الرهان

الرهان 12

اذا ترتاح بروحتي اروح هسه على الاقل تنام بسريرك
روحي واذا سالتج دعاء گولي مريضه مااريد سيف يعرف
ماتحملت اسمع كلمه روحي حبست الدموع عفت الفراش
بدلت وطلعت لبيت امي بدون مااشوف دعاء اوسيف اول مادخلت امي رادت تعرف شصار حجيتلها لان اريد ابجي بحضنها مااريد اخسر فيصل احبه
مااتصور حياتي راح تبقى مثل ماهيه بدونه
اعرف الي سويته خطا وسيف نقل المعلومه بخبث وحقاره وخلاه يشك بحقيقه مشاعري اله واتصور اني ردته حتى الكه بيت ورجال يصرف عليه
فيصل طول الشهر الي تزوجنا يوميه يكلي اني اول مره اعرف الحب  ومعناه ولمن اگله احبك يگلي عيديها مره ثانيه خليني اصدگ اني مو بحلم
بعد هذا كله اكيد صعبه عليه اول حب بحياته تطلع متراهنه عليه وحتى لو اصدقائي مكانوا يعرفون هسه عرفوا
العصر خابرت دعاء
وين رحتي ليش عفتيه
ماعفته بس يراد وقت حتى يسامحني وين هو مشفته طلع مكابله الشباك
ولا حتى طلع من غرفته حتى الكهوه مشرب سيف شافج الصبح طلعتي وگلي عمي طرد سمر
خلي ينجب محد طردني
سيف راح يولي يرجع للولايه وحس على نفسه ومتاثر على عمه
لج جذاب لاتصدكيه وترجعين تحبيه
لا حبي لاتخافين عرفته على حقيقته
مرت تلث ايام سافر سيف وكنت مكابله الشباك مااشوفه ابد يطلع ودعاء تكول ينزل للمختبر ويدخل لغرفته وميحجي هواي
مسال عليه       لا مسال
وتالي دعاء شلون لج راح اموت اريد ارجع واخاف هم ينام علىً الكرسي لو بالمختبر
فد شويه احجي وياه واردلج الجواب
حجت وياه دعاء گالها موضوع بيني وبينها لاتتدخلين بيه
كانت عطله وفتره اعياد وتقريبا هذي احلى فتره بالسنه كلها بامريكا والناس تشتري هدايا لبعض الكل يهدي للكل حتى الي مربي كلب هم يجيبله هديه واحنا هم تعودنا نشتري هدايا
راح تخلص العطله وهو كان مواعدني ياخذني برى الولايه وحتى دعاء هم كال ناخذها ويانا
صار عشرايام اتصلت بيه مارد عليه بعدها بيوم شفته هو ودعاء طالعين ودعاء اتصلت بيه من المحلات
دنشتري هدايا وعمو كلي ابقي هنا اشتري هديه وارجع راقبته شفته دخل محل صاغه اكيد ديشتري هديه
الج
عزا لج اخاف ديشتري هديه لوحده ثانيه لو راح يتزوج عليه
شنو هالخرابيط هو طالع ماشي حتى يعرف وحده ثانيه
اكلج دعاء باعي اني بعد مااتحمل صبر مابقى عندي اليوم باليل من اخابرج افتحي الباب وانزل للمختبر احجي وياه
ئي عفيه عليج تعالي والله هو لو مايحبج ليش ضايج وبالكوه ياكل
البسي فد شي حلو من تجيين
هو اول خلي يسامحني وبسيطه البس شي سهل ينزع بس خلي يباوع بخلقتي
طلبت من ماما تعلمني اسوي اي اكله سهله وسريعه وماما شاطره بالطبخ وكل اليونانين يطبخون واكلهم قريب من اكلنا علمتني وكملت وظليت انتظر تلفون دعاء لحد اتصلت كالت تعالي عمي بالمختبر رحت سريع
عمي جوى واني رايحه لغرفتي صيري شاطره مو اول ميكلج روحي ترحين
يعني احتمال يطردني ها  ولج خايفه والله
نزلت على الدرج كان البايات خشب وتطكطك من احد ينزل عليها
انتبه اني نازله (ياربي مايدير وجهه ) ظل يباوعني
هاي فيء شلونك داتعلم طبخ وردتك تجرب طبخي
بعد لاتكولين فيء اسمي فيصل واذا معاجبج محد جابرج
لا عاجبني بس احب فيء
اني مااحبه اني مو طفل وتضحكين عليه
