صرخة حنينى إليك. للكاتبة : أميرة القلم

الفصل الثامن والعشرون

تخلى عن ثلاث الحزن والتكبر والغضب ستكون اقوى مما ينبغى 
يوم جديد اشرق على ابطال حكايتنا 
محمود ايقظ زكريا ليبداوا يومهم ويستعدوا للمذاكرة اعدا الطعام معا ولم يخلو الامر من المزاح 
اما حازم فكلمة اخيه طارق له فى اذنه مازالت متردده ؟
_قولى لى يا حازم انت بتحبها ولا لا 
_ بحبها يا طارق وبحبها اوى كمان 
_ يبقى ازاى تسيبها زعلانه ...صالحها ..طمنها من ناحيتك حسسها بحبك يا اخى 
_ بس......
_ بس يا حازم لو انت سيبتها بسهولة كده فانت هتبقى مجرد شخص بيلعب ببنات الناس
لو بتحبها صالحها انت اللى غلطت 
فى المدرسة يفكر ( اصالحها ازاى بس ابدا منين...يمكن اكون غلطت وحشتنى بنت الايه دى )
...ايمان تفكر فى حالها كثيرا ولكنها لا تعى انها هى سبب مشكلتها 
...طه فى عمله ...بثينه تقوم بشغل المنزل ...محمد قرر الخروج للتنزه مع اصدقائه 

حنين قامت من نومها وهى تضحك باية لم تكن على مايرام ... وايديها نتنفض بشده 
استيقظت ياسمين بجانبها لتجدها هكذا ..فزعت...بدات حنين تحرك قدميها مما زاد من الما 
الكسر الذى بقدمها ..ولكنها لا تعبا بشئ 
لا تعلم ماذا تفعل ...
_ يا طنط يا طنط ...حنين مالك اهدى بسم الله الرحمن الرحيم ..
وقرات ايه الكرسى على راسها ولكنها منتفضة وتقول :
_ انا السبب ...انا السبب انا اللى خليته يسيبنى ... انا السبب 
ياسمين بخوف شديد فتحت الباب ونادت :
_ يا طنط... يا محمد ...يا عمو ...
وعادت الى حنين وهى تحاول ان تهدئها او ترخى عضلاتها المشدودة 
لحظات وبدات حنين تحاول رفع قدميها بشده ولكن الجبس يعيقها ويؤلمها بدات تئن وتزمجر 
_ انا السبب ...اه .....انا السبب ...تبكى ...وتضحك 
_ اهدى يا حنين ابوس رجلك 
جاءت بثينه مسرعة على صيحات ياسمين لتجد ابنتها على حالتها 
_ استر يارب ... استر يارب ..
ارجعت ظهر حنين الى وضع النوم رغما عنها وقالت فى ياسمين :
_ امسكى معايا ...هتدخل فى التشنجات ...بسرعة 
امسكت ياسمين حنين المتالمه بشده والتى تنتفض وتقول 
_ انا السبب ..
امسكتها بشده وهى تقرا قران وبثينه توجهت الى درج الكمودينو مسرعة 
واخرجت شنطة بها ادويه 
اخرجت حقنة و اعدتها ثم وكذلك شريط حبوب 
_ افردى ايديها وامسكى كويس ...
واعطتها الحقنة بصعوبة 
_ امسكتها بثينه من الجهة الاخرى وفتحت فمها ووضعت به حبة صغيرة 
_ ابلعيه يا حنين ابلعى يا ماما 
_ انا السبب ...انا فى الجبس ...اااااااه ...ياسمين...ااااه 
وبدات تسترخى وهدات اطرافها وبدات فى الهذيان :
_ ماما ........ياسمين ...حازم .....ااااااااااااه 
محمود ...حسين ..اااااااه حبيب قلبى ....انا السبب 
بدا صوتها يخفت ثم نامت 
تنهدت بثينه وقالت :
_ الحمد لله ..... 
