Isa, dalawa, tatlo
Ako'y tuluyan ng naguluhan
Pero pilit paring itatago
Ang tunay na nararamdaman
Kahit ang bawat araw ay tukso
Na pinipilit akong mapalapit sayo
Kahit nais ng kumawala ng aking nararamdaman
Na tanging ako lang ang nakakaalam
Apat, lima, anim
Sa pagsapit ng dilim
Ako ay manghihinayang
Sa bawat pagkakataong nasayang
Dahil sa aking kaduwagan
Na baka ako ay ipagtabuyan
Kapag iyong nalaman
Ang tinatagong katotohanan
Pito, walo, siyam
Sana wala ka pang alam
Sana'y hindi mo pa nahahalata
Dahil hindi pa ako handa
Sa posibleng kahahantungan
Pagkatapos kong aminin
Baka tuluyan na akong layuan
At hindi mo na pansinin
Sampu, umabot na ang bilang dito
At akin na ring napagtanto
Na baka ito na ang tamang oras
Para tuluyan na itong ilabas
Buong tapang sasabihin sayo
Ang tunay na nararamdaman ko
At ang kaligayahang hatid mo
Sa puso kong ito
Ang takot ay aking babalewalain
Kakalimutan ang pagaalinlangan
Handa ko ng tatanggapin
Kahit ako'y baka hanggang kaibigan lang
YOU ARE READING
Spoken Poetry (Tagalog)
PoetryTula para sa mga taong lumuha, tula para sa mga mugtong mata na sa pagiyak ay pagod na, at tula para sa nakaraang nais limutin na. Tula para sa tunay na pagibig, tula para sa mga salitang di masabi ng bibig, at tula para sa mga taong umaasang baka b...
