غريبة على قلبي

الثاني والعشرون

شلونكم انشاء الله بخير

مرت اﻻيام
وزاد محبت حيدر الروز وروز رجعت تحبه الزوجه بعد ما شوفه ايام وليالي عوضه علي سواه وكامت اتشوفه ابو ابنه بس بعدهة متكدر تعتبر سندهة وحاميه الحد ما اجه اليوم الي انكلبت بي كل الحسابات
اهل روز ظلوا يراقبون بيت حيدر وانتضروا اليوم الي اتفقوا عليه شراح يصيربي وهل بنتهم روز تقبل ترجع واتفقوا اذا مرجعت راح يخطفوهة
واجه هذا اليوم وهم راحوا عليهم بس حيدر رفض زوجته تروح وكالهم الي يريدهة يجيه وروز توسلت بي بس هو يرفض مجرد التفكير بهذا الشي هو يغار عليه شلون يخليه تروح ويامن عليه من زلمهم ميريد احد يشوفه لو يلمسه وهو اصﻻ ما ارتاح الهذا شيروان
الهذا السبب قرروا يخطفوهة
حسب اتفاق بين البيبيه وشيروان بس العم رفض كللهم راح تصير مشاكل  منكدر نطلع منه بس البيبيه جانت قافله
وظل يراقب البيت وجانت روز عده فحص للدكتوره كل شهر
واجه هذا اليوم راحت هي وفاطمه بعد ما خابروا حيدر جان بلمقر ويه جماعته العسكر وكلله لترحن وحدجن خلي واحد من الزلم يوصلجن حيدر جان كلبه يلعب من اهل روز
وصدك الي جان يحس بي صار
حسين اخذ روز وفاطمه للعياده وصالهم  وكللهم اني رايح اشتري جكاير ومنتضركم بلباب من تطلعون خابروني وهنا من راح  دخلوا اربعه ملثمين وشهروا سﻻحهم كدام المراجعين والدكتوره طلعت تصرخ عليهم بس هم سكتوهة براشدي داخت وكعت والحارس رموا برجله  سحبوا روز من ايده ظلت تصرخ شالهة واحد منهم واخذه كوه وهي ترفس

وطلعوا الى مكان مجهول وفاطمه مصدومه وخايفه المراجعين كلوله خابري ااهلج يجون اختج انخطفت هي اخذت التليفون وهي ترجف خابرت حسين  بقلم ذكرى المندلاوي
حسين
ها فاطمه شبساع اني بعدني يم المحل اشتري مسواك للعشه
فاطمه برجفه
خويه حسين االحكلي روز انخطفت
ماكو دقايق واجه للعياده لكاهة مكلوبه والشرطه موجوده
عرف من فاطمه جوي ملثمين وخطفوا روز
حسين خابر احمد
احمد للشرطه
البنيه ممخطوفه وهي يمنه رجعناهة وسد القضيه رادهة تصير بيناتهم ومراد احد يدخل ﻻن خابر على حيدر وكله خويه سدهة من يمك وانا جاي
وحيدر سوه الطريق الطويل بساعتين بي راد يوصل
ومن وصل لكه اخوته لامين العشيره كله بسﻻحهم وعتادهم اﻻشكال انواع وكله تصيح امرنه عد عيناك احنه وياك للموت هذا عرضنه وشرفنه والي يدناله مايلوم اﻻ روحه
حيدر كال ونعم بيكم اخوتي وحزام ظهري وكفوا بيكم
حيدر مراد يبين الهم حالتهالنفسيه  والجراله من سمع بروز مخطوفه
هو كسر شكو كلشي كدامه واخذ سﻻحه واتوجه للعدو
وحده راح يرميهم واﻻ شويه جان مات لو مو جماعته الضباط
هدءوه وخلوا يرجع الوعيه ومو كلشي ينحل بلغضب وهم وياه للموت حد ميرجع زوجته واي شي هم حاضرين ***&

