غريبة على قلبي

الثامن

حيدر وهو بهل الوضع دك موبايله صوت الموبايل رجعه الواقعه وحمد الله انوا ادارك وضعه ومسوة شي (جان انﻻصت عليك حيدوري**)
الوو
ام حيدر
ها يمه حيدوري وصلتوا لبيت خالك
اي يمه وهم يسلمون عليج
وهو يحجي عينه عله روز الي صارت قطعه من الجماد متتحرك مكانه جان ايشرلهه بايده شبيج
هي هم اشرتله دير وجهك
اف اف حيدر واخذ باكيت الجكاير وطلع بره للحديقه الخلفيه يكمل حجي ويه امه
اﻻم
يمه بيت عمك اهل ايه كالوا خلي نحدد موعد الزواج ماطول حيدر باجازه
حيدر
صدك تحجين هاي اول مره تطلع منهم حجايه حلوة من يوم الي ردته ولحد البارحه مشايف منهم بس نكد على ابو بتي وانخاف عليه واشون اتوكله وبيت وحده اشجره وبدلوا اليوم ايه
حجيه عسل واهله هسه
اﻻم
اي يمه مو الخطبه طولت ولتنسه غيرت النسوان
ايه تخاف لروز تخاذك منه اجكد فهمتهم السالفه متقتنع
حيدر
اي والله يوم ثاري روز طلعت الجكور مالي
اﻻم
شنو يعني
ها هيج وانتوا اجكتولهم
شنكول غير من تجي نحدد موعد
اي خوش بس اخلص الشغله البيدي كلهة يومين اتﻻثه
خوش ابني سلملي على خالك ومرته
يوصل
ودير بالك على روز تره هاي يتيمه وبعهتك امانه من اتسلمه
سلمه ﻻيد امينه
حيدر
هاي شلون بهاي اتصدكين نسيته
ها
اشاقه وياج
يله في امان الله والله خير حافظا وهو ارحم الراحمين
بعد ماكمل المكالمه حيدر صفن بحجايه امه وكال
هسه اني اسلم وحده على ذمتي لناس كرابته ومن بعيد وعﻻقتهم ماعرف شلون جانت ويه اهل روز وهي حلوه وكل واحد يطمع بيه؟؟ هو هذا المستهتر مؤيد مخلصان من نظراته وهنوب هذوله الي مااعرفهم شلون راح اامن بس حبيبتي
وحب حياتي ايه شسويله وهسه يردون اهله زواجنا بسرعه
ايصير هم حقهم الخطبه طولت هنوب جبت ضرة البتهم
هسه شتسوي حيدر شنو هاي الدعوه الي دعوهة عليك او وكعت ابهل المشكله هسه اني ﻻ هيج وﻻهيج وﻻاني متزوج
وﻻ اني عازب
ذب الجكارة وطفاهة برجله وكال خليني اروح اتمدد بلكت اكدر انام واحاول ما احتك بروز واتذكر ضعفه كدامه قبل اشويه لو ما ممخابرة والدته اسعفته جان انﻻصت
يااخي حلوة ***حلوووو ة واني ضعيف (حيدر يحاجي روحه)
وفتح الباب لكاهة فارشه بلكاع ونايمه
خطيه هاي هسه جسمه يتكسر بهل الشرشف الي جواهة
هزه الروز جان تفتح عيونه خطيه مصدومه البنيه تخاف شيريد
منه بهل الليله الي متعدي على خير ويه حيدر
خنزرتله وكالت شتريد
حيدر
شبيج لج هاي فوكاهة جاي اكعدح تنامين على الجربايه مو الكاع اتاذيج
كالتله ما انام وياك بنفس الجربايه اني اخاف منك انت مو راحه
حيدر
هههه هاي الج بيه حق وهو اكو واحد يشوف هيج وحده بصفه
وميييي سوي هعههه
روز
ها مو كلتلك اني اخاف منك
حيدر اي بسسسس(يريد يكولله اكو جرابي اثنين بلغرفه بس التفت شاف بس وحده)
اني غﻻم ابوي هاي شنو وين الجربايه الوخ بس ﻻ اكلتيه روز
مو شفتج مفجوعه على ا ﻻكل عبالك صارلج سنه مماكله.فشلتيني حته مبقيتي شي ﻻابماعونج وﻻ ابماعوني
هههه حيدر بلشقه ا
روز
كلبت خلقته وزعلت ودارت وجهة معبسه
ﻻجديات وين السرير اﻻخ
روز وهي معبسه وتحجي مثل الطفل كانما زعﻻنه
جتي هدى ومنى اخذوا الغرفتهم كالوا انتوا متحتاجوا اتنوا عرسان جدد
حيدر
ﻻوالله انﻻصت عليك هسه شلون باوع شاف دوشك فوك الكنتور نزله وفرشه وكلله اني راح انام هنا وانتي فوك
روز
بس اني ما اعرف انام على السرير ممتعلمه
حيدر
تتعودين يله اصعدي نامي بسرعه ولداهريني وخزر عليه
روز
اني معليه اذا صار شي