فقالت ياسمين :
_ ان شاء الله هتكون بخير 
فقالت بثينه ممتنه :
_ معلش يا سومه تعبناكى ...اختك بقى هقوم احضر لك فطار 
فقالت ياسمين وهى تمسح على راس حنين :
_ انتى قلتى يا ماما ...دى اختى لا هستناها لما تصحى ونفطر سوا ان شاء الله 
هقوم اصلى بس بعد اذنك يا ماما ولا هكبرك تبقى ام لشحطة زيى ؟؟ 
بثينه :
_ هههههههه يا بت يا بكاشه 
ياسمين :
_ اه يا قلبى انا بكاشه ...هما الحلوين علشان حلوين يعملوا كدههو
وخرجت لتتوضا وتصلى وتدعى لاختها حنين 
وبثينه جلست بجوارها تقرا قران وقامت بتشغيل اذاعة القران الكريم فى الغرفة 
وقالت فى نفسها 
_ ( فينك يا يس يا حبيبى ... انا تعبت خلاص ..كنت بتشيل عنى اى حاجة ...اه يا انا 
يارب اشفى لى بنتى يارب يارب ارزقها بالزوج الصالح اللى ينسيها الوجع ده بقى يارب 
يارب اكرم ياسمين وارزقها الزوج الصالح )
...................................
_ حوده ده الجزء الكبير نذاكره الاول...
محمود :
_ اوك يبقى نبدا بيه بس اعمل حسابك خلصه انهارده ان شاء الله نسهر عليه كمان 
زكريا :
_ هحاول ....اصله كبير اوى يا حوده 
محمود :
_ ماما وبابا وحشونى اوى يا زكريا ..وحشونى جدا 
وبابا متصلش من زمان اوى عليا 
زكريا يربت على يده :
_ اهدى يا حوده ربنا يجمعك بيهم ان شاء الله قريب 
.................
_ ناهد يا ناهد 
_ بسم الله الله الرحيم ...اعوذ بالله من الشيطان الرجيم 
_ من امبارح وانتى بتصحى مخضوضه كده وبتتقلبى فى سريرك وبتصحى تصوتى 
_نفس الكابوس بيتكرر يا فريده ...اه يا قلبى 
بشوفه جاى عليا بيقولى هتهربى منى فين ...وكانه بيخنقنى 
بقيت بشوفه فى كل حتة .بيطاردنى فى كل حتة انا خايفة اوى
_ خير يا حبيبتى قومى نخرج نتمشى شويه 
_ لا انا مش جاى لى نفسلحاجة 
..................................................
تكرر رنين الهاتف لا احد بالغرفة ليرد الا تلك النائمه 
جاءت ياسمين لتجد امها تتصل 
اخدت هاتفها وخرجت لترد 
_ صباح الخير يا بطه اخباركم ايه ؟
فاطمة :
_ صباح الخير يا روح قلبى ...احنا تمام ..وحشتينى اخبار اللى عندك ايه ؟
ياسمين :
_ الحمد لله كويسين وبيسلموا عليكى ...انا ان شاء الله هاجى اخر النهار
فاطمة :
_ طيب كويس ...حازم جاى انهارده هنا 
انزعجت ياسمين :
_ ايه ده ؟؟ لا يا ماما ...
اندهشت فاطمة قائلة :
_ ايه اللى لا ؟
قالت ياسمين بضيق:
_ انا رميت له دبلته خلاص وكل شئ انتهى
فاطمة ردت بصدمة : 
_ نعم ؟؟ امتى وازاى ؟؟ وازاى متقوليش لنا يعنى 
بصى يا ماما ...وقصت لها ماحدث تفصيلا من الالف للياء 
فقالت امها :
_ كان لازم تصبرى شويه عليه وتفهميه ...ع العموم لما تيجى هنتكلم يا حبيبتى 
اغلقت ياسمين مع والدتها تنهدت وذهبت الى الغرفة 
.........................
