الرهان

الرهان ٦

#الرهان٦
#زينب _الموسوي
وصلت لاخواني كانوا عايشين بدوله عربيه ومقدمين لجوء لامريكا وانضميت للملف وياهم كانوا اخواني متزوجين وسيف عمره سنتين ودعاء سنه مرت سنتين بين نقدم اثباتات تدل احنا اولاد العالم المعروف لان من نهزمنا بدون اوراق وثبوتات لحد يوم تمكنت الاستخبارات استدراجهم بحجة فيزا وتهريب همه وزوجاتهم  واغتالتهم اني كنت بالشقه مرحت معاهم  من كانوا بطريق بسياره صفوهم برشاشات ولحسن الحظ مالاحظوا وجود الاطفال بعد الحادث توليت تربية الاطفال اني وحصلت لجوء اامريكا والاطفال وياي ادرس واشتغل وراعي الاطفال نسيت نفسي وعمري ابتعدت عن الناس حاولت انسى السجن وذكرياته المريره ماگدرت لحد ماقررت اسجن نفسي بنفسي
هذي كانت قصته كنت اسمع وابجي وهو الدموع جامده بعينه
فيء كنت مقرره احجيلك قصتي بس حياتي ولاشي بالنسبه لعذابك اعرف اني ازغر منك بس عشت حياتي مكنت محبوسه مثلك اسمحلي اگلك عيش وانسى افتح گلبك للحياة والناس افتح الشباك يوميه الصبح ومن تحس نسيم الصبح يلامس وجهك تعرف بعدك عايش وتستحق تتمتع بحياتك
روحي نامي سنفوره لاتشيلين همي
فيء اني بحياتي احترمت رجال اثنين والدي وانت  والدي راح بس انشالله انت تبقى بحياتي طول عمري
صعدت الدرج ودي اكفخ وجهي الف مره كيف سمحت لنفسي احول انسان بهذي التضحيات والظروف الى لعبه رهان ونكات عن لبسه وشكله
دعاء اگعدي انسي الرهان بيناتنا اني خسرت وسيف مااريده لو يبقى اخر شاب بالدنيا
شبيج ليش تبجين 
فيصل اكبر من ان يتحول رهان بين مراهقتين ماقدرن مشاعر الناس تدرين عمج قصته شنو
حجيتلها القصه وگعدنا نبجي لحد الفجر گعدنا بعد تلث ساعات كنت ناويه اروح لبيتنا بس اجلتها لحد اشوف فيصل
انتظرنا بالمطبخ لحد نزل انطيناه الگهوه وريوك
وماگدرت اباوعله ماادري ليش مرتبكه وخايفه
سنفوره اليوم عاقله حتى مكالتلي صاك مثل كل يوم
ميحتاج اكول باوع بالمرايا وانت تشوف
لاتضوجين على البارحه والي سمعتيه اني مااحب اسولف بيه حتى مااقهر احد
وليش تتحمل القهر لوحدك الناس للناس وتحتاج صديق تحجيله
لاعمو تحتاج زوجه
يله صيرن سباعيات ودوروا على زوجه
سنفوره مو عندج عمه حبابه بالعراق
فار دمي من حجيها وحسيت بالغيره
عمتي جبيره اكبر من فيء
يعني شگد عمرها يجوز اني اكبر منها
انت شكد عمرك
٣٧سنه
عمتي ٤٠ متناسبك ليش نتسرع خلينا ندور على كيفنا يمكن تحب وحده وتاخذها
صدوك عمو  الكليه مليانه بنات
انتي شتخرفين منريد من الكليه انريد وحده نعرفها شمدرينا بنات الكليه شيطلعن صح فيء لو اني غلطانه
والله ماادري اني مثل متكولين حديقه والظاهر راح ابقى حديقه
وشبيها الحديقه احسن متاخذ وحده وتطلع بلوه لاتستعجل
طلع للشغل ركضت اشوفه من الشباك
اتفرجي عيني ملي عينج متريد وحده من الكليه دشوفي اذا ماهسه اخذته وحده
عابتلج ليش هيج تگولين
استعجلي نفذي الخطه وخليه يحبج واخذيه لاتبقين تباوعين طول عمرج من الشباك وتتحسرين
