الرهان

الرهان 15

#الرهان١٥#
#زينب_الموسوي#
بعد المعالجه لفيصل وتقرير الشرطه مجهوليين تعرضوله بالضرب والسرقه رجعنا عل البيت ساعه صارت تسعه
فيء احجي شصار من طلعت من البيت
جماعه نزلوا عليه مسلحين وگفت السياره صعدوا وياي وجهوني لمكان رحت
كان في اثنين منتضرينا بمحل سيارات سدوا الابواب وضربوني واخر جمله سمعته عندك يومين تسلم الصيغه لادم
فقدت الوعي ولگيت نفسي بمكان الزبل
وتالي فيصل شراح تسووي
ابلغ الشرطه عن المكان والتهديد
فيء انت غشيم صار كم سنه بامريكا المحل للسيارات شنو دليلك
تريديني اسلم الصيغه
بلي هذا الي اريده لو اني اسلمها اني ابيع فيء كافي تريد تنقذ البشريه
ليش لا اذا اگدر علاجي يشفي الكثير ليش اغيره
الموت موجود مو بس بالامراض بالحروب كوارث حوادث سيارات افات ومصايب سوده هواي فيصل لساعه ١٢راح ابيع اني
ها هسه وضح كلشي الرهان والزواج كان تريدين توصلين للعلاج والثروه بسرعه مع الاسف ضحكت عليه طفله
راح تبقى طول عمرك تشك بحبي الك ومراح تصدك اني اخذتك لان حبيتك واني مامستعده اخلص عمري ابررلك واحلف واظل سمع كلمة طفله
سمر اذا بعتي معناها بعتيني واني وياج انتهينا
انتهينا فيء اروح اوقع الاوراق
ركضت على الدرج اسمعه يصيح خاينه حقيره استغليتي ثقتي
اذا تصرفتي بالعلاج والله اقتلج
صعدت السياره وسقت بسرعه وافكر
فيصل وتعبه وحتى دمه سال  على هذا الاكتشاف اشتغلت الغيره العراقيه والعناد ضرب براسي يمكن عرق العناد العراقي بداخلي دفعني للمجازفه
وگفت السياره على مسافه قريبه من ااجامعه  اجتي فكره بس اخاف انفذها
من طلعت من بيت فيصل كنت مصممه انطيهم الي يريدوه بس هسه لا
بالجنطه عندي صيغتين الصيغه الي تشفي تماما من الامراض
وصيغه ثانيه تعالج واحسن من كل الانواع الي مطروحه الان بس متشفي تماما
واثنينهن اكتشاف فيصل واثنينهن عندي ومحد يعرف بيهن غير اني وفيصل ترددت لكن مااگدر اسلم تعب فيصل بسهوله
دخلت على مكتب فيصل بااجامعه كل جسمي يرجف حولت كلشي لكمبيوتر عند فيصل بالمختبر ومسحته ودخلت معلومات جديده ودخلت على الاجتماع انطيتهم الصيغه الثانيه
هذي الصيغه الي تريدوها فيصل غير النسب مثل متريدون صار علاج متطور يطيل فتره حياه المريض لكن ميشفيه هذا الي تريدوه صح
في علماء اثنين باعوا ساعه كامله وتناقشوا قارنوا المعدلات ونتائجها بعلاجات ثانيه
فعلا علاج افضل من الموجود وراح يخلي المريض يحس بتحسن لكن ميشفيه
عمل ممتاز مدام فيصل توقعين الاوراق
لا فيصل راح يوقع موجود بالبيت بس تعبان ميكدر يجي روحوا عليه يوقع واتفقوا على الفلوس اني خارج هاي اللعبه
طلعت شفتهم فرحانين
دزيت رساله لفيصل
فيء العلماء راح يزوروك انتبه على الاوراق الي عدهم في نسخ تلگاه على الكمبيوتر اقراها تفتهم
لاتدورني وقع بلا عناد
رجعت لبيت  ماما خايفه ايعاند فيصل ونرجع لنفس الدوامه
اتصلت بدعاء
وين فيصل
بالمختبر لچ شسويتي هذا تعبه شلون تبعيه
دعاء من خوفي وقلقي هسه مااگدر احجي ادعي يعدي الامر على خير واي شي يصير خابريني
كنت خايفه يكتشفوون مو هذي الصيغه الاصليه او فيصل يحجي
شفت من الشباك وصلوا على البيت وعددهم زاد يمكن سته وسيارتين وكاميرا
ماتحملت دخلت وياهم فيصل كان منتظرهم ومرتب نفسه وملابسه يعني افتهم عينه جتي عليه وابتسم
سلموا على بعض شرحلهم فيصل على العلاجات وكلهم مستعد اشرف على التنفيذ وقدم التفاعلات الكيميائيه وقعوا الاوراق وهمه يعتقدون اخذوا الاكتشاف من فيصل بس بالحقيقه الاكتشاف لحد اليوم عند فيصل ومحد يدري غير اني وهو
طلعوا مسرورين
بقينا  گاعدين گبال بعض
شلون اجتج الفكره واني مافكرت بيها
انت تفكر بشي واحد اني طفله واخذتك حتى استغلك فكرت من شفت   دمك گلت ويه روحي الشي الي سال عليه دم فيء مستحيل انطيه خليه كلمات مخزونه ولا ياخذوه تجار يتاجرون بمأسي البشر
صدوگ التلميذ مرات يتفوق على استاذه واني اگول طفله
طلعتي مره واني ماادري
انت متدري بهواي اشياء
كمت من مكاني
وين رايحه سمر
اخذ حاجاتي واغراضي وارجع لبيت ماما
صعدت على الدرج وهو وياي
متروحين اذا ضايجه مني اني اطلع لحد متهدئين
واخراريد اخذ اغراضي ملابسي
كتلج متطلعين سمر افتهمي مو سهله تكوليلي ابيع واني مضروب ومدمه تصورت خنتيني
وراح بكل مشكله تعيد نفس التصور واخر الله يخليك
ملازم حتى ملابسي مااريدها اروح مثل ماجيت لاتگلي اتزوجتيني حتى اشتري الج ملابس
ركض قبلي على الباب قفله متطلعين صايره تعوفيني واني بهاي الحاله شوفي عيوني خشمي كلي مضروب
بس خوش خارطه راسميها على وجهك تستاهل
كوليلي شنو هالذكاء شلون تذكرتي هذي الصيغ
ماادري من كثر الخوف والقلق عليك والتهديد فيء انت ماخسرت هذي هم اكتشافاتك وراح تساعد براحه مرضى هواي والاعمار عند الله
بس الاكتشاف الاصلي يشفي فعلا راح يبقى مخزون بكمبيوتر
بمرور الوقت لازم تلگه طريقه او منظمه واذا مو احنا اولادنا احفادنا المهم هسه محد يعرف بيه غيرنا
صحيح اني مااخسرت بس تاجلت احلامي
اني الي خسرت الرهان ويه دعاء ولازم اشتريلها بدلة العرس
ليش شنو هالرهان هالمره
تراهنت اذا خيروك بين اكتشافاتك  واني تختار الاكتشافات
مافي مقارنه انتي حياتي والاكتشافات عملي مافرطت بيج بس تصورت خنتي وتريدين تستفادين
فيء كافي من هاي الدوامه خلي ناخذ اجازه ونسافر كم يوم
نسافر لمصر حلوه وبيها احياء جميله والاهرامات
اخاف حاره متعجبني
اتراهن وياج تعجبج وتراهن وياج راح تكون احلى ايام بعمرنا
وشنو الجائزه هالمره
اني وكل مااملك وطول عمري الج تسوا الجائزه لو لا
تسووا الدنيا فيء

