الرهان

الرهان ٣

#الرهان3
#زينب_الموسوي
كنا نباوع تلفزيون وكان تقرير عن الحياه العرب في امريكا وهنا تولدت عندي رغبه غريبه ارجع وتذكرت بعض الوجوه في حياتي
كنت اتصل بماما من وقت للثاني واعرف عدها رغبه ترجع لامريكا لكن متگدر لكونها فقدت حق الاقامه وبعد طلاگها من زوجها الثاني ازدادت رغبتها للسفر لامريكا
عمه اني اكدر ارجع لامريكا لان عندي الجنسيه
منو يخليج ترجعين ويامن تعيشين قابل انتي ولد
اكدر اخذ ماما واسافر وحادث بابا وموته يسهل الامر عليه
واني سمر تركيني
عمه اذا رحت هناك اطلبچ لو اشوفلج واحد ياخذج
صدوك عمه اول متوصلين بالمطار دوري واحد ودزيه
انشالله اتصل بماما واشوف
بديت انفذ رغبتي اتصلت بامي وقنعتها تجي تاخذني لليونان وهناك نقدم الفيزا الها لان عمامي ميقبلون اسافر لوحدي
وصلت امي للعراق وبدت مشاكل وي عمامي لان ماما مكانت توحي هي ام وكان صعب عليهم يسلمون بنت اخوهم لوحده غريبه عن طباعهم ولبسهم وتاخذها لدوله غريبه
لكن هي اصرت تاخذني والقانون وياها واني كبيره وقررنا السفر
اصعب ماكان بيه هو وداع عمتي وبيبي
حبيبتي سمر اذا رحتي هناك موتقلدين امج بتصرفاتها ولبسها انتي ابقي مثل ماانتي
انشالله عمه واحاول اقنعها تلبس مثلنا
والله حرامات هذا جمالها كله وهيچ عارضته لليسوا والميسوا وهذا خليل الله يرحمه تخبل وطلكها صدوك مو شكول نعمه واجى خطب شيماء ام الفطور وعمت عليه وراح
طلعنا لليونان ماما مكانت تعاملني كبنت بقدر ماتعتبرني ورقه للوصول لامريكا والدليل حديثنا كان دائما مختصر وابد مسالتني عن حياتي والي مريت بيه ودائما تتهمني بالكذب من تسالني عن العلاقات واجاوبها ماعندي علاقه
بقيت باليونان ست اشهر اني كنت اكدر اسافر لوحدي لكن صعب لوحدي واجهل تفاصيل الحياه هناك وبقت مراسلات بين القنصليه والهجره لحد مااخذت ماما الموافقه ودخلنا امريكا اول دخولي استعاديت بعض الذكريات وحسيت كنت افتقد الحياة هنا صح اني ماانولدت بامريكا لكن هنا عشت احلى ايام حياتي
وهنا تغيرت حياتي كليا وقررت اترك العدائيه بشخصيتي وابدي من جديد رحت على الاعداديه
وتعرفت على مجموعه صديقات واصدقاء احلى شله ممكن تكون
دعاءعراقيه يتيمه عايشه ويه عمها
سيف ابن عم دعاء يتيم عايش مع عمه هو ودعاء بيت واحد
نرجس عراقيه اب وام يشتغلون وتشوفهم بس بالعطل مع ان عايشين سوا
سمير شاب عراقي صاك والبنات تزحف عليه بالجمله ملاحظه لنفسي ديري بالج من سمير زملاءدراسه وبس
كانت شلتنا نجتمع بالفرص وقت الغدا وبالرياضه وكل وقتنا ضحك وتقليد بيوم دعاء كانت. حزينه وسيف همين
شبيكم اليوم ناصبين فاتحه
دعاء ممجاوبه بالامتحان البارحه لنص الليل اقرا شفت الاسئله انثبرت
طبعا تنسين اذا انتي مكابله التلفزيون وتقرين وانت سيف شبيك
عمي فيصل ميقبل اسوق وكلشي عنده ممنوع
انت عمرك ١٨ ليش باقي يمه اطلع واشتغل وكافي عايش عنده
ميهون عليه عمي رباني
هنا اجوي نرجس وسمير وعرفوا الموضوع
سمير لك هذا عمك خبلني لا ممتزوج لايضحك لا يغير ملابسه سيارته من العصر الحجري شبيه ماادري
نرجس صدوك عمكم شلون وصلكم لامريكا لو باقيين بالعراق احسن
ممكن تفهموني قصة عمكم شنو الموضوع
دعاء احنا هم منعرف القصه وعينا على الدنيا ماعدنا اهل بس عمو فيصل
ولكم اخاف هذا خاطفكم
دعاء شوف هاي شتحجي  عمنا لاتخافين
اكول سيف شسويت على البيت الي يمكم عرفت شكد ايجاره
لج منطقتنا غاليه ابقي بالشقه احسن اليوم اسال عن الايجار واتصل بيج
سمير تريدين بيت للايجار يمنا اتصل بيج اليوم عليه
