#الرهان١١
#زينب_الموسوي
بعد مرور شهر على زواجنا اقتربت عطله الكرسمس وعرفت سيف حيجي اجازه واول يوم عطله رجع كانوا متجمعين سوا واني احاول ابتعد لان لاحظت سيف كانت نظراته غير لائقه وبقيت بغرفتي وحتى فيصل لاحظ تصرفات سيف
كولش ضجت من نظرات سيف وكدامي المفروض يراعي انتي زوجتي وعينه ينزلها عنج
والله عينه ينزلها لا ميهمني
المهم اني عيني ميمليها غيرك فيي وكمري ودنيتي لك همزين كنت ممهتم بنفسك كانت اخذت وحده غيري قبل لااعرفك
يمكن انتي عندج قصر نظر ومتشوفين لج شعاجبج بيه
يمه گلبي اصلا اني كلي نظر وعاجبتني حتى الگاع الي تدوس عليها تصدك لو لا
مصدك گومي نشتغل بالمختبر قررت اخلي اسمج مساعده بالاكتشاف والعلاج حسميه سمر
لا سميه فيء احلى والله
اوكي مثل متحبين
كانت اكثر اوقاتنا بالمختبر والشركات متبطل اتصالات بيه ومااعرف ليش كان متردد بيع العلاج
بعدها بيوم الصبح كنا نايمين والمفروض عطله اني تعودت انام على ايده دگ تلفونه اخذ التلفون بهدوء حتى ميبعد راسي عن ايده وجاوب بصوره مقتضبه وعرفت حيطلع لاجتماع
سنفوره اگعدي
لاتكوم من مكانك مراح اخليك تطلع اجل الاجتماع لبعد العطله
سنفوره اجتماع مهم حبيبتي انتي ابقي نايمه واني ساعه ارجع
والمن ابقى نايمه اذا انت تروح
وتالي افتهمي شغل
سحب ايده ودخل للحمام
الحمام داخل الغرفه رحت قفلت الغرفه واخذت المفتاح من طلع
سنفوره وين المفتاح ترى مو وقت لعب
ماادري بالمفتاح دور عليه
داگلج اجتماع مهم ترى الحياه مو بس نوم انطيني المفتاح
على كيفك هاشبيك ترى داتشاقه
حتى الشقى اله وكت شنو تقفلين الباب رايح العب اني
يمه شدعوه اخذه للمفتاح مراح ناكلك اوووي
شرب الكهوه وطلع بعدها بعشر دقايق او اقل دخل سيف لغرفتي وگعد على السرير
شدتسوي هنا اطلع بسرعه
لج والله حليانه على الزواج هنياله لعمي والله حرامات بهذا الشايب المعقد هذا تاخذيه انتي
لك ياواطي لو ماهذا خلصت عمرك بدار الايتام وهسه تدك شغل حتى تكمل دراسه هذا المعاحبك رباك من عمرك سنتين شوف ملابسك مصروفك سيارتك منين منو دفعها فدوه تروحله الف مره
على كيفج عيني اعصابج قبل شويه سمعتج قافله الباب عليه وميريد يبقى يمج صوتكم كان عالي الظاهر عمي مقصر هواي اني موجود وبالخدمه
انجب ياحقير يامتستحي اطلع برا لج دعاء دعاء تعالي شوفي هذا الناقص
دعاءكانت ورا الباب وشايفته من دخل ورادت تعرف شنو ردة فعلي
ها سنفوره شفت وسمعت هيج حقاره اني ابد مشفت لك عمك لاحكه على بنيه حبها وتعلق بيها
على كيفجن عيني حواري العين نسيتن الرهان على عمي انتي وياها هسه صحى الضمير خوش اتفاق على الرجال حتى تلغفن كلشي والله لافضحجن كدامه وخليه يطردجن بالشارع
اطلع برا وخر عن فراشه لاتنگسه
بسيطه سنفوره خاتون
بقينا بالغرفه اني ودعاء نبجي كتلها فيصل گال ساعه وارجع اخاف هذا يحجي
شوفي من يجي انتي كوليله واني اشهد وياج
احنا اليوم اصلا متزاعلين
عادي صالحيه عمي گلبه طيبه
ئي والله كلبه طيب تدرين من يشوفني صافنه يسالني مية سوال ليش ضايجه اخاف متندمه تعالي نطلع محتاجه شي بعمري محد اهتم بيه مثله
مرت ساعتين اتصل فيصل
حبيبتي سنفوره زعلانه
ئي زعلانه ونزلت منشور اشكي بيه منك وگلت زوجي هاملني والنسوان بالتعليقات اتركيه تطلكي روحي لاهلج خلي اهلچ يبسطوه على شنو متحمله وماشاء الله ميحبن هجمان البيوت ابد
انتي صدوك تحجين نزلتي منشور
داتشاقه شبيك اني اشكي منك منو عندي غيرك فيء حبيبي
دكولي زعلانه حتى اصالحج