الصيغه الي وقع عليها فيصل موجوده ونطرحت علاج واكثر الاعلانات عنه تدعي ان علاج للشفاء نتيجة الراحه الي يحسها المريض وتسجلت براءه اختراع لفيصل
الصيغه الثانيه والي تشفي تماما موجوده لكن الخوف على حياته من ان يبيعها او يعلن عنها  جعلته يحتفظ بيها سر لحد نجد جهة داعمه
لذلك اوجه ندائي للحكومه العراقيه برعاية علمائها وكفائتها بالخارج وكافي اهمال
نريد قوانين تحميهم وتحمي عوائلهم في حالة عودتهم لبلدهم وتقديم اكتشافاتهم العلماء ثروه وهذا الاكتشاف اذا دعمت الحكومه العراقيه وسوقته راح يدر ارباح طائله  للعراق علما هذا العالم محصل اكثر من ١٣ براءه اختراع من عدة دول
ليش الحكومه تفكر بحمايه نائب بالبرلمان وتمنحه جواز دبلوماسي
والعالم العراقي بس يدخل الحدود تغتاله مخابرات دول احنبيه
انتبهوا لعلمائكم
بقيه القصه دعاء تزوجت وعايشه سعيده والحمد لله واعز اخت وصديقه عندي ونتراهن اني وياها على طول
فيصل ترك العمل بالجامعه واتجه للعمل في مختبرات حكوميه وساهم في اكتشاف وتطوير علاجات كيميائيه كثيره
اني ادرس الذره  واساعد بالمختبر مع فيصل لحد الان ماعدنا اطفال تعلمت منه الجديه في العمل وتعلم مني المرح في الحياة غيرني للاحسن وقدني لمستقبل افضل وغيرته للافضل واهديته الحب والضحكه بحياته
سيف يعمل واستقر بولايه ثانيه
ماما عايشه معانا في بيتنا اني وفيصل
عمه هيفاء ماتزوجت اتصل بيها على طول
الله يكتب السعاده للجميع