اگلكم هو مو مزاد الي يتصل اول نجي اني وماما نشوف البيت بس رخيص ها يله كل واحد على قاعته
كنت اعرف سمير وسيف مهتمين زايد بيه وادرك تماما هذي المرحله اكثرنا بيها يعرفون مشاعر الحب او الاعجاب بشخص معين سواء كان شخص حقيقي موجود بحياتنا او لاعب فنان مطرب
مع ذلك اني كنت مااجله الموضوع ومادگ كلبي ذيچ الدكه الي تخليه طاير بعد ساعه من وصولي للبيت دگ تلفوني شفت الرقم سمير مجاوبت دگ مره ثانيه
هاي سمير خير   البيت موجود تعالي انتي والدتج شوفوه
والدتي طالعه هسه من ترجع اكوللها
انتظر لعد بس اذا خابر سيف متروحون اني لكيت البيت اول
بس هو اتصل قبلك وگتله ماما مموجوده
صدوك اتصل شوكت
قبلك بخمس دقايق راح اجي اشوف البيتين باي
سيف مكان متصل كذب بس بصراحه مكنت اريد اسكن قريب سمير  اريد اسكن قريب من سيف يمكن لان دعاءصديقتي ويمكن اريد اتاكد من مشاعري اتجاه سيف
والكذبه الثانيه امي كانت موجوده بالبيت
انتظرت شويه اتصل سيف
البيت هيانا نظيف وغرفتين نوم ب٨٠٠ شهريا تجوون تشوفوه اكلج سمير اتصل بيج
لا بعده دانتظره
وعلى شنو تنتظرين هذا البيت وفارغ شفته وصاحب البيت منتظركم
هسه جايه اني وماما
رحنا على البيت وعجب ماما او اني دخلته بعقلها (لاتسالوني ليش)
ثاني يوم الصبح لچ دعاء راح نصير جيران وطول الوقت نبقى سوا
هايهيه اذا ماالجوارين خبروا علينا الشرطه احنا بالمدرسه كل شويه استاذ طاردنه من الكلاس
سمير ليش ماجيتوا على البيت يمنا وظليت انتظر
مو گتلك الي يتصل اول وبعدين البيت يمكم غالي
انتقلنا للبيت الجديد بدايه الشهر وصرنا نروح اني ودعاء وسيف للمدرسه ونرجع سوا مرات ماما تاخذنا ومرات نرجع مشي
ماما كانت تشتغل سكرتيره بمكتب عقاري
فد يوم العصر دگيت باب بيت دعاءفتح الباب رجال بنهاية الثلاثين لابس نظارات شكله عبالك ناسيه الزمن وعايش فتره قديمه فتح الباب وظل ساكت
هاي اني سنفوره صديقة دعاء اگدر ادخل
اصدقاء سيف جوا  روحي لبيتكم احسن
اصدقاء سيف عادي هم اصدقائي
منو انتي منو ابوج شنو عادي اني دعاء حابسها بغرفتها بين ميطلعون انوب تجين انتي روحي منا
وليش حابسها احسن خلي سيف ياخذ اصدقائه ويطلع وياهم يتونس
واني وياها نظل سوا مو صحيح عمو
وين بيتكم انتي
هذا بيتنا بصفكم احنا جيرانكم الجدد
عندج اخوان اخوات
نو بس اني وماما
دخل جوا صاح دعاء وطلعنا رحنا لبيتنا
لج دعاء شنو هذا عمج ملف لوحده وعبالك من العصور القديمه ليش هيجي
والله ماادري شبيه من شفته وشافني هيچ وضعه
اخاف ماكل شي  وجعان ودوا لدكتور ترى هذا لازم ينقرض من زمان
كافي سنفوره ترى عمي فيصل گلبه طيب وحنون
مبين من مناضره اكبر من الدش الي بيتنا
داحجي وياج بموضوع سمير ترى وصاني احجي وياج
قبل لاتحجين دعاء مااريد اسمع سمير مو هو الي انتظره واذا سالچ كوليله نسيت اكوللها مااريد اخسره صديق ومااريده حبيب
اريد اكون وياج صريحه اني احب سيف ومن كان عمري ١٤سنه وكان يحبني لكن احس هسه تغير ومهتم بيج اكثر كوني صريحه تريديه انتي
ممكن هذا السوال ترك مااجاوبه ليش مگلتي
هسه گلت وعرفتي شراح تسووين اذا صارحج سيف
راح اجاوبه دعاء تحبك ودعاء صديقتي وغاليه عندي
تدرين اني لو ماعمي هذا المعقد كان خطبني سيف وتزوجنا قبل سنه
ليش عمج مقبل تنخطبون
عمي يكول بعدكم زغار وبالعائلة امراض وراثيه زواج الاقارب عدنا يولد اطفال مشوهه
وهو عمج رب العالمين وعرف
شنو قصة عمج اتمنى اعرف ليش ممتزوج ليش انتوا عايشين وياه ليش معقد ادفع نص عمري واعرف