الرهان

الرهان ٥

#الرهان5
#زينب _الموسوي
اول يوم بيت فيصل باليل يخلصه بالقبو عنده مختبر نزلت للقبو
هاي فَي تحب اساعدك بشغله
روحي نامي ولاتنزلين هنا كلها مواد حارقه
الفضول ميخليني انام عندي اساله الك اتمنى اعرفها تحب الكيمياء ليش صرت عالم ذره
والدي كان عالم ذره معروف الله يرحمه
الله يرحمه يعني انت يتيم مثلي صح اني عندي ام بس لو ماموجوده بحياتي احسن
الام نعمه بس بحالتج نقمه حاولي لاتتاثرين بيها وادعيلها بالهدايه
فَي ادري انت ماطايقني ويمكن معتبرني منحله بس والله اني هذي طبيعتي
لا اعرف انتي طفله وسالت دعاء وسيف عنج عرفت معايشه وضع مستقر باليونان والعراق وامريكا لذلك شويه تتصرفين مرات بعفويه وغرابه
والله الغرابه كلها عندك خلينا نصير اصدقاء اني وياك اقصد اصدقاء المعنى البريء يمكن احتاجك تنصحني توجهني اعتبرني مثل دعاء
ماعندي مانع بس تتحملين الي اكوله. وتمشين عليه
احاول مدام صرنا اصدقاء ممكن اكول شي بدون متزعل
كولي وديري بالج ترى اني عصبي والمواد الي گدامج كلها حارقه
صار النظارات هاي انزعها ماخذه نص وجهك غيرها سوي عمليه واستغني عنها غير الكوت والبس تشيرتات وجينز واويلي اذا تلبس مداليه وياها وتغير گصة شعرك والله ثاني يوم البنات توكف بابكم وبيدها طلبات زواج واعجاب وصداقه
ضحك
صدوك تعرف تضحك اروح اصيح دعاء تشوفك تضحك والنبي الضحكه تجنن عليك دانزع النظارات
بيش مضوجتج النظارات
محلوه هسه غيرها
كافي سنفوره ترى نسيت المعادلات الي كاتبه كلها
وهذي هم خطا بعد محد يكتب على ورقه اخذ تلفون حديث بيه ذاكره وملاحظات وتحفظ بيه صور وتكتب مواعيد تذكرك
مااحب التلفونات الورق متعود عليه
وليش تعب نفسك ياعيني التلفون صار مثل السكرتير الك كلشي تحفظ بيه اسهل واسرع
عندي لاب ومااستخدمه
كول مااعرف استخدمه اساعدك اني 
اسمع كلامي تلفون واخلص وارتاح
بقيت احجي وياه مرات اشوفه يضحك من حجيي ومرات يحبس الضحكه
ردت اصعد انام على الدرج صاح
شنو احسن تلفون موجود وبيه ذاكره
انواع كثير واحسنهم اي فون تريد اروح وياك ونختار وناخذ دعاء
السبت انشالله
تصبح على خير فَي
تصبحين على خير سنفوره
اتعمدت الصبح اگعد اجهز كهوه ومن گعد كان لابس الكوت نفسه
فَي ء شوف شمس ربنا شگدها طالعه
انزع هذا الكوت رحمه على والديك انطينياه
صفطه وخليه على ايدك من تمطر البسه وبعدين عندك مضله وانت من السياره للمكتب هيج شكلك ارتب
اخذ الكهوه واروح اگعد دعاء انت ليش متاكل الصبح
ماعندي وقت
اگعد قبل بوكت وتريگ من باجر لازم تتريگ
لاتطلعون من البيت من اروح
اني اطلع ادور شغل
من طلع حجيت لدعاء التفاصيل بس بعدنا منگدر نعلن النصر النهائي
الي صار بعد يومين من رجع فيصل كانت وياه اكياس ملابس مكنت موجوده عند ماما اخذ اوراقي حتى اشتغل لكن دعاء اتصلت وخبرتني والشي الاهم مخبرها لتگولين السنفوره خليها مفاجاءه
لج عمي عمري ماسمعته يكول كلمة مفاجاءه ويبتسم
دشوفي تاليته اخليه يصير يغني راب
الصبح كنت بيتهم اني ودعاءدنتخترع اكله بحيث كلشي بالثلاجه طلعناه وخليناه على النار باوعنا اثنينه على الدرج نزل فيصل
واو دتشوفين دعاء منو هذا
يمكن عمي
رحنا عليه
هاي شنو فَيء واو ماعرف شكول والنبي زغرت عشر سنين
كافي انتي وياها لاتبالغين
ابالغ شنو والنبي صاك فدوه سلفي ناخذ اخذنا صور وسويت ستوري
تدري شراح اكتب على صورتك
راح تكتبين فَيء اعرف
راح اكتب فيء اعز اصحابي
طلع باوعت من الشباك
عليمن تباوعين سنفوه كسبتي الرهان
تعالي شوفي فيصل من بعيد احلى
شنو احلى هو عمي بس لابس تشيرت وجينز
بس هذا لاحضتيه والنظارات غير والشعر واللحيه ماكو شايفه التحفه القديمه من تزيلين عنها الغبار ويضهر جمالها وشكلها الحقيقي هذا احساسي من شفته اليوم
تلفونج ديدك سيف
ردي عليه اني بالي مو فارغ
اگص ايدي انتي تحبيه لعمي
لاتخرفين الرهان رهان
كانت اخر ليله ويرجع سيف بقى لازم اعرف قصته طلعنا اشترينا موبايل جديد اله كانت ويانادعاء ولاحظت البنات عينهم عليه
لج دعاء البنات تباوع على في ء
