صرخة حنينى إليك. للكاتبة : أميرة القلم

الفصل التاسع والثلاثون

ياسمين :
_ ايوه يا حازم وقفت معاها و هى بتكلمه
حازم :
_ يعنى انا كلامى مبيتسمعش ؟
ياسمين :
_ لما يكون كلام منطقى
حازم :
_ لا ياشيخة
انتهت المكالمة كالعادة اتصلت حنين بياسمين وجدتها باكية مغمومه
_ مش عارفة اعمل له ايه يا حنين يرضيه تعبت
حنين :
_ اهدى بس يا حبيبتى ....
بقولك انا خارجة مع محمود انهارده
ياسمين ابتسمت قائلة :
_ حافظى على محمود يا حنين بجد ...هو عاقل يعنى غيور اه بس مش شكاك
ده اللى يعرف يحميكى ربنا يخليكم لبعض
حنين :
_ بقولك ايه تعالى اخرجى معانا و غيرى جو بدل محمد
ياسمين بحرج :
_ لا يا اختى اخرجى انتى وخطيبك وافرحوا
حنين كانها لم تسمع ما قالته :
_ ياسمين اخلصى ..الساعة 3عدى عليا متتاخريش ماشى ؟؟
واغلقت ولم تنتظر ردها وذهبت لوالدتها
_ ماما ينفع ياسمين تخرج معانا بدل محمد ؟؟
بثينه بعدم فهم :
_ ليه

حنين :

_ حازم متخانق معاها جامد وعمالة تعيط وعايزاها تخرج
بثينه :
_ يادى حازم مشاكله مبتخلصش ...خلاص يا حبيبتى خرجوها معاكم اتصلى بعمك فى الشغل عرفيه
قبلت حنين وجنتيها و اتصلت بعمها و اعلمته ما حدث وطلبها فكر ثم وافق
محمود يجلس على سريره باريحية
ناهد :
_ مبروك يا روح قلبى عقبال التعيين
محمود يقبل يد والدته :
_ يارب يا امى انا نفسى اتعين اوى وابقى معيد كده
ناهد :
_ انت تعبت وربنا مش هيضيع تعبك يا نور عينى
هاتف المنزل يرن بينما توجه محمود للشرفة
وجدها مفتوحة وحنين تتحدث الى عمها طه ابتسم لها وابتسمت له وبعد ان انهت المكالمه
دخل واتصل بها
_ السلام عليكم يا نون
حنين :
_ وعليكم السلام ...الوحيد اللى بيقولى لى نون ده
محمود :
_ وحش ؟؟
حنين :
_ لا جميل والله ...ثم قالت احم احم ...محمد مش هو اللى هيخرج معانا
محمود :
_ اومال مين ؟؟
حنين :
_ ياسمين لو مكانش هيضايقك ...اصلا نفسيتها تعبانه اوى وخطيبها مزعلها اوى
بجد بتعيط ومش هقدر اسيبها
محمود :
_ يا بنتى تضايقنى ليه ؟؟ ياسمين اختى بالضبط والله ...هو خطيبها عصبى اوى
حنين :
_ جدا يا محمود ...ثم قالت فى نفسها " ربنا يبارك لى فيك "
محمود :
_ طيب اجهزى بقى لحد ما اجى وهنتغدى بره متتغديش
حنين :
_ حاضر فى رعاية الله
حنين باتت تدعو كثيرا وتوجهت الى مكتبها واخرجت ورقة وكتبت
"مش عارفة انا حاسة بايه بس انا فرحانه وخايفة اوى عليه ...انا اللى بتسبب فى تعبه دايما "
ياسمين تعلم اكثر مكان يحبه حازم اتصلت بوالدته سلمت عليها
وحماتها اعلمتها انه بالخارج فعلمت اين هو
اتصلت عليه لم يرد واغلق هاتفه لبست وخرجت متوجهه لحنين بعد ان اعلمت اباها انها ذاهبة مع هى ومحمود
وصلت ياسمين كانت حنين ترتدى ملابسها
(جيبة بها البيج والنبيتى وبلوزه بيج وجاكيت بدون اكمام لونه نبيتى وخمار نبيتى وتحته طرحة بيج )
_ ها ايه رايك يا سومه ؟؟
ياسمين تلفها :
_ قمر ما شاء الله ايه الحلاوة دى يا بت
حنين :
_ يا بت بتكسف اسكتى
ياسمين :
_ يا اختى كميلة
جاء محمود بعدما عاد من المسجد ذهب الى بيت حنين سلم على محمد و بثينه التى رحبت به كثيرا
وجاءت ياسمين وحيته و تبعتها حنين و استعدوا للخروج
ركبوا سيارة والد محمود
و فى السيارة
ياسمين :
_ اتمنى ما كونش ضيفة تقيلة حنين اللى دبستنى
محمود رد نيابة عن حنين :
_ ازاى تقولى كده يا ياسمين ؟؟ يعلم ربى انى فعلا من صغرنا بعتبرك اختى
ولا ناسية ..ضيفة تقيلة ؟؟ هنشيلك مثلا ؟؟
ياسمين
_ طيب قبل ما نروح اى مكان ممكن فى مكان عايزه اروحه بس
محمود :
_ اوامرك تروحى فين ؟؟
ياسمين :
_ مطعم (.......)
محمود :
_ مطعم كويس و ع النيل خلاص نروحه
حنين :
_ اشمعنى ده يا سومه ؟
ياسمين :
_ هحط النقط على الحروف مع حازم ...واشوف اخرتها معاه نتفق عشان منزعلش تانى
و هو لما بيتخانق معايا بيروح هناك
ذهبوا هناك و دخلت و دخل محمود و حنين خلفها
جالت باعينها فى المكان فاندهشت بشده وصدمت
حنين تهمس لمحمود :
_ حازم قاعد مع بنت
محمود :
_ ربنا يستر هو عنده اخوات ؟؟
حنين :
_ لا اخ واحد