غريبة على قلبي

الثالث عشر

صباح الخير

جان حيدر  منسجم ويه روز ﻻول مره يحس بانجذاب٠٠٠ ومتحمس  يجرب هاي الشفايف
حيدر
احتركوا اهلج
روز
يبووو  على هاي المصيبه
وجان
تصيح روز
حيدر هذا جلب جاي بلمضيف منين اجه اني اخاف وركضت وره حيدر ولزمته من وره  حاضنته من الخوف
حيدر
ولج هذا احنه مربي لتخافين ميعظ
بس الجلب كام يصيح على روز
حيدررر  (برجفه اني اخاف)
اشتعلوا اهل حيدر انتي راح اتخبليني (لفه من وره بايده وصارت بيديه اووو
وهي متدري تخلص من حيدر لو من الجلب
وكوه دفعت نفسه منه
حيدر اني معليه اذا فكيتج وركض وراج وعضج
روز
ﻻ عفيه حيدر هسه يشوفونه
خلي يشوفونه ممسوين غلط انتي مرتي
انهزمت منه
حيدر
ولج انتي مخبله اني اعوفج مخبل اني؟؟  شو هليوم اﻻ اعرس
روز خافت من اصراره باين من عينه
روز
ها احجي مال افك ياخه كطنه وخريه من اذنج
روز
يعني شنو
هههه يعني ما اعوفج
روز
زين راح اروح الغرفتي وانت تعال ورايه
حيدر
باوع بعيونه البريئه وهو يحاول يصدكه بس مجبور المضيف مو مكان يكضي ليلته وياهة
خوش راح احاول اصدكج بس اذا طلعتي تلعبين عليه راح متلومين اﻻ روحج

راحت  الغرفته  (هم حضروا الروز غرفه بعيده عن غرفه ايه اله والحيدر واعتبروه زوجته الثانيه بس روز)
راحت الغرفت فاطمه وقفلت الباب وراهة
ومن اجه حيدر دور بغرفته ملكاهة
روز اني الج بسيطه يصير خير وراح الغرفه ايه وشافهة نايمه وفاكه حلكه ٠٠٠
حيدر وهو يتخيل روز وشكله ميكدر يوخر صورتهه من باله
واتمنى لو هيه ابمكان ايه
حيدر
قابل وين ترحين مو هليله باجر
ظل يتكلب ساعات بعد  وشربله باكيت جكاير وايه هي وﻻ هنا بسابع نومه
صارت الساعه عشرة الصبح واندك الباب
ايه تثاوب
روز اني
ايه بخبث اوكفي خلي البس مﻻبسي
طبعت حمرتهه على خده الحيدر٠٠
و على وجه وصدره وكامت فتحت الباب
غز حيدر من حركتهه
شاف بطرف عينه
روز وهي بدشداشه اويلييي تكتل عليهه جنه كمر يضوي وفاتحه شعرة على طوله (طبعا كله شغل فاطمه)
وحاطه حمره مورونيه بارزه شفتهه٠٠٠ وشايله الصينيه مال الريوك
ايه ماتت من الغيرة بعد ما شافت حيدر يريد ياكوله اكل بعيونه
روز
هذا كيمر وعسل وبيض حضرته بيديه بعد مشتهين شي ﻻخ
حيدر وهو يشاورهة وهي مدنكه اتنزل الصينيه
اشتعلوا اهلج هنوب جايبتلي ريوك مال اتريك بيج انتي كيمر والعسل
روز.
ههه
ايه هاي شكو اتضحكين يله ذبي الصينيه وطلعي بره
طلعت روز
حيدر
اشبيج وياهة موزين امسويتلج ريوك
ايه بخبث
ﻻ حبيبي مو احنه عرسان وما اريد تدخل عليه بغرفتي اخاف اتسوي شي
يله هسه انطيني بوسه قبل ما اتريك٠٠٠٠
مشعر بلي شعره ويه روز هي اخذته الى عالم اخر ملمسه عطره عيونه٠٠٠٠
كام بسرعه واتريك
وراح يسبح ويحضر روحه اﻻصدقائه والاهله راح يجون يباركون
ايه قبل لتروح كول الامك والروز هليوم راح يجون اهلي خلي يحضرون غده زين ليفشلونه
حيدر
شو امك ماكو عمتي
يله حبي بعدني مماخذه عليهم شويه شويه
حيدر
يله ترى روز هم تعتبر عروس وهي من الصبح بلمطبخ انتي هم شدي حيلج حبيبتي وروحي وياهم
ايه على مضض
ايههه ميخالف راح احاول( اتسوين نفسج شاطره من اول يوم تردين يكولون عليه موخوش جنه اني اعلمج)
وراحت للمطبخ لكت روز تغسل بلمواعين ومشغوله
جتي سعديه مناك
امبارك عليج يمه صدقه ال الله اشلون عروس اتخبل
اشكرج حبي
سعديه
اكولج روز عدنه هدوم مالاتي ومال بيت عمي توسخن مال يومين ملتهين بلعرس ومكدرنه نغسلهن فدوه بلكت تغسليهن
روز
اي صار هسه اشغل الغساله واترسه مي وتايت واغسلهن بس بعد ما اكمل البيدي
سعديه
ﻻﻻ لتشغلين الغساله جهالي نايمين ومصدكت ناموا غسليهن بيدج
روز
ميخالف بعيوني
ﻻ ما اريد بعيونج بيدج
ايه
هههههاخاف يطب بيهن تايت
سعديه
ههههه
فاطمه هاي شكو شو متجمعات اثنيناتجن خير
سعديه هيج انسولفلي على ليله البارحه هي وحيدر
روز تباوع الفاطمه ومتعجبه ليش فاطمه تنظرلهة بهاي النظره
وراحت عليه فاطمه بعد ما طلعن
هاي شنو انتي منيش مخلوقه متغارين على رجلج
روز
هي ﻻزم تغار مو اني
ولويش عيني
ﻻن اني اخذت حبدر منه مو هي
ههههه هاي الج بيه حق بس والله لو اني بجمالج وعندي ضره لاسوي الهوايل
يله اني قابله بقسمتي
ولج انتي مخبله لج سحبي الحيدر
هو يحبه صار اسنبن مو سهله تطلع من كلبه
ولج اخويه واحد اعمى ميشوفه على حقيقته واني اخاف لتسويلج مشكله
لتخافين اني عندي الله ويايه
وظلت ايه وسعديه يحاولن ينهكوه ويتعبوه الروز بشغل البيت علمود تزهك وتشتكي
بس ﻻ هي قويه وصابره كله ﻻجل عين حيدر هي بدت اتحبه اكثر يوم على يوم اما فاطمه تحاول وياهم مبغيد عكارب ويكرصن من جوه جوه
اما امل فتحاول تساعد روز بس هن ميخلنه
وحيدر معليه بشغل النسوان يخاف يحجي لتروح تزعل سلطانه ايه بس جان منتضرهة شوكت تنتهي دورته وهي بوميه تتحجج بحجه لحد يوم السبعه

يتبع
ا