حازم يتصل بها وكل مرة 
( الهاتف مشغول )
_ يوووووه يا ترى بتكلمى مين يا ياسمين ...ردى بقى
ضغط ضغطات متتاليه على الشاشة 
لياتيه اشعار تم الارسال 
بدات التفكير فى المذاكرة فتحت الورق لتذاكر حتى تستيقظ رفيقتها 
حتى قطع تركيزها نغمة الرسالة 
فتحتها وقرات :
(السلام عليكم ... انتى فين يا سومه ردى ...تليفونك كان مشغول ليه ؟؟)
واعقبها اتصال منه لم ترد وارسلت رساله هى الاخرى 
وصلته فتحتها وقرا 
( مش برد على حد غريب ...وانا اسمى دكتورة ياسمين يا استاذ ...ومش شغلك مشغول ليه )
استفزته طريقتها وردها ...كيف لها ان تتكلم هكذا...ولكنه قرر الرد 
(اسمى دكتور حازم يا ماما ...لا شغلى يا دكتورة...حضرتك خطيبتى ..وقريبا زوجتى )
وتم الارسال ...واتصل بها ولكنها لم ترد 
قرات رسالته وزفرت بشده ثم كتبت 
( لا مش خطيبة حضرتك ...اظن واضح ...احذف الرقم ده ...ومش تتكلم هنا تانى )
وصلته قراها فكتب 
( وطالما انا راجل غريب بتبعتى رسايل ليا ليه وبتردى على رسايلى ؟؟ اعقلى يا ياسمين )
رسالته اغاظتها بالفعل الدم على بعروقها 
_ بقى كده يا حازم ؟ طيب شوف مين اللى هيعبرك 
واغلقت الهاتف نهائيا والقته الى جانبها 
.........................
محادثه على الفيس بوك 
_hossam saber:ازيك يا ايمى اخبارك ايه 
Doc eman:الحمد لله ازيك انت 
hossam saber: كويس ...ها هتساعدينى ؟؟
Doc eman: تفتكر الفكرة دى هتنجح ؟؟
hossam saber: بحاول بقى ...مردتيش عليا 
Doc eman: مش عارفة يا حسام 
hossam saber : نتناقش بهدوء كده 
Doc eman: معاك ........
.................................................. .............
_ ايه اللى حصل يا ماما 
_ مفيش يا ابنى كالعادة رجعت لها نفس الحالة بس الحمد لله كويسه 
محمد بضيق :
_ الحمد لله ...يارب يشفيها بقى ...خالتو جايه امتى ؟؟
بثينه : 
_ قالت ان فى مشاكل فى شغل جوز خالتك وهتيجى ان شاء الله يا الاسبوع الجاى او اللى بعده
محمد :
_ اهااااااا 
الساعة الثانية ظهرا تململت فى فراشها بالم شديد _
_ اه ....
توجهت ياسمين اليها وربتت على يدها بهدوء :
_ حنة ..نونو 
فتحت عينيها وابتسمت بضعف وقالت :
_ صباح الخير يا سومه 
وهنا دخلت امها :
_ ايه ده القمر طلع بالنهار ؟
ابتسمت قائلة :
_ صباح الخير يا بسبس ..جسمى بيوجعنى اوى أيه ده 
فقالت بثينه :
_ مش متجبسه ؟؟ وحادثة ؟ لازم ترد عليكى الالم 
نظرت حنين الى الساعة فجحظت عيناها 
فقالت لياسمين :
_ انتم سايبنى نايمه للضهر ؟؟ ليه كده ومش صحتونى بدرى ليه ؟؟
فقالت ياسمين :
_ قلنا نسيبك ترتاحى اكيد عضمك واجعك 
فقالت حنين بضيق بسيط :
_ كنت عايزه اذاكر من بدرى 
ياسمين : كان لازم ترتاحى وهيبقى قدامك اليوم كله بقى ان شاء الله 
بثينه : 
_ طيب هقوم اجيب الاكل ..سومه ماكلتش مستنياكى 
خرجت امها وتركتهم معا 
لاحظت حنين شردها :
_ مالك يا سمسم ...
