#الرهان١٣#
#زينب_الموسوي
كان قصدي من تعلم الطبخ والشغل وياه بالمكتب والمختبر ارتفع لمستوى ثقافته وعلمه واخليه يحس اني ماتزوجت لعب وضحك وونسه تزوجته حتى تكون اليه حياه مستقره وعائله ومستقبل
ردت اخليه يحس اني اگدر اتحمل المسووليه وكلمه انتي طفله كانت تسبب اكثر مشاكلنا غيرت بتصرفاتي ولبسي وكلشي يدل اني طالبه اعداديه تخرجت من الاعداديه واصريت ادرس ذره مثله ورحب بالقرار وگلي حتى تساعديني بالعطله كانت على وجهه خيبه امل كن الشركات الي كل يوم يتصلون ويجتمع وياهم وميوصل لنتيجه
بس كولي العلاج عندك جاهز والشركات تريده ليش متبيعه وتاخذ ثمره جهدك وتعبك
الشركات تريدني اغير نسب التركيبه الكيمياىيه بحيث العلاج يكون مجرد يخلي المريض عايش لكن ميشفيه واني علاجي يشفي المريض تماما
وليش الشركات متريد العلاج يشفي
حبيبتي ذولي لوبي مافيا عصابات تملك مستشفيات ومراكز وشركات تامين عايشين على امراض العالم اذا تقدم علاجي وشفه الحالات تعزل شركاتهم وتفلس
والتالي هذا الابحاث صارلك سنين تحضرها
اربع سنين من عمري اطورواكتب واختبر والتالي يريدون يشتروه وهمه يتحكمون بالنسب مستحيل اخلي عندي ولانطيهم العلاج ويبيعون امل كاذب على الناس
لاتضوج حبيبي حاول انت صنعه
سمر هاي تكاليف ملايين مو شويه بس في عروض من خارج امريكا من مصر وكولومبيا يمكن اسافر حتى اشوف اتفاق مناسب
وبقت هاي المفوضات وخيبات الامل تتكرر كل مره لافيصل يقبل يبيع ولا الشركات تقبل بالصيغه
داومت جامعه وفيصل كان من ضمن الاساتذه الي ينطوني محاضرات والاساتذه كلهم اشادوا بذكائي ويعرفون اني مساعدته
شبيج بالمحاضره صافنه عليه مشايفتني قبل
لا بس كل مااشوفك احبك من جديد ومن تشرح اظل صافنه عليك وافكر معقوله هذا زوجي
ئي اصفني وبوقت الامتحان تعال اشرح فيصل
وشصار اذا شرحتلي مااسوا وبعدين الشرح بالبيت دتاخذ حقه نسيت لو لا
دشوفي منو يشرحلج بعد
في يوم عطله كانت دعاء كاعده من الصبح اني عاده اگعد قبلهم حتى اطبخ
شعندج اليوم من الصبح
لان مااشوفج لاانتي ولاعمي وعندي موضوع مهم وياج
احجي شكو في شاب بالكليه وياي ويريد يتقدملي
لج تعرفين شاب ومتگلولين شكد صار تعرفيه
والله مصار هواي من البدايه گال اريد اخطبج وسال وعرف عمي منو
بشري جهرته شلونه
شايل روحه بس مو عراقي
اوبس شنو لعد
من لبنان احجي ويه عمي وهذي اسمه واسم عائلته وبيتهم خلي يسال حتى نرد الجواب
اوكي اگله بس يكعد وانتي سووي نفسج مستحيه وروحي لغرفتج
حجيت ويه فيصل كال اذا تريده اسال عليه وماعندي مانع
بعدها سالنا وصارت خطوبتها على ولد اسمه بلال وسيف حضر الخطوبه ورجعت علاقته بعمه ودعاء لكن اني بقيت حذره وياه
قربت السنه الدراسيه تخلص كان فيصل بالمحاضره واني بالمختبر احضر مواد ودخل ادم
هاسمر لوحدج وين فيصل
محاضره ويجي
صرتي استاذه بالكيمياء وفيصل يكول تعرفين حتى التركيبه للعلاج الي اكتشفه
