صرخة حنينى إليك. للكاتبة : أميرة القلم

الفصل الثاني والثلاثون

جاء الدكتور يفحصها وفجاءة 
بكت وصدرها يعلو ويهبط 
الطبيب :
_ اهدى يا مدام ده غلط عليكى كده 
ناهد :
_ محمود لوحده ..محمود لوحده 
ظلت تكررها بنبرات متقطعة محاولات من الطبيب لايقافها وتهدئتها ولكن هيهات 
تحرك شاكر امسك يديها قبلها وقال :
_ اهدى عشان نخرج له بقى ...ولا انتى عايزه تسبيه لوحده على طول ؟؟
نظرت له بهدوء وعينين دامعتين 
_ ه..خرج ؟؟ 
فبادرها الطبيب :
_ يا مدام ناهد ...حضرتك ضغطك بدا ينخفض تانى ولله الحمد ...ساعدينا وممكن بكرة تخرجى ان شاء الله 
فنظرت بامل وقالت :
_ ان ..شاء ...الله 
خرج الطبيب وقال شاكر :
_ نامى يا حبيبتى وارتاحى 
نظرت له بالم فقال :
_ اه حبيبتى وروحى وعمرى كمان يا نونو ...انا كنت غبى عصبيتى غطت عليا 
بس انا هعيش واموت وانا مبحبش غيرك يا قلبى 
اضطربت ووجهها تلون بالاحمر فوضع يده على وجهها برقة قائلا :
_ سامحينى ...
فقالت :
_ مسامحاك ربنا يسامحك ويسامحنى ....سامحنى ان اخطات فى حقك
فقبل راسها قائلا :
_ انتى مغلطيش يا نونو .
فضحكت قائلة :
_ نونو ...يااااااه يا شاكر ...كنت نسيت 
ابتسم ابتسامه صافية :
_ اهى شاكر دى اللى مضيعانى يا ناس ...كده تخضينى عليكى ؟؟
فقالت :
_ انا اسفة 
فقال شاكر بحنان :
_ متتاسفيش ..يلا نامى وارتاحى عشان نجهز ونروح لمحمود 
فقالت :
_ يارب 
ونامت وجلس هو وبداخله امل ...
( يااااااااه انا كنت قاسى اوى ...الرقة دى كلها وانا وجعتها ...سامحتنى على طول كده ...
سامحتينى يا ناهد بسرعة بدل ما تعذبينى زى ما عذبتك ...يااااارب سامحنى وقدرنى 
اعوضها واعوض ابنى يارب فرحنا )
وخرج الى خارج الغرفة واخرج هاتفه :
_ السلام عليكم ...ازيك يا عبد السلام 
عبد السلام :
_ ازيك يا باشمهندس ..اخبار المدام ايه ؟؟
شاكر :
_ الحمد لله احسن ...بقولك عايزك فى خدمة 
عبد السلام :
_ اؤمرنى 
شاكر :
_ عايزك تروح الفندق تجيب شنطى من هناك وعايز حاجة كمان 
عبدالسلام :
_ خير 
شاكر :
_..........
...............................
طه :
_ حنين انتى نمتى 
حنين بصوت ناعس :
_ ايه يا طه عايز ايه ؟؟
طه :
_ يا وقعتك الفحلقى ...طه من غير ابيه اونكل ولا حتى خالو
حنين وهى تفتح عيونها :
_ خالو مين يا عمو انت عمو 
امسكها من ملابسها :
_ طالما انتى عارفة يا ستوته بتغلطى ليه 
حنين :
_ خلاص يا عبد العال انا اسفة 
طه : 
_ انتى نمتى من امتى ؟؟
حنين :
_ صليت العصر ونمت 
طه :
_ وخلصتى المادة ولا لسه ؟؟
حنين :
_ اللهم لك الحمد ...خلصت وبراجع 
طه :
_ يلا قومى تاكلى ...عشان العلاااااااااج 
حنين :
_ انت بتقلب الاشكيف ليه ده انا بحبك يا عبد العال 
جاء محمد بالطعام وجاءت معه بثينه 
طه :
_ يلا عشان اديكى الحقنة الكبيييييييييييرة 
حنين :
_ طيب مش واكله هيه بقى 
محمد/بثينه:ههههههههه 
طه :
_ يلا يا ستوته كلى والا ساقتلك ساقتلك 
حنين :
_ لماذا يا عبد العال تريث يا صاح 
محمد:
_ عجبك كده يا ماما اهم قلبوا المسلسل الكورى فجاة
بثينه :
_ يلا يا نونو كلى يا بنتى عشان تذاكرى امتحانك امتى ؟؟
حنين وهى تاكل 
_ بعد بكرة ان شاء الله -..... انا هروح ازاى كده ؟؟
محمد :
_ هندحرجك زى الانبوبه 
حنين :
_ طيب اتكتم لافرقع فى وشك 
طه :
_ عيب كده يا محمد 
حنين:
_ يرضيك كده يا عمو ؟؟
طه :
_ لا يا حبيبتى متقلقيش احنا هنزلك من طيارة ببرشوت على اللجنة 
بثينه :
_ ايه ده فى ايه مالكم ..بتتريقوا على بنتى ليه ؟؟
حنين :
_ دول وحثين يا مامتى انا احبيكى خاليص 
الجميع :
_ هههههههههههه
.............................................
فى الصيدلية 
مايسة :
_ ايه ده انا اتشليت واقفة من ساعتها 
محمود :
_.................
مايسة :
_ ايه يا عم انت فين ؟؟
محمود :
_ حضرتك بتكلمينى ؟؟
مايسة :
_ اهاااا ..عقلك فين بقى 
محمود :
_ موجود اهوه 
مايسة :
_ احكى لى ومتخبيش كنت بتفكر فى مين وسرك فى بير 
محمود :
_ مفيش يا دكتورة قاعد ساكت شويه 
مايسة :
_هههههه ...هعمل نفسى مصدقة 
محمود بتافف :
_ ليه يعنى 
مايسة :
_ مفيش راجل مبيفكرش فى البنات 
محمود :
_ مبيفكرش فيهم ازاى يعنى 
مايسة :
_ يعنى مفيش راجل مبيصاحبش بنات او يحب واحدة وكده يعنى 
محمود :
_ شتان بين الحب الحلال والحب الحرام وبين الحرية والانحلال 
مايسة بانتباه :
_ يعنى ايه ؟؟
محمود وهو ينظر امامه :
_ يعنى فى فرق انى اغضب ربنا واقول اسطوانتين سهل احفظهم واحبب بنت فيا 
وبعد كده اسيبها وبين واحده شايفها ملكة وجوهرة نفيسة استخسرها فى نفسى حتى 
مايسة :
_...................