ها لعد زعلانه وعشر دقايق مترجع اروح لاهلي وانت وعمامي تفاهموا شنو بنات الناس لعبه
تضحكين انتي ليش قفلتي الباب
ردت نلعب لعبه اضم المفتاح وتدور عليه واذ لكيته تفوز
ومن افوز شنو الهديه
اذا فزت واذا خسرت الهديه الف بوسه لعيونك
لعد جاي نلعب
بعد ملعبنا گال حنطلع نتغدا برا وناخذ دعاء وسيف
بدلت واحنا نطلع دعاء كالت سيف خابر سمير وگله جيب جماعتك وتعال للمطعم الهندي شتتصورين ليش
مبينه يريد يكعود ويه جماعته على حساب فيصل خليه ليگعد ويانا
وانتي حجيتي وي عمي على الموضوع
نسيت كان ديصالحني ونسيت
لج على الغدا هسه من يولي سيف يم اصدقائه نحجي وياه
اخاف خطيه اقهره
ميخالف يسمع منا ولا من هذا الحقير
شنو قصتج مو كنتي ذابحه روحج عليه
ماادري هيج حقير وسافل
وصلنا المطعم كلنا وگاعدين گلبي مقبوض وخايفه وهذا سيف كل حجيه تلميحات سخيفه وكل حجايه والثانيه يگل لعمه تتراهن اني وياك على اي شي يمكن كرر هذي الجمله عشر مرات لحد دخلوا سمير ولد ثاني اسمه حيدر اعرفه باعداديتنا وسلموا على سيف وعلى فيصل اخذوا ميز ثاني وگعدوا اصابيعي ترجف وفيصل شافني
شبيج سنفوره ترى اعرف الولد وياكم بالاعداديه وممتضايق لان سلموا عليج
شويه تعبانه البارحه منمت خلي نرجع ونترك الولد على راحتهم هنا
دعاءهمين گالت خلي نرجع احسن سنفوره مبين عليها تعبانه
صوت الضحك والسوالف كان عالي لمن ردنا نكوم فز سيف من مكانه وياه سمير وكفوا قريبين علينا خلص راح اموت والله
سيف عمو وين رايحين مو گاعدين
فيصل سمر تكول تعبانه انتوا باقوا واطلبوا الي يعحبكم هذا الكردت خليه عندك
سيف عمو اگعود وين رايح هذي سنفوره طول عمرها تمثل هسه تلگاها متراهنه هي ودعاء عليك يخلوك بلا غدى
اني سيف كافي ماكو داعي لهذا الحجي
سيف اسف سنفوره بس انتي طول عمرج تحبين تتراهنين على كلشي صح لولا سمير
فيصل شبيك سيف لهجتك ويه سمر معاجبتني واحنا بمكان عام ومامسموحلك تگله غير سمر احترم وجودي
سيف اسف عمو ترى موقصدي واعتذر بس اگعد ارجوك لاتروح وانت زعلان
سمير عمو ترى سيف ميقصد يقصد الرهان القديم بين دعاء وسمر عليك
سيف ئي والله عمو هذا قصدي اكيد انت تدري بيه حجتلك سمر تراهنوا كدامنا وكل الشله تدري سمر تحدت تخليك تحبها وتتزوجها ودعاء تحدتها متكدر تتذكر حيدر
حيدر شلون مااتذكر بيومها ضحكنا ضحك
باوعت على فيصل بالضبط المذبوح وگصته عرگانه ومدنك واني فقدت القدره على الحركه حتى النفس احسه وكف اريد امحي كل هذا وكانما ماصار بس صار وفيصل سمع
رفع عينه على الولد وجاوبهم انتم والله زواج اني الي تراهنت عليكم ويه دعاء خليت سمر تحبني وتتزوجين اني وخليتكم تصدگون الرهان كانت متراهنه وياي عليكم تخليكم تصدگون بالرهان بيني وبينها عليكم سمر حبتني اني ورفضتكم اثنينكم لان تعرفكم زعاطيط عذرونا شباب لازم نروح يله بنات
طلع فيصل واني ودعاء تاخرنا حتى افرغ غلي بيه
دعاء لك شوف سويت بعمك ذبحته الله لاينطيك جاي انت وربعك تتزقنبون على حسابه وتقهروه جان استحيت بس والله مو زلم عايش عليه وتجرحه
بس كولي شحصلت من الي سويته خليني اني كلبه ومااستاهل بس هذي جزات الرجال التعب عليك ورباك تخليه مضحكه گدام كم فاشل ماعدهم فلوس الاكل الي ياكلوه روح منك لله
كان فيصل واكف ينتظرنا ومن شافنا اني ودعاء نمشي ونقدم خطوه ونرجع خطوه واثنينه وحده لازمه ايد الثانيه ونرجف
دعاء انتي راح تحجين لو اني
ماادري نسكت احسن خليه هويغلط علينا يضربنا نتحمل حيل بينا نستاهل مافكرنا بهاي اللحظه
