صرخة حنينى إليك. للكاتبة : أميرة القلم

الفصل الاربعون (الجزء الثالث)

محمود ( انا مش عارف انا حاسس بايه الوقت ..حاسس انى طاير من على الارض ...انا وهى ايدنا بايد بعض
بنتصور وبقولها بحبك عادى ....انا حاسس اول ما كتبنا الكتاب حبتها اكتر ...انا مريت بفترات صعبة
لكن ربنا اخرجنى من حلق الضيق لاوسع طريق يارب لك الحمد والشكر ...يارب مش لاقى كلمة اشكرك بيها يارب)

حنين
( يارب انا مش عارفة ايه اللى حصل لى ...امتى حبيته ؟؟..لكن انا فرحانه مش حاسة بنفسى من الفرحة
ايدك يا محمود اللى فى ايديا دى ؟ انت اجمل حاجة حصلت لى ...انا اسفة انى مكنتش بحبك يا حبيبى
خايفة يا محمود خايفة ..الحمد لله عدد الحركات والسكون )
عادوا من الاستوديو وتوجهوا للبيت كان الناس قد انصرفوا عدا اسرة زكريا ..اسرة ياسمين
وبالطبخ اسرة حنين ومحمود
زكريا ينظر لفرحة محمود سعيدا
( ربنا يفرحك يا اخويا وصحبى ...الله اشهد انك نعم الرجل والرفيق)
نظر الى الفتاة التى تجئو تذهب كانها اخت العروسة ايضا وجدها ياسمين باعجاب نظر لها ثم اخفض راسه
ياسمين :
_ مبروك يا حنون مبروك يا محمود ...بارك الله لكما وبارك عليكما وجمع بينكما فى خير
محمود :
_ عقبالك يا ياسمين
حنين تقبلها و مازلت يدها بيد محمود ممسكا بها
_ عقبالك يا قلبى ..ايه يا بت الحلاوة دى هو انتى العروسة ولا انا
محمود :
_ زيكو حبيبى واقف بعيد ليه ؟؟ تعالى
زكريا :
_ مبروك يا حوده ..مبرووك يا حنين ..الواد ده لو زعلك قوليلى و انا و الله .. هعلقه فى الفلكة
محمود :
_ انت معايا و لا معاها يا عم
حنين :
_ ههههههه متشكرة اوى و الله بس يهون عليك محمود ؟
زكريا ينظر لمحمود :
_ لا و الله مايهون ..ده حتة منى .. بس انتى خلاص بقيتى اختى بقى و مرات اخويا يعنى لو زعلك شاورى
طه :
_ محمود ..حنين تعالوا عايزكم
بقيت ياسمين تنظر لهم بابتسامه و فى نفس المكان زكريا ايضا
_ عقبال فرحك يا دكتورة ...فين خطيب حضرتك مظهرش انهارده
ياسمين تنظر للارض باحراج :
_ احم احم ..لا محصلش نصيب الحمد لله
زكريا مبتسما :
_ ربنا يعوضك بالاحسن منه يارب ...
ياسمين :
_ ربنا يخليك ..عقبال حضرتك يارب ...بعد اذنك
ذهب و تعرف على احمد والدها و عرفه بنفسه (اخو العريس )
فى نفس الوقت
محمود و حنين جلسوا فى مكان بعيد عن الجميع
محمود :
_ يااااه اخيرا قاعدين من غير محرم
حنين :
_ انت ليه اخترتنى
محمود :
_ قلبى اختارك
حنين :
_ انا مش مميزه ...مش احلى بنت تشوفها ..
محمود :
_ انتى مميزه بدينك الرسول بيقول "فاظفر بذات الدين تربت يداك "