مو چبير شويه ومودب زايد واني تدرين خبالاتي خطيه يتبهذل وياي تدرين شلون خليها بلاخطط والكاتبه الله يصير
غلطانه سنفوره انتي منو يشوفچ يحبچ عمي فيصل يفيدج فكري دراستچ منو راح يدفع تكاليفها مو بس هاي انتي لاام تشرف ولابيت ولاانتي من عائله عمي فيصل استاذ جامعي اي وحده تتمناه
اني زغيره على الزواج وفيصل معتبرني مثلي مثلج
حتى لو حاولي تجذبيه الج واخذيه ضمان اعتبريه استثمار خلينا نغير الرهان
شنو قصدج
خلي نتراهن عمي راح يحبج اذا حطيتيه براسچ واتراهن وياج تعيشين اسعد انسانه وياه واتراهن وياج يصير مثل المحبس بايدج لج باسبوعين عشتي عدنا تغير كليا وحجى عن حياته
ماادري خايفه مااريد اخسره بحياتي
مراح تخسريه راح تملكيه
بس دعاء مااريد احد يعرف بهذا الرهان ابد
محد يعرف هذا سرنا للموت واني راح اخليه يفكر بيج
لا انتي لاتتدخلين خليه يحبني لوحده واول خطوه اسويها راح اروح لبيتنا ومااشوفه يومين ونشوف شيصير بس الجائزه شنو هالمره
لج ياجائزه عمي راح تاخذيه كله غني ومعروف وعالم شتريدين بعد
اريده يحبني من صدوك
رجع سيف لاحظ التغيير بعمه وسال دعاء مجاوبته يريد يتزوج
سيف كل يوم يتصل بيه مرات اجاوب ومرات لا وكل حجي وياه احاول ابعد عن العواطف والمشاعر لان ادركت بهذي الفتره سيف مايعني الي اكثر من زميل دراسه وظليت اراقب فيصل شفته اول يوم الصبح يتعمد يتاخر يم السياره وعينه على باب بيتنا منتظر اطلع واسلم عليه مثل قبل ثاني يوم ماتحملت طلعت
ابتسم من شافني شبيه گلبي ميركد بمكانه فضحني
هاي فيء
هاي سنفوره وين رايحه
في شغل رايحه عليه محل ملابس نسائيه
تعالي اوصلچ وياي
#الرهان٧
#زينب _الموسوي
يله صعدت واني اعرف المحل ميفتح من وكت بس اريد اصعد وياه
في سيارتك قديمه كلش وانت شاب متناسبك
اني مااهتم للمظاهر هي سياره
لازم تهتم هذي الشغلات تكمل شخصيتك والبنات يحبون الي عنده سياره خاصة اذا سياره لونها صارخ وبيها سلايد روف  وتفتح الموسيقى عاليه ولابس نظاره اويلي تطلع تگطع سويها وشوف
ليش مبقيتي عدنا اخاف رجل امج يضايقج
شحده غير اخلي الشرطه تصخم وجهه وبعدين هو مو رجلها صديقها
استغفر الله اني لو منج امتحمل دقيقه شلون ام گدام بتها تصادق ولو هذي حياتهم ترى مو قصدي اتجاوز على امج
من سمعت هاي الجمله فكرت اجرب اسوي نفسي زعلت منه
في نزلني هنا الله يخليك
ليش شنو زعلتي مو قصدي اسف والله مجرد راي حجيته اشو انتي من تتشاقين مازعل منج
مو زعلانه بس اني بعد مااتحمل وضع امي ومااعرف وين اروح
سنفوره خلصي اعداديه واطلعي وابني حياتج وادرسي هنا امريكا بلد الفرص انتي اسسي اسمج وذاتج
وصلنا هنا انزل بس المحل مقفول وانت تاخرت عن الدوام خليني هنا وروح
اخليج هنا مستحيل تعالي وياي للجامعه شوفي مكتبي بس لاتقلدين ترى هوسه
دخلت الجامعه ومكتبه كان عباره عن فوضى يمكن مسامع عن شي اسمه ذاكره تخزين بكمبيوتر واخلص من هالابحاث تركني وراح للمحاضرات طلعت اشوفه بالممر
كان يمشي خط مستقيم يمكن هذا انولد عالم ذره
حاولت ارتب المكتب ومن رجع من المحاضرات شاف فرق