سلم على الكل ودخل تلكته امه
يمه من اروحلك فدوه لتتكدر العشيره كله وياك ومريتك ترجع
حيدر مجاوبه باسه بكصته كالت الام
فاطمه صبي اكل الاخوج بين ما يسبح
دخل يسبح شاف دشداشه روز معلكه لزمه وشمه وعيونه ﻻول  مره تبجي بحركه حتى على ابوه مبجه هيجي من مات
اخذ نفس وشهك شهكه قويه وصرخ بعلوا صوته يالله انطيني القوه والصبر
كمل وطلع اكل كوه صلى وتوجه لربه بلدعاء
وطب للمظيف وكان باستقباله الكل
احمد تعال خويه احنه نعرف كلش زين ياهو الخطفه
هم اهل روز اعمامه وخواله وهمه هددوا من قبل واليوم نفذوا واحنه منسكت والزلم اتحضروا نهجم عليهم الليله ونرجعه حته لو نعرف انسويه مذابح وياهم الزلمه عليمن يموت لو على كاعه لو على عرضه
حيدر
انتوا جيتكم ولمتكم على راسي بس مريتي اني ارجعه وحدي
احمد
شبيك انت شكاعد تحجي ذوله عشيره جبيره ومتكدر وحدك انت هيجي مترجعه رايح تنتحر
حيدر
مرتي ارجعه بنفسي واني موش ابن ابويه  وازينه الشاربي  ان جان مرتي مو بحضني الليله بايته
احمد
خويه على الافل خلي نعرف المكان الي رايحله مو هيج لتتسودن وبعدين تتندم
حيدر
اذا هيج ميخالف نعرف الوضع وين ماخذيه  حته نندل المكان
وفعﻻ بعد ساعت جتهم الاخبار اودلوهم على مكانه
***&&
وبغير مكان
روز عوفوني منوا انتوا اني ممسويه شي ليش خطفتوني حرام عليكم اني حامل اشتردون اتسوون بيه انطيكم الي تردونه من مبلغ بس عوفوني الله ينطيكم عوفوني
وخروا الغطه الي على عيونه انصدمت ﻻن عرفت خاطفيه ومنوا دازهم
البيبيه عوفوهة
متردين روز تجين ابحضن بيبيتج تعالي ابوسج واشم عطر ابني مجيد بيج تعاي
راحت روز وحضنته وباسته وهي الحد هيه متفاجئه ليش اهله خطفوهة 
روز
بيبي ليش خطفتوني ليش مجيتي وشفتيني انتي واعمامي مو هبجي دخلتينه اب مشاكل
الجده
ولج انتي متعلمبني الصح من الغلط مو عشتي وياهم كم شهر نسيتي اهلج انتي هنا اهلج وامﻻك ابوج وجدج اتعوفي وترحين للغربه ﻻ والله لو اعرف افتلج وادفنج هنا وﻻ انطيج الهم احنه وبن وهم وين
روز
بيبي اني حامل شلون الطفل ابعده عن ابوه ولو سالني شكوله من يكبر
الجده
متكوليله انتي راح نعرسلج على شيروان ابن عمج
باجر والطفل انكول طفله واذا مرضيتي انجيب الكتوره وتجهضين الطفل وابهيج نخلص من دوخه الراس وتزوجين ابن عمج وتستلمبن امﻻكج
روز كامت تصرخ
مااريد امﻻك وﻻ اربد ازوج اني متزوجه واحب رجلي حرام الي تسويه
الجده
جابته براشدي اسكتي مو بكيفج هاي العوائل كله تحت طوعي حته جدج ومحد يطلع من طوعي تجين انتي على اخر وكت تردين ابدل قوانيني ؟؟؟
روز
فدوه الج بيبي عتقيني وخلي ارجع الرجلي اني احبه
اتسكتين لو هسه اموتج هنا والي اكوله يمشي يله روحي الغرفتج وحضري روحج باجر عرسج على شيروان
واشرت للشباب الي يمه يودوهة
وهي تصرخ وتبجي
وظلت بغرفته جابولهة اكل مقبلت تاكل وظلت سهرانه واتفكر شلون اباجر
وصارت ساعه 2بليل سمعت صوت رمي قوي القصر صار نار
ناس ترمي على ناس مواجهة وهي ختلت جوه الجربايه من الخوف وسمعت صوت حيدر يصيح روز وين انتي وماكوا دقاءئق انكسرت باب الغرفه ودخل حيدر شافته روز طلعت
من جوه الجربايه وركضت على حيدر حضنته وكامت تبجي
يتبع