غريبة على قلبي

السادس عشر

صباخ الخير

كرار انصدم من سمع  روز زوجته الحيدر
اما مؤيد ظل يضحك بأستهزاء
هههه
حيدر
انتوا هاي اخر مره اشوفكم هنا وما اريد ادخلون المظيف لو تعتبون عتبه الدار حتى لو كالولكم بيتنا احترك افتهمتوا بصياح
وعيونه جمر
مؤيد
ولك انت ﻻ ترحم وﻻ تخلي رحمه الله تنزل اللبنيه معلكه ﻻ هي مريتك وﻻ تعوفه تصير مريت غيرك عوفه خليه تشوف حياته حاطه بس تخدم بيك وبمرتك حرام الدسوي بيه بصياح

كرار عيونه شاطت راح لزم مؤيد من ياخته كله
شتقصد ولك احجي
مؤيد
لا عبالك هو هسه يهددنه بسﻻحه ميت عليه ٠٠٠
ﻻ هو زواجه على الورق هيج كدام الناس وجايبه
المسكينه بس للكراب
كرار متحمل اندار على حيدر
هذا صدك اليحجي
حيدر بعد متحمل لهنا وبس كله المؤيد
اني هوايه سكتت الخاطر خالي بس هليوم ﻻزم امددلي واحد بلجادر ورمه مؤيد بجتفه وكع بلكاع واندار على كرار
كله
ها عرفت جواب لسؤالك ماعندي غير هذا الجواب الي يدنه الشرف حيدر هذا يكون مصيرة واني اليوم رميته بجتفه باجر بكلبه واعتبره جلب من الجﻻب الضاله بلشوارع
كرار
اكراما للميت راح اطلع بدون مشاكل لعبالك خوفا منك ﻻ
وحجي مؤيد مو غلط واني اءيده واﻻ اعرف قصته
حيدر اطلع بصياح
خزر كرار عليه وطلع ومؤيد شالوا ودوا جوه والنسوان تصرخ
وامه تلطم على وجهة
وحيدر راح عليهم وصاح اششششش ما اريد جنس مخلوق يصرخ جلب وطكيته جيبوله مضمد وخلي ينطمر
حيدر عيونه متتفسر صدك مال مسودن دور بعيونه على روز
شافه بنص النسوان وﻻ جان السالفه يمه مصدومه من الوضع وعيونه بس تسال اصاير
جرهة حيدر من ايدهة وكعت بلكاع كامت على حيله ورد سحبه
النسوان تصرخ بس ﻻ يذبحه
ايه حيل بيه ام الرجوله سعديه تبتسم فاطمه وامه والجهال يصيحون عوفه
اﻻم
وليدي خلي نفتهم اشصاير
حسين واحمد
بقوا واكفين ميكدرون يكولوله ﻻ **يعرفوا الاخوهم من يتعصب يصير غير بشر
روز تبجي وتباوع بلوجوه ومتعرف شل السالفه
جرهة حيدر وداهة للغرفه وشمرهة بلكاع وسد الباب
كلله وعيونه شايطه تخوف
تعاي كوليلي ﻻ تجذبين ترى وروح ابويه البعده ترابه منكع
اذا حسيت جذبتي هسه ادفنج وانتي عايشه وﻻ جنس مخلوق يعرف وين مكانج
روز بخوف ورجفه ليش شمسويه اني تبجي وبحركه
حيدر.
لترادديني هي حجايتين وجوابيني عليهن
انتي شعندج ويه كرار
روز بتعجب
ياكرار عزة(كامت تلطم وتعزي مثل العربيات تعلمت من الفاتحه)
لج لتخبليني (صرخ هلمره بقوه)
روز
ماعرفه هاي اول مره اسمع باسمه والله احلفلك بروح اهلي مااعرفه واني ملتهيه بلشغل وين شفته الهذا كرار بعدين انته يوميه تاهمني بواحد مره مؤيد مره كرار اشبيك انت مريض مخبل شبيك بصياح(روز غلطت هي متعرفه من يصير اعصاب ﻻزم تهدي وهي عصبته بلازيد)
حيدر متحمل
ولج ترادديني اني صوجي انطيتج عين صوجي انتي هم مره شتختلفين عن النسوان ومكرهم لو ربج وحد يجوز اطلعين مو بنيه وهم وكعتي براس ابو كرون مو اني شديت كرون وراح اطلع بلشارع
روز
متفهم شنو قصده بس شافته تهجم عليه مثل اﻻسد الي يتهجم على فريسته
منطاهه فرصه ٠٠٠  صارت ٠٠مخبله بس ادك على وجهة
بسكوت
حيدر طلع وهو هادئ تماما بعد ما قغل الباب عليه شاف الكل واكف بلباب ومنتضر النهايه الهذا اليوم المرعب
حيدر صاح
فاطمه روز مسؤليتج ما اربده تطلع من باب الغرفه لحد ما اسويله جاره افتهمتي
فاطمه برجفه
اي خويه صار
ايه السعدبه
ولج اشصار جوه
سعديه ما ادري مدا اسمع ﻻ صوت بجي وﻻ صراخ
ايه
اي هابه ام الرجوله يجوز قشمرته بكلمتين وبجيتين جا مثل حظي الاغبر
سعدبه انتي صوجج ما تعرفين اتقشمري
ميفيد وياه كل الدروب عارفهن مصيبه مو رجال
ولج انتي مو مره خلينني اعلمج
اما حيدر
فطب للجادر شربله جكارتين وتهده شويه وبعدين رجعله عقله
وكال اني اسويت شنوا ذنبه اعامله مثل الحيوانه اني حيوان وما استاهله مثل ميكولون بس ﻻ لو ممنطيتهم وجه جان سووا الي سووا

   مكدر ينساهه لليل وظل يدخن وياكل بروحه لو مو عزت نفسه جان راح واعتذر ونيمهه الليله بحظنه
طب للحمام وسبح وصبوله العشه وتعشه
وكال
فاطمه روز اتعشت
فاطمه
ﻻ مترضه تتعشه
باوع على عيون فاطمه شافهة عرفت بلي سواه دنك وكال
احد غيرج دره
فاطمه
هاا خويه ﻻ
خوش روحي كوليله خل تتعشه ترى يجيج مثل الصبح مسودن وما اعرف هلمره شيسوي بيج افتهمتي
اي خويه وراحت تركض الغرفته
وبعد ساعه شرب جاي
وراح الغرفه روز وايه تباوع وتاكل باظافره وتكول شوفي سعديه دشوفي وﻻ جن اني مرته بس هاي ام الرجوله
حيدر طب للغرفه شاف روز امبدله مﻻبسه وكاعده بلكاع وحاطه راسه برجليناته وشعرهة بعد امبلل ودترجف من الخوف بعد ما شافته
كعد على الجربايه وباوع عليه وفتح باكيت الجكاير وشعله وحده وكام يدخن
وهي تباوع عليه تخاف منه وهيه تتذكر الي صار ٠٠٠٠

يباوع على رجله العريانه رجعت لمتهن مرت الوخ
هو خزر عليه
هي خافت من نظراته دنكت(حيدر وخر عيونك مو كامت تخاف منك البنيه)
ذب الجكاره بلنفاظه الي يمه وصاحه تعاي اكعدي هنا (اشر بصفه على الجربايه)
هزت جتفهه
هو
تجين لووو
هي رجعت تهز جتفه ﻻ
هو
مو داكولج تعاييييي
جتي بخوف وكعدت بصفه كمش الخاولي الي جان على الجربايه وهو ينشف شعرهه
وللقصه بقيه

تصويت