غريبة على قلبي

الثالث

قصه لذكرى المندلاوي
غريب على قلبي

ام حيدر
زين ابو احمد انت تعرف شي عله البنيه خاف متزوجه مخطوبه وزلمته ذاك الوكت يوكفنه ويداعي بيهه
زين اهله عمامه خواله ماعدهة كولش احد
ابو احمد
التفت عله حيدر
وليدي انت مو كلت اهله كولهم انجتلوا بلحرب النقيب مالكم موسائل عليه يكول ماعدهة احد احجي وليدي خلي نعرف
حيدر صفن شويه وكال
يابه والله احنه كولشي منعرف عنه بعدين هي تحجي كوردي
ابو احمد
جا شلون بويه غير نوكف علة بينه بنيه وبعده حديثه ما تعرف
عنه شي ﻻ اهل ﻻ كرابه بله شوفونه اهنا احد بلمنطقه يعرف لغته حنه نفتهم احنه وين رايحين
هنا كمزت فاطمه من يمه
اي يابه اني اعرف بيت اهل صديقتي شيرين هذوله الي يسموهم بيت ابو قحطان همه يعرفون كوردي
اﻻب اي خوش روحي انتي واخوج خلي يوصلج ليهم حته تجيبهة وياج وتقبل تحاجيه ونفتهم
اﻻم
اي يمه دكومي لبسي عبانج وروحي ويه اخوج ليصير المغرب
راحت فاطمه واخوهة حسين بلسياره الى بيت ابو قحطان
وكالت الشيرين علة القصه وقبلت تجي وياهة وفعﻻ صعدت
وبعد ربع ساعه وصلت ﻻهل ابو احمد
سلمت علة اﻻهل وهي مستحيه شافت الكل كاعد وهي جانت
معجبه بحيدر دائما ادكول الفاطمه ولج هذا اخوج ميقبل يتزوجني تضحك فاطمه عليه واتكول ولج هذا خاطب ويحب
خطيبته كولش
المهم
كالت ام احمد
تعاي ابنيتي لتستحين اكوعدي هنا واشرتلهة على مكان قريب
من حيدر
فاطمه ضحكت وهي ابتسمت
راحت سعديه وجابت روز من الغرفه
وجتي وكعدت بصف شيرين وسلمت عليه شيرين بلكردي
اتفاجئت روز وباسته وكامت تحاجيه وشيرين تاخذ وتنطي وياهة بلحجي والكل يسمع ومفاهم شي
ضحك ابو احمد
ها بنيتي شفتهمتي منه
شيرين
عمو البنيه ﻻ مزوجه وﻻ مخطوبه واهله كولهم انكتلوا بلقصف
وهي هسه ما عدهة احد غير الله وانتوا
ابو احمد
ونعم ب الله بنيتي كوليله احنه راح نبقيه اهنا يمنه لحد منﻻكي احد من عشيرته وياخذهة وياه بس علة شرط ﻻزم  (نعقد عقد سيد)علة واحد من ولدنه حته نخلص وتخلص
من حجي الناس اي بنيتي الشيطان يوسوس والناس الهة الظاهر وهي حديثه(شابه)وتريد الستر واحنه همات انحب انحافظ علة سمعته مندري شكد راح تبقه ونسوان ولدنه يخافون علة رياجيلهم واخاف انصير بيناتهم حجي ويعادنه وما اريدهة تنظلم واظلمه ويايه اي بنيتي كوليله
شيرين اتفاجئت بكﻻم ابو احمد يعني شنوا راح يزوجوهة الواحد من الولد منو هو
شيرين اي عموابو احمد
راح افهمهة
وفعﻻ بدت تحاجيهة والكل يباوع علة روز وهي عينه عله حلك شيرين كاعدة تستمع الهة الكﻻم الي كاله ابو احمد وبعدهة الكل انصدم من كامت روز من مكانه وهي تصرخ (نه نه نه)يعني ﻻﻻﻻ
ابو احمد ها بنيتي شبيه
شيرين عموا ادكول اني ماقبل اتزوج
ابو احمد قنعيه بنتي ما عدهة غير حل
شيرين كالتله وظلت ساعه تحاجيهة واتقنعه انوا اهنا يخافون عليه وهي ابنيه واخاف يطمعون بيه وهي حلوه واهنا العالم تحجي علة الشرف واخاف تنظلم بهل الحجي خلي تحافظ علة روحه وتقبل لحد متشوف اهله وساعته الي تر يده تسويه تريد تبقى تريد تطلك وتروح بكيفه
اهنا اقتنعت اشويه و هزت براسه بلموافقه بس شرطت انو الي ياخذهة ميمد ايده عليه وﻻ يوصلله
شيرين خرررب ابليسج هاي شلون اكوله استحي(ويه روحه)
وفضلت متكوللهم عله شرطهة هذا
شيرين
عمو ابو احمد ادكول اني اسمي روز واني مسلمه
وهي قابله علة هذا اﻻقتراح بس ادكول اذا لكيتوا احد من اهلي كولولي حته اروح وياه
سعديه
هو ياهو رايد تبقين والله زين هم عايزة تشرط علينه الكرديه
هاي
ابو احمد خزر بيه وبحسين ابنه يعني سكت مرتك كلله كومي سوينه جاي
