I'll show you your room." Nakangiti pa niya akong hinila. I wonder kung ano ang pumapasok sa kukote niya. Parang may something, e.

Lumabas kami ng kwarto at sa opposite side niya ako dinala. Pagpasok namin ay halos same lang din ang hitsura pero hamak na mas maliit sa kwarto ni Kirsten. Dirty white ang paint na may touch of brown. May malaking t.v. rin sa wall na nakatapat sa katamtamang laki rin ng bed. Maganda din naman ang comfort room pero wala na nga lang Jacuzzi sa loob.

"Next door is my brother's room," pilya pang sabi niya. "Katukin mo na lang kapag 'di ka makatulog!" Pilya ah!

"Sabunu— I mean, sige..." Shit! Muntik na naman akong madulas!

"So, paano? I'll leave you here na. Para makapagpahinga ka na rin," sabi rin naman niya sabay lapit sa may pinto.

"Thanks, huh."

"Sure. Basta special sa Kuya ko, special na rin sa akin." Kumindat pa siya sa akin bago tuluyang lumabas ng pinto.

"Good night, Ate Jordan," kumakaway pang sabi niya.

"Good night, Kirsten."

At nang mawala na siya sa paningin ko ay tsaka ko na lang isinara ang pinto. Wow! Ang swerte ko lang! Buhay prinsesa ako ngayon!

Kaya naman wala na akong inaksayang panahon at nagdiretso na sa banyo. Gusto kong maramdaman kung kakaiba rin ba ang tubig sa mansion nila. Masyado kasi silang naggagandahang nilalang dito at baka sakaling paglabas ko kasing ganda na rin nila ako.

Matapos ko makapagbabad sa bathtub at makigamit ng mga imported na sabon ay tsaka na ako lumabas ng banyo. Pero muntik nang malaglag ang puso ko nang mabungaran ko si Tyrone na nakaupo sa bed!

"Putcha! Ginulat mo ako!" gulat pang sabi ko at kabadong hinaplos haplos ko ang tapat ng aking dibdib. Nagulat talaga ako! Akala ko ay multo na, e!

"Itong gwapo kong 'to, kagugulatan mo?" Umismid siya at noon ko na lang napansin na hubad baro pala siya at nakabalandra ang kanyang heat inducing abs. Shemay, kaunting galaw lang niya ay lumilitaw na ang mga muscles niya! Paano naging bading ang gagong 'to?!

"Um, magbibihis lang ako. Lumabas ka na nga!" Fine, masyado akong nako-concious sa katawan ko lalo pa ngayon at tanging tuwalya lang ang nakatapis sa katawan ko. Dati naman akong ganito sa condo, a, ngayon pa ba ako ma-concious? Sus, Jordan! Pinagnanasahan mo kasi! 'Di kayo talo!