ادري وهو مطفي وجه والكاع
اكلك. فيء على كيفك من تمشي ترى اني ودعاء دنركض ومملحگين وباوع ارفع عينك يمكن يعجبك شي بالمول
تقصدين موبايل ثاني
لااقصد زوج تايرات بلكي نشوف ويعجبك شوف هذا المول الحدايق مثلك يجوون هنا على امل يحصلون وحده ترضى بيهم
الحدايق تقصدين العزاب
عفيه العزاب مثلك ارفع عينك بلكي نروح خطابه عن قريب
عيب هذا الحجي وانتي ودعاء بعدكم زغار على هذا الحجي
فيء بعد ماكو زغار البنيه تطلع من بطن امها ترقم الطفل الي بصفها بغرفه الولاده زين
كافي ترى ادري انتي دتتشاقين اعرف مو قصدك انتي تحجين بعفويه
رجعنا على البيت اني ودعاء وهو طلع مااعرف وين راح سوينا عشى ماادري شنو المهم ينوكل
دعاء باجر ابات بيتنا لان سيف حيرجع
تدرين انتي متحبين سيف شوفي تصرفاتج ويه عمي عبالك تعرفيه من سنين ويه سيف حذره كلش
ماادري يمكن بس اليوم الح عليه واعرف شلون اهلكم ماتوا وليش هو منعزل عن الدنيا
براحتج بس هو هاي طبيعته ماعنده قصه
باليل ظلينا گاعدين ودعاء حسيت تتعمد تتركني يمه ادري قصدها تقنعني احبه لان تخاف على سيف راحت نامت بعد احسن
فَيء باجر ماعندك دوام
لا ماعندي ليش    اريد احجيلك قصتي حتى متحكم عليه حكم خطا
بالبدايه حكمت بس من عرفت معلومات قليله من سيف ودعاء عرفت انتي متحبين تتقيدين بعلاقتج ويه الناس تحبين الضحك والاندماج بس بنفس الوقت ماعندج استهتار تعرفين الي شخصيته مثلج معناها شايل الم ويداري
يمكن انت شلون وصلت لامريكا
عمري ماحجيت بهذا الموضوع يسبب لي حزن مااريد اتذكره
احجيلي يمكن استفاد منك فدوه من طفولتك
وبدا يحجي قصته ابد مكانت بالي ولا مرت بخيالي حتى  اسمعوها وياي
والدي عالم ذره عراقي دارس بروسيا وبدا العراق طموحه بامتلاك سلاح نووي بمساعده خبراء اجانب والدي كان من ضمن خمسه علماء عراقيين اختاروهم  للبرنامج اثنين منهم ميفتهمون بالذره لكن الحزب خلاهم يراقبون تحركات بقية العلماء العراق كان بحرب طاحنه مع ايران ويريد يمتلك السلاح باسرع وقت كان والدي والعلماء شبه محتجزين عند الحكومه وعوائلهم كذلك بس. متوفرنا كلشي بعد الدراسات والتكاليف والوقت الي مر صار خلاف بين العلماء قسم اقترح خمس سنين وقسم اقترح سنتين حتى يستطيع العراق تهيئة السلاح ازداد الضغط من الحكومه تريد باشهر انسحبوا العلماء الروس وعالم عراقي استطاع الهرب بقى والدي وعالم ثاني حاولو كل جهدهم يصنعون القنبله مگدروا لجئت الحكومه للعنف ضدهم بدوا بزوجاتهم حبسوهن امي ماتحملت كانت مدللة ماتت بالسجن وراها اخذوا اخوي الكبير وانطوا والدي مجال عشر ايام يطلع بنتائج والدي يعمل ليل ونهار ويعرف الشي مستحيل طلب يقابل الرئيس حتى يفهمه. اجى الجواب الرئيس مشغول بالمعركه عدموا اخوي الكبير امتنع والدي عن الطعام وعن العمل وكلهم اكتلوني بهاي الاثناء انهزموا اخواني اثنينهم حيدر وعلاء خارج العراق بقيت اني واختي سهير فديوم الفجر دخلوا علينا الامن اخذوني اختي كدرت تنهزم من السطح عند الجوارين وبعدين لعمامي بديالى كان عمري عشر سنين دخلوني على والدي مضروب ومجتوف خلوني گدامه بگونيه ومعاي قطه وظلمه القطه من الخوف بدت تهاجمني واني اصرخ حسيت فقدت عقلي واسمع والدي يصرخ حاضر حاضر اتركوه
تركوني وكعت على الارض اخذوني لزنزانه وبقيت ست سنين وسيله ضغط على والدي شفت انواع العذاب والظلم انام ظلمه واصحى ظلمه اكل حشرات من الجوع جلدي بدا يوگع لان مااشوف شمس وساخه وقذاره مكان انام بيه مافي كانوا مرات يسمحولي اشوف والدي ويشوفني وعلمني اشياء عن الذره والدي عرف مراح اطلع منهم ابد طول ماهو محبوس عدهم بيوم من الايام والدي حضر شراب شفته وشربه ورا عشر دقايق وگع ومات كان عمري ١٦سنه بعدها بفتره احتاروا بمصيري بقيت سنه بزنزانه اخير قرروا يطلقون سراحي مكنت اعرف ليش بعدين اكتشفت رادوني وسيله يوصلون بيها لاخواني اخاف واحد منهم يحجي عن الي صار  اخذت سنه كامله احاول اطلع من العراق سالت اقربائي وجيراني لحد حصلت عنوانهم بديت اخطط للهروب من العراق