كامت للمطبخ وهي ادردم ويه روحه
ومكدر ابو احمد بقيه يمه بليل بدون عقد سبد دز احمد وحسين على السيد الي بلمنطقه وجابوه
حيدر.يابه اشلون بايه شكولله مو اخاف تفهمني غلط
ابو احمد وليدي انت منسوي شي غلط والله حلل اربعه وهاي عرض ابنيه وانت راح اتصونه من عين الذيابه وحجي الناس يله وليدي وافق واتوكل يالله واتوكل علة الله وايه خطيبتك عود اني اقنعه معليك بيه
وفعﻻ راحت فاطمه حمت الحمام الروز وحظرتلهة دشداشه ورديه من ماﻻته لحد ما يشتروله باجر
بس جانت الدشداشه اتكتل عليه وسرحت شعرهة ورادت اتمكيجه مقبلت وبجت روز واتذكرت اهله عافته فاطمه وكالت
بس هذا يوم عرسج
مفتهمت روز بس اشرت بﻻ وعيونه تتوسل
هي جانت من الله امكيجه العيون مكحله  والخدود والشفايف ورديات سبحان الخالق كانما جمع الجمال كله بيه
اما الشعر جانت ظفاير طوال فتحتهن فاطمه وسرحته الهة كانكما خيوط من الذهب
نرجع الحيدر ظل يفكر بايه وشلون راح يقنعه فقرر يخابرهة
ويكولله
وهو ديتصل صاحه ابو تعال يريدك السيد.
سد الموبايل واجه وهي هم جتي ومتعرف منو راح يصير زوجه ولما شافته خزرت بوجه وهو دنك
(حيدر ميعرف انو هي حاقدة عليه عباله هو الي رمى الصاروخ وكتل اهلهة بس الحقيقه اعدائهم هم الي رموا)
روز ويه روحه ادكول اني ﻻزم اقتلك بس تجيني الفرصه اني هسه اريدهم يطمائنون من جانبي لحد ذاك الوكت اله اخذ بثار
ابويه وامي واخوتي هنا صاح السيد قولي نعم
اترددت بعدين صاحت نعم بعد ما هزت فاطمه اله راسه بﻻيجاب
وحيدر وين راح الغير عالم وهم اتفاجئ بصوت ابوه ها وليدي
مو السيد يحاجيك.
اي يابه
ابو احمد السيد يكوللك كول نعم
حيدر هم هز براسه
نعم نعم نعم
السيد
كافي نعم وحده وليدي
الكل
هههههه
خجل حيدر جان صافن بايه وشراح تسوي من تسمع
وبعدهة اخذت فاطمه وامل روز الغرفة حيدر
وكالتله فاطمه هي هاي غرفتج منا او غاد
باوعت روز الهاي الغرفه شنو هاي غرفة عروسه بس هي متفقت وياهم هيجي هي رادت زواج على الورق
رادت ادكوم طب حيدر
خزرت عليه
حيدر ويه روحه هاي البنيه كلما اتباوعلي اتخزر اكيد اكو سبب بس هاي شلون راح احاجيه ؟؟بلموبايل؟ لو اجيب شيرين؟؟؟؟
صديقة فاطمه اترجملي؟؟؟؟؟
هاي شلون مشكله هسه بله اريد اكولله اني وياج خل نتفق
زواجنه بس خلي يصير علة الورق شلون افهمه ؟؟؟
هههه ضحك متحمل بس روز خزرته هلمرة خزرة قويه مال جرم.حيدرراح الهة واتقرب منه وباوع بعيونه وكال
يابوبه اابو حيدر شنو هاي عيون لو ليلو
روز بعدهة علة خزرته
كال حيدر اكولج عود هاي شنو تردين اتخوفيني حته ﻻ اكربلج
ولج ملعونه اني ما اريد اتقربلج بس انتي وخري عيونج هاي تره الشيطان شاطر وبني ادم مو مﻻك دم ولحم خصوصا اذا جان حيدر ابن ابو احمد ومريته وحﻻله جا شيسوي والله اله يلعب بيج طوبه يخليج تنسين ابيج واخيج وكل اهلج
بس روز متفتهم شبكول راحت للميز واخذت تحفيه فريبه منه ورفعته عليه
حيدر
هههه ولك انا غﻻم ابوي هاي هم مثلي اتريد زواج مع وقف التنفيذ هههه
اتقرب منه وخله صدرهة الضخم كباله وصده بصدرهة وفرب حلكه من حلكه وهنا رفع التحفيه من ايدهة وهي مذهوله منهه ومن حركته
حيدر وخر منه وكال
بعد ما هز راسه ايههههه روز امبين انتي راح تمشين ويه مي (يعني راح اتصيرين نفس تفكيري)
وعافه وطلع من الغرفه

امسحي دمعتچ وارجوچ لا تبچين

يل دمعچ جمر وخدودچ أحلى ورود خايف على اخدودچ من دموع العين لا تبچين
وردة وتحترك ما تحمل النيران
يذبل كل وركها وتستحي من الطين
هي: وانت تكلي لا تبچين ؟ مو عمري انتهى وأيّامي

يتبع