لامااعرف كله قسم من المعادلات
بس تگدرين تدخلين على الاكوانت لفيصل وتطلعين المعلومات كامله
ممجربه بس اعرف ارقام وحسابات ليش
يكولون الزوجات الشابات الهم تاثير على ازواجهم صح لو اني غلطان
اكيد الزوجه الها تاثير سواء شابه او لا
زين اثري عليه خليه يبيع ويستفاد ويفيدنا
انتم منو الي فيدكم
شركات الادويه اني ممثل عنها والي نسبه اذا قنعته وانتي الج نسبه سمر هذا اكتشاف خطير ومهم الشركات اذا راح منها العلاج وفيصل لكه احد يصنعه يصفونه لفيصل قبل لايبيع احسن يبيع ياخذ الفلوس ويتمتع باجازه طويله مع زوجه شابه مثلج والشركات تتصرف بالعلاج فكري
دخل فيصل
هلو ادم
كنت مبهوره بالي سمعته شركات ادويه تتحول الى مافيا وممكن تقتل شخص لان توصل لعلاج طلع ادم اريد اخذ انفاسي مااكدر
شنو كال ادم ليكون حجيتي على التركيبه او شي ثاني
لا مكلت شي
ليش خايفه لعد ومرتبكه
ماكو شي فيصل واني مو طفله حتى كل شويه توصيني
لا انتي طفله زين والارتباك دليل خوف من شنو
ماكو شي اريد اروح اطلع توصلني لولا
عندج سياره روحي بيها
فيصل انت وعدتني اليوم نروح للدكتوره على الاطفال
مفارغ اليوم
ولاعمرك راح تفرغ كافي مكابل الذرات عمرك ضاع باكتشافات محد يريده عوفها فيصل اذا مابعت راح يكتلوك عوف الناس تموت وبيع الاختراع لخاطر الله
شبيج سمر شنو هذا الحجي احنا بامريكا في دوله وقانون
وفي عصابات وقتله ماجورين ومافيات ولاتنسى انت عربي يطلعوك ارهابي وكنت تصنع متفجرات
منو گال هذا الحجي ادم
بلي وصاني اقنعك تبيع
تعالي انتي منهاره اعصابج تعالي نروح للبيت ونتفاهم
بالبيت فهمت كل الي گاله ادم
فيصل كان معزول عن العالم وماعنده اصدقاء مخصص وقته للاكتشافات وساعد بتطوير كثير من العلاجات الكيميائيه وهذا العلاج الاخير كان طفره بعالم الذره والطب مافي شخص سمع بيه الا انبهر بنتائجه
لكن فيصل انصدم بحقيقه هذي الشركات كان متصور ياخذون العلاج ويصنعوه وينزلوه للاسواق
مكان يفكر بالماده بقدر الهدف الانساني من ورا هذا العلاج ولو الماده هامته كان باعه واخذ الفلوس وترك الشركات تتصرف بالتركيبه
صارت فكره السفر لمصر حتى يتفاوض مع شركات
فيء من تروح لمصر لاتصير عصبي بالمفاوضات اذا نفس العروض اتركهم وارجع
حاس بخيبة امل كل جهدي ضاع مافي مرض بدون علاج ربنا بالايه وضح وعلم الانسان مالم يعلم هذا مو اختراعي الله انطاني القدره اكتشف وتالي انصدم بشركات عايشه على ماسي الناس والله ماهمني الفلوس لكن الناس الي تموت ليش وفي علاج
ميخالف حبيبي انشاالله الوضع عند الدول العربيه يختلف بس هناك بمصر مو تطلع عينك وتروح تلفولي على وحده مثل غاده عبدالرازق وامثالها
والله بطرانه هو اني اعرفها منو غاده هذي
حبيبي مو المهم تعرفها اصلا اي وحده تباوعلك لاتنطيها وجه زين
روحي ويايه مااعرف بدونج
تعرف امتحاناتي النهائيه والله اني هم مااكدر افاركك
سافر فيصل لمصر وكلنا امل