ولج كان لعب والله حجي مرهقات
وصلت السياره من الخوف ماادري اكعد يمه يم دعاء بس كعدت يمه صمت تام ولاحجايه والله الي مبلغيه راح يموت بعد ساعه حاله ارحم مني فيصل من نوع هادي ومن يتعصب كل الي يسويه يرفع صوته بس الي سمعه يخلي اي واحد يتخبل بالبيت دخل لغرفته
شلون دعاء شأسوي دبريني
ماادري سوده عليه عمو لج شفتي شصار بيه وهو يسمع
شوف هاي اگلج شنسوي بالمصيبه السوده تكلي شفتي شصار بيه ئي شفت وياريتني عميه
اني راح ادخل عليه واحجي وياه عمو يحبني لو اعرف انزل على رجليه وابوسهن بس يسامحني
عفيه وكوليله يسامحني اني فد مره
انجبي انتي بعدين تدخلين عليه وتحجين وياه زين
دخلت دعاء واني واكفه ورا الباب اسمع
عمو ممكن احجي وياك
تعالي دعاء احجي (صوته ناصي هسه عليه اريداسمع)
احجيلي دعاء بدون كذب ومعليج بسمر صديقتج وسيف ابن عمج شفتي الصار كم سربوت استهزئون بيه احجي الصدوك
عمو والله العظيم احجي الصدوك انت تدري اني لاعرفت ام ولااب غيرك واحبك اكثر من روحي لو اعرف سنفوره مااخذتك لعب وغايه اكولك والرهان كان تخليك تتغير وتهتم بنفسك وتعيش ويصير عندك اصدقاء وتتزوج ماذكرت تاخذك وتخليك تحبها والي خلق السموات والارض وتتذكر كانت تتحارش بيك وتحديتها كتلها عمو ميتغير كان الرهان على لبسك وشكلك وهاي السوالف وساعدتها اني تتقرب منك لان ردت اشوفك سعيد ومتهني وبعدين من اقتربت منك حبتك هي اول
وسيف وسمير وحيدر شلون عرفوا بالرهان
تدري اني كنت احب سيف وهو رايد سمر كتله سمر تحب عمو ومتراهنه تاخذه حتى ينساها والله هذا الصار سمير ميدري وحيدر ميدري الا من سيف والله لاصار ضحك ولانصب عليك سمر تحبك وهواي شباب رادوها مانطت مجال الهم ورادتك انت
دعاء اني ممكن اكذب الكل واصدك بيج انتي لكن اذا عرفت تكذبين تخسريني للابد
عمو الموت ارحم الي من اخسرك والله اموت اذا متسامحني ايدك ابوسها وراسك فدوه لعينك بس كول مسامحني
تعالي لاتبجين تدرين شكد احبج ومسامحج بنتي الحبابه بس اسمعي كلمه قبل لاتتصرفين اي شي فكري هذا التصرف يضر غيرج يجرح مشاعرهم والاهم يعضب الله لو لا
صار عمو غلطه ومتتكرر
وشي ثاني سيف ميستاهلج ولو يموت ماانطيج اله
لو يبقى بس هو بالدنيا مااريده
عمو اصيح سنفوره
لا خليها وبعد صيحيها باسمها سمر
صار عمو
اني حطلع وارجع باليل اوكي
ركضت دخلت المطبخ وسديت الباب
وشفته طلع
وين راح وليش مقبل اجي يمه شمعنى انتي سامحج وحبيبتي وحبابه واني بنت البطه السوده شنو
اسكتي سمر اصلا عمي ميت وجاملني وضحك بوجهي يجوز لان اني يتيمه
واني شنو لعد مو يتيمه يعني لان امي عايشه شيريدني اكتل امي حتى اصير يتيمه ويسامحني
انتي مرته يرجع بالليل وتعرفين شتسوين هسه يسامحج
لج ياليل عمره مطلع بالليل ولاعنده مكان ولااصدقاء عزا اخاف راح ينحرف هذا ويشرب لو يجيب وحده للبيت
دكافي سمر الي سويناه مو شويه
والله ادري ومن ضيمي احجي شسوي شمدريني نهايه الرهان احبه واتزوجه
شوفي سمر هذا سيف راجع تعالي نقفل الباب ونخليه بالشارع
يله انتي قفلي هذا هذا الباب
واني اقفل الجانبي ركض
قفلنا الباب ظل يدك
روح ديح بالشوارع انت وربعك اذا مااخلي فيصل يلغي الكردت كارت وتظل تجدي بالشوارع اني مو مره
بسيطه هسه اخابره ونشوف من الي ينطرد بالشارع
شفناه يتصل فيصل ميرد عليه ويرد يتصل
لج دعاء فيصل ميرد اخاف انتحر
اتصلي عليه انتي وگوليله كم كلمه حلوه ترجعه للبيت
لا مو هسه خلي هذا سيف الكلب بالبرد شويه
مر وقت قصير سيف صعد السياره وراح اتصلت على فيصل