في عمرك تركت الدوام وطلعت
لا ولامره اني استاذ ملتزم هاي سوالف طيش
وانت عمرك مجربت الطيش فاتك نص عمرك تعال نترك الدوام ونروح لبارك قريب المناظر بيه تجنن
صدوك تحجين والطلاب الي منتظرين محاضرتي
هاي شبيك اصلا الطلاب تفرح من الاستاذ ميجي كل واحد ياخذ صاحبته ويروحون بزاويه ويشتغل الجذب
منو الي يجذب
الطرفين  معلينا كوم وياي وانزع الستره لخاطر الله رايحين نزهة مو خطابه
طلعنا وصلنا للبارك اترك السياره هنا خلي نمشي
مشينا وكنا ناخذ صور سوا مااعرف ليش كنت وياه لكن وجوده وياي خلاني احس بالفرح
بدت تمطر. ولايتنا صيف شتى تمطر ومرات الجو يتغير بدقايق
احتمينا بمظله حديد منصوبه بالبارك
ارتاحيتي مطرت وراح ننحبس هنا
هو مطر قابل قصف اني جوعانه هناك شجره بيها توت تعال ناكل منها
التوت ممكن يكون سام وهذا المطر كله احماض واملاح
فدوه اروحلك انسى الذره والمعادلات لاتخاف كم مره ماكله منه مصار بيه شي  لاتصير كنتور
شوف راح اكله قبلك انطيته توت مقبل ياكل
ليش متاكل هاي شبيك
كان ياكل بطرف اسنانه وخايف واني اضحك عليه
تلفونه دگ يريدون يعرفون وين راح جاوبهم حسيت نفسي تعبان تركت الدوام
طلعت تجذب واني ماادري بيك
والله ماادري ليش چذبت وشاسوي هنا وياج
هنا حتى تتنفس ترى انت بعدك ساجن روحك عيش شوف وحده صاكه وتزوجها
صاكه انوب شنو
صاكه يعني حلوه تجنن تخبل
يعني مثلج انتي صاكه
والله اني صاكه شكرا

يله نروح على مگدونالز (مطعم ) وجبات سريعه
اكلهم حرام شنسوي
لك عدهم سمك وبطاطا والله انت قديم
اسفه گلت لك ترى لان ميانه واذا تضوج مااكولها
ئي اضوج لاتكوليها
خلص اسفه مااكولها
فريته المدينه كلها ودليته مكانات حلوه من دنرجع دگ تلفوني سيف
مجاوبت ليش مجاوبتي
مو مهم حتى اجاوب
منو اريد اعرف ممكن
سيف يتصل يريد يسولف
سيف رايدج حجالي قبل فتره عنج واني ماعندي مانع
اني عندي مانع مااحبه لسيف وبعد وكت على الزواج اني معتبرته اخويه مامفكره بيه
جوابج كان جاهز لازم مفاتحج بالموضوع
لا ممنطيته مجال لذلك مجاوبت اتصاله
في شخص ثاني
ماادري يمكن
وسيف اذا تقدم راح ترفضيه
في انت مو عمه لسيف وصديقي فهمه انت بدون مااخسره صديق ممكن وشغله ثانيه دعاء تحبه لكن انت خليت شغله الامراض الوراثيه حاجز بينهم انت متاكد من شغله الامراض
بلي متاگد

خطيه دعاء بس حاول تتاكد مره ثانيه
رجعنا ضايقني هو يعرف بسيف يريدني اكيد مراح يفكر بيه بقيت يومين لااطلع اشوفه ولااتصل بدعاءولاارد على اتصالاتها واشوفه يوميه يتاخر ينتظرني مر اسبوع اتصلت دعاء
شدعوه متردين في ناس تسال عليج
لاتكولين سيف ترى مااريده ومستعده هسه اخابره واكله
لا عيني عم سيف الي يسال ويگول سوالفها تونس
الله عليج  بعد شنو كال
سنفوره ترى خيبتي ضني اتصورت عمي ميقاوم هالگد شبيج
لج عمج محترم كلش وحباب والظاهر اني الي وگعت ورحت ومتت وهو على وضعه كنتور
اليوم من يجي تعالي علينا
اوكي بس انتي اشغلي سيف عني اخذيه واطلعي سوي شي اوكي
صار بس تعالي انشوف تاليتها شنو