على راحتك اكول فيصل مثل متريد
شلون دخلتي هنا
دعاء اتصلت عليه وفتحتلي
ماشاالله بعدج انتي وياها تتفقن وتنفذن وهالمره الرهان على شنو
ماكو رهان اشتاقيتلك وردت اشوفك بس الظاهر بعدك مناسي اروح الله وياك
راح تطلعين هيج هذا فستان ينطلع بيه
لانزعت الجاكيت بالصاله البسه قبل لااطلع
ليش جيتي وليش تريدين تروحين
عبالي هديت وراح تفرح من تشوفني كافي فيصل تعبت والله اذا انت تتحمل فراك اني مااتحمل شنو الي صار صديقات اثنين بيناتهم حجوا حجايه وصارت حب وزواج وين الجريمه بالموضوع
ليش تبجين حتى مااحاسبج
يمعود حاسب وخلصني لاتعوفني هيج سامحت سيف وهو اساس المشكله وسامحت دعاء وهي اشتركت وياي واني طردتني
سحبني من اديه وكعدنا سوا تعرفين ليش ماسامحتج
لا ليش
لان انتي زوجتي حبيبتي وكنت اتصورت تحبيني وفجاءه يوكفون جهال گدامي واعرف منهم كنتي تمثلين الحب عليه والكل يدري واني لا
والله مامثلت والدليل اني الي ماتحملت بعدك واجيت وانت مسالت
وحتى مافكرت اعياد ولازم نكون سوا
ظل ساكت محجى شي بعدين راح على ابحاثه وگلي تعالي ساعديني
تعال اول اكل دعاء تكول متاكل
رجع گعد يمي واكل وكنت اباوعله ابد ميباوعني بقينا نشتغل مااعرف ناسي اني مرته ممشتاقلي يمكن عباله عاجبني الحبسه بالمختبر
سمر انسخي كل شي مرتين وخليهم برموز سريه مختلفه
صار راح اسويه ليش بطلت تكول سنفوره
سمر احسن مناسب اكثر سنفوره هذا اسم اطفال
على راحتك الي يعجبك سويه
من نشتغل لا تشغليني باسئله مالها داعي
فيء بعد مااتحمل تريد تضوجني اعرف حتى بوجهي متباوع كولي روحي وفضني
اعصابج يابه بس انتي متتحملين والناس شنو حجر
اعتذرت گتلك اسفه موقصدي شطلعت
راح اروح وارجع باجر
المن ترجعين
حتى اشتغل وياك بالمختبر والناس برا تحتفل وكل واحد ويه حبيبته واني رجلي شامرني صار ١١يوم
كافي  تبجين صعدي فوك لغرفتج وهسه اجي يمج
هاي اني يمك مشتاقيتلي متريد تحضني
لج كافي الدنيا ليل وصوتج عالي
هاي اني صوتي عالي ليش اخذتني
كافي لج
حضني حيل انهاريت اكثر بالبجي
كافي مااگدر اشوفج تبجين خلص سامحتج
عابتلك شكد صاير مكروه ومتنجرع
الفستان  حلو الي لابسته
الفستان حلو لو اني
شايفه نفسج بس حقج حلوه هي گوه
لعد اذا حلوه وعاجبتك ليش حابسني هنا والحلا كله الك وملكك
حبيت ادلل ميصير
ادلل بس مو هيج فيء والله احبك وماتحمل تتركني
اني هم احبج وماتحمل بدونج بطلي كلمه فيء
لا حلوه خليني اكولها بيني وبينك بس
رحنا على غرفتنا وفزيت متاخره
اسمع دعاء تتعمد تسووي صوت حتى تعرف تصالحنا لو لا كمت دااطلع احجي وياها
وين رايحه
اكول لدعاء تصالحنا
كافي موامرات انتي ودعاء راح تخبلوني
ماكو مؤامرات بس انطيها العناوين الرئيسيه بدون تفاصيل
اخذي هديتج من الجاكيت
ادري مشتريلي هديه دعاء گالتلي
اويلي عليج وعلى دعاء
طلعت كتلها تصالحنا ودخلت للمطبخ سويت ريوك وقررت اتعلم طبخ واخذت دعاء وياي كل يوم عطله عصر ساعه في مراكز تعلم وفيصل يدفع
رجعنا لدوام وصار الجهد عليه اكثر ارجع ب٢الضهر من المدرسه ساعه اربعه ياخذني فيصل وياه للمكتب تجارب ونسخ ومعلومات ارجع للبيت وياه وبالعطل اروح لمطاعم تنطي دروس طبخ