Us, Against All Odds

Simula

Simula

Minsan sa buhay ng isang tao may mangyayari na hindi mo inaasahan, o madalas pa nga naihahanda mo naman 'yung sarili mo sa mga bagay bagay pero ang nangyayari ay nabibigla ka pa rin.

Minsan 'yung inaasahan mo naman ang hindi nangyayari. Masakit man, pero 'yun 'yung magiging daan para maging sagot sa mga hinihiling mo.

Rejection might be God's way of saying no to certain things in your life, ika nga ng aking mabuting nanay. Hindi naman daw kasi lahat ng gusto mo ay makukuha mo.

Pero may mga bagay rin naman tayong kayang gawin pero hindi dapat. Sabi nga ni Anastasia Steele, "just because you can doesn't mean you should."

Kagaya ng sa pag-ibig, binigay mo naman ang lahat pero kulang pa rin. May mga tao talaga na sadyang hindi marunong makuntento. Tulad ng ex kong manloloko, papasok na ako ng gym nang nakita ko siya kasama ang pinalit niya sa akin.

Wow, what a nice greeting in the morning huh? Napataas nalang ako ng kilay sa kanila atsaka taas noong nagdiretso na ng lakad.

"Ano bang hindi mo maintindihan sa salitang tapos na tayo?!"

Naagaw naman ng koya mong beastmode ang pansin ko. Nasa gilid lang nila ako dahil dito yung pwesto namin kapag PE ang subject namin.

"Alex naman, give me another chance, please." Pagmamakaawa nung babae atsaka sinubukang hawakan si koya pero umatras naman ito.

Napakunot noo naman ako sa nakikita ko. Wow, iba na nga talaga ngayon no? Mga babae na nagpapakababa ng pride. Tapos mga lalake ang taas taas ng tingin sa sarili.

"No, we're done." Matigas na sabi nong lalake.

"Bakit?! May iba ka na ba ha?!" Sigaw nong babae na ngayon ay beastmode na rin. "Alam kong mahal mo ako at hindi mo ako kayang palitan, Alex."

I mentally face palmed myself. Ang yabang naman nitong si ate, kanina lang nanghihingi ng chance eh. Hindi niya ba nahahalata na kaya lalong umaayaw itong si koya ay dahil sa mga sinasabi niya?

"Baka nakakalimutan mong sikat ako, Kayla?" Anang lalake. "Kayang kaya kitang palitan."

Ay, isa rin pala itong mayabang si koya. Akala ko naman hahayaan nalang niya. Pero, bagay sila. Parehong mahangin.

"Kaya mo?" Hamon ng babae. "Sabihin mo kung sino."

Huli na nung narealize kong nakatitig sa akin si koya habang papaupo ako.

"Siya." Aniya sabay turo sa akin.

Lahat ng nakakarinig sakanila ay napasinghap, maging ako ay napasinghap rin. Habang ako'y nakangangan at nanlalaki ang mata ay tinuturo 'yung sarili ko. Aba, bakit ako nadamay sa issue nila?!

"Wag mo akong pagselosin, Alex." Anang babae sabay tawa ngunit masama ang tingin sa akin. "Alam kong ako lang."

Ay, teh! Dukitin ko iyang eyeballs mo eh! Bakit dito ka kasi gumagawa ng eksena?

Lumapit naman sa akin si koya mong nakabusangot ang mukha. Aba'y siraulo 'to ah? Simangot kung simangot.

Humarap siya doon sa babae at umupo sa tabi ko. "Huwag kang pakakasiguro, Kayla."

Aalisin ko na sana yung pagkakaakbay niya sa akin nung bigla siyang bumulong. "Act with me, please.."

Napabuntong hininga naman ako. As if may choice ako diba? Naumpisahan na, e.