Who's Next?

TWENTY

Ilang galos lamang ang inabot ko mula sa ginawa ni Monique. Ngunit pina-confine ako sa hospital upang makasigurado silang wala akong tinamong trauma sa mga nangyari.

Pagmulat ng aking mata ay ang malungkot na mukha ni Ian ang bumungad sa akin. Inalalayan niya akong sumandal sa headboard at binigyan ng tubig.

"How are you?"

"Okay naman ako," bigla akong nalungkot.

Siya na lang ang kaibigang meron ako. Wala na si Madison, Heart at si Lira. Halos malunod ako sa katotohanang iyon, but it was better than nothing. Ang mahalaga ay nailigtas ko pa rin sila nina Alvin at Dry.

"Nasaan si Dry?"

"Wala pa rin siyang malay. Marahil ay labis na napagod. Pero maayos naman daw ang kalagayan niya."

Napangiti ako. "Si Alvin? Hindi ba siya dumalaw man lang sa akin?"

Simula nang mamatay si Lira ay hindi ko na ito nakita pa. Kahit dalawang araw pa lang ang nakakalipas simula nang mangyari iyon ay imposibleng hindi niya ako puntahan man lang.

Hindi agad nakasagot si Ian lalo na nang titigan ko siya nang mariin. "Ian?"

Sumulyap siya sa akin at hinawakan ang aking kamay. "He's dead."

Muli akong nakaramdam nang pagkahina sa sinabi niyang iyon. Magulong-magulo ang utak ko at sumasakit na rin ang ulo ko sa kaiisip kung paano iyon nangyari.

"Paano—"

"That's what they want to ask Dry if he knew something. Nagsisimula na silang mag-imbestiga pero katulad lang din ng mga nangyaring pagpatay sa mga kaibigan natin ay wala silang makuhang lead."

"Ang naaalala ko ay may sinabi si Dry sa'kin about unconnected evidences. Isa sa mga 'yon ay buhok ng lalaki. Pagkatapos ay ang mga gulong ng motorsiklo sa retreat house. And the killer might be obsessed with—"

Napatignin ako kay Ian. Halos lahat ng clues ay maaaring siya ang tinutukoy, lalo na ng dalawang nabanggit ko.

"Don't look at me like that," mukha namang nabasa niya ang iniisip ko.

"I'm sorry. I'm being paranoid," sabi ko na lang na yumuko.

Tinapik naman ni Ian ang balikat ko. "Naiintindihan kita. Pero I wouldn't do such a thing. If you are having doubts, let's just wait for Dry to wake up."

"No. We need to know who the killer is. Malay natin kung sino ang isusunod niya since it wasn't Monique anymore."

"You're right. Its getting more dangerous for the three of us."

"Wait! Alam mo ang bahay ni Dry, 'di ba? Pumunta ka doon at kunin mo ang lahat ng papel na may phone number."

Kunot-noo siyang tumingin sa akin. "Do you want me to trespass his apartment?"

"Jeez! Sorry. It'll be fine. Akong bahala," sabi ko sa kanya habang tinataas ang kilay ko.

Hindi pa ako papayagang umalis ng hospital kaya mas madali kung siya na lang ang pupunta doon. Pero ang totoong nasa isip ko ay maaaring ako ang isunod ng killer. Imposibleng patayin ng killer ang mga kaibigan ko kung wala rin itong kaugnayan kay Monique.

It might be someone who's close with her. Pero sino?

Bago sumapit ang gabi ay nakabalik si Ian. Kahit tapos na ang visiting hours, since nasa isang private room kami ay pinayagan siyang magbantay sa akin.

Tinawagan ko ang lahat ng number na nasa notebook ni Dry. Isa sa kanila ay ang number ng hospital malapit sa school.

"Hello? Is this Saint Andrews Hospital?"