ياسمين :
_ متضايقة شويه 
حنين :
_ حازم مش كده ؟؟
اومات ياسمين ولم ترد 
حنين تواسيها قائلة :
_ اى مشكلة فى الدنيا هتتحل ..وربنا يصلح ذات بينكم يارب 
فقالت ياسمين وقد تجمعت الدموع بعينيها :
_ انا صعبان عليا نفسى اوى ...ده اهاننى قدام الناس وزعقلى ..وكان ماسك دراعى جامد
واللى لحقنى صاحب محمود فى المستشفى ...جرحنى اوى 
فقالت حنين : 
_ معلش شيطان وهيروح لحاله 
فقالت ياسمين لتغير الموضوع :
_ بس عارفة مين صاحب محمود ؟؟
فنظرت لها بتساؤل :
_ ده يا بنتى اللى انقذك من حسام لما كان هيضربنا 
فقالت بدهشة :
_ بجد ؟؟ هو ده ؟ انا برضه عمالة اقول شفته فين
ربنا يجازيه خير 
وجاءت بثينه بالاكل وخرجت 
_ يلا يا حنة عشان تاكلى وتاخدى العلاج 
_ حاضر 
اكلا سويا 
ثم بدا فى المذاكرة 
.............................................
على المائدة لتناول الغداء يجلس حسام وواله ووالدته واخواته البنات الثلاثة 
صابر : 
__وانت عملت ايه فى امتحانك امبارح يا افندى ؟
حسام بتبرم :
_ هكون عملت ايه يعنى ...حليت 
فقالت صابر :
_ على الله ...كن فى البيت بقى وزاكر لك كلمتين 
فقال حسام :
_ انا بروح اذاكر عند فريد بس 
فقال صابر ك:
_ اتلم واقعد فى البيت ذاكر لك كلمتين ينفعوك يا قدوة اخواتك 
ثم وجه كلامه الى ابنته الكبرى :
_ مادتك الجاية امتى يا امل ؟؟
امل ( اكبر من حسام بسنتين......فى كلية تربية..ومخطوبة لايمن محاسب فى شركة ):
_ يوم السبت ان شاء الله يا بابا 
صابر :
_ خلصوا بقى عشان نطلع اسكندريه يومين 
حسام /امل : بجد؟؟
سهيلة : هيييييييييييه 
حسناء : خلصوا بقى لاقتلكم 
.........................................
انا همشى بقى يا زيكو عايز حاجة منى ؟؟
قالها محمود وهو يستعد للذهاب لعمله 
فرد زيكو :
_ تسلم يا عبد الشكور ..متتاخرش انا هذاكر ونراجع سوا ان شاءالله 
فقال محمود :
_ اوك تمام ...يلا سلام 
خرج الى وجهته دخل وسلم على كل من فى المكان 
اكرم : ازيك يا حوده المكان كان مضلم من غيرك 
مايسة : يا اهلا يا اهلا ازيك 
فقال محمود : 
_ ربنا يخليكم شكرا 
وبداوا بالعمل ومن بين الحين والاخرى يلقى اكرم مزحه 
فيتضاحكون لا يكدر صفو محمود الا تلك المايسة 
..................
_ انا نازل يا حنين اوصل ياسمين ..........والله حلوةا الاغنية ..الله عليك يا طه 
ياسمين :
_ ههههه ...شكرا يا عمو ...انا ممكن اتصل ببابا يجى ياخدنى او اروح لوحدى عادى 
فقال طه :
_ بت يا بنت احمد انتى ...متعصبنيش قال شكرا قال...انجرى قدامى 
ضحكوا جميعا وخرجت ياسمين 
وظلت حنين فى فراشها تذاكر ومحمد على اللاب توب الخاص بها يلعب فى غرفتها 
بثينه مع نجلاء 
فى سيارة طه 
_ حنين جاتها الحالة تانى صح ؟؟
_ اه يا عمو بس جت سليمه 
_ حسيت من شكلها كده ...ربنا يهديها 
_ يارب ويزيح عنها ...وكالعادة كان شئ لم يكن 
وصلا الى بيت ياسمين ونزلت ثم قالت لطه :
_ يلا يا عمو انزل شويه 
طه :
_ معلش مش هقدر يا سمسم ...سلمى على بابا 
ياسمين :
_ مش هينفع يلا تعالى ..بقى 
طه :
_ معلش يا حبيبتى والله عندى مشاوير كتير ...سلمى على احمد 
وماما ...وهبقى اجى اعزم نفسى عندكم فى يوم...ويمكن اخطبك بقى ههههههه 
ضحكت ياسمين :
_ طيب ...على بركة الله ...ان شاء الله ....هههه 
غادر طه والتفتت لتدخل ولكن