حيدر شيصير يعني (حيدر استهزء بكﻻمه بس معرف روز بس تنام تفقد نفسه ومتسيطر على حركاته وهي نايمه ادفر وتضرب جﻻليق )
حيدر
يله يله كللتلج نامي
روز
صار
وراح هو انمدد بلكاع وحط ايده جوه راسه يفكر بهل المشكله
بينما روز نامت جانت تعبانه حيل ممتعوده على السهر تكعد بلسته الصبح
بعد ربع ساعه حيدر بعد منايم لحد هسه يفكر
ميشوف اﻻ وشويه روز صارت ابحظنه وهي تشخر
وكعت من الجربايه حيدر يباوع عليه وهي صار وجهة علة وجهة وتﻻصقت الوجوه وصارت ريحة انفاسه بنص خشم حيدر
وحلكهة فوك حلكه وعبونه ابطن عينه حته ميكدر يتحرك
بقى على هل الوضع دقايق وهو مذهول كانما بحلم وجته حوريه ونامت ابحضنه وهو يشتم شعرهة الواكع على وجهة
اخخخ حيدر الله يريد يمتحنك يمكن بهل روز استغفر الله رب العالمين
شالهة علي كيفه من فوكاه ونيمه بصفه وظل يتمعن ابوجه وبشفايفه المرسومه رسم وخشمه المنحوت ورموشهة الطوال متحمل كام يتلمس شفايفه بايده بعدين مرراصابعه
على وجهة كوله
اخخخ هاي شنو حيدر وجهة شكد طري وجنه وجه الجاهل من تلزمه اشتم عطره اتنهد وكال اه اه ه ه شنو هذا العطر الرباني وخر شعرهة وكام ينلمسه ناعم حرير لهناك هز راسه او
كال حبدر انحمل هذا كوله امتحان وصير زلمة واتحمل مبقه شي
وهو يحجي ويه روحة مدت روز ايده على جتفه وحظنته قوي
كانما طفل شابك امه وباسته من خده ورجعت تشخر
روز مواعيه بس حيدر واعي واقروا عليه الفاتحه هههه
بقلم ذكريات
اظطر ينام بهل الوضعيه الي متتمنوهة ال عدوكم لحد مصبح الصبح
فزت روز من نومه متعوده تكعد من وكت اتصلي واتسوي ريوك من جانت ابيت اهله
فزت من شافت روحهة شابكه حيدر وجسمه مﻻصق الجسمه لزمت حلكه لتصيح صارت اعصاب وكمزت هزت حيدر اتريد ادكعده هو خطيه كعد مفزوع
اشبيج يلخبله اشصاير
هزت بيدهة وهي اتاشر على وضعيت نومه واشجابه يمه بلكاع
حيدر
سالي روحج يلخبله شلون تنامين الله ستر البارحه جان اتفلشنه اثنيناتنه وكعتي عليه من فوك الجربايه وضربه باصبعه على راسه وكال عدليه النومتج مو تلعبين كاراتيه
مفتهمت شيكول بس هزت بيديه وكامت بسرعه بعد قوة النظره الي رمقه بيه جانت بيه هو معاني جانت روز صحيح مجانت تعرف عربي بس نظرات حيدر متحتاج ترجمه روز بسرعة تفهمه
عافته وراحت جوه للحمام اتغسل وتتوضا للصﻻة
وهو هم كاك وراه شغل هوايه يدور عله اهل روز العنوان بعلوة جميله وهي متروسه محﻻت وﻻزم يروح من وكت
غسل وبدل وجانت مرت خاله محضرة الريوك وبه بناته
تريك وطلع بقت روز تساعد ام مؤيد بلمطبخ بس هي متريد وروز متكدر تكعد اﻻ تشتغل وساعدت البنات بشغل البيت
وراهة طبخوا للغده وارتاحواالبنات الروز وحبوهة واخذوهة الغرفتهم يسون شعرهة ويحطوله مكياج ويبدلون لبسه ويسوهة مفاجئه الحيدر(بنات بعد ويحبون هاي السوالف بس ميعرفون حيدر واطباعه)
حاولت روز تمتنع من لبس بعض الفساتين بس هم لحوا عليه وطلعوله فستان زهري كصير جان يخبل على جسمه وسرحوا شعرهة بلسشوا وخلوله مكياج هادئ ضاف جمال فوك جماله
اما حيدر
ظل يفتر بلعلوة على هذا العنوان الحد مهلك وتعب الجو حار وصار صﻻة الظهر كال خليني اكمل باجر الشمس حركتني خوة مو كوله افرهة بيوم واحد بلكت انشاء الله الكي صاحب العنوان باجر واخلص من هذا اﻻمتحان الصعب
صبوا البنات الغده دك الحرس اجه مؤيد هو ابوه اخذوا البنات العﻻليك من مؤيد بلمطبخ جانت روز منداره تصب التمن بلمواعين شاف مؤيد منظر عمره مينساه روز دايرة وجهة وشعرة اﻻشكر السرح على جتفه لحد جو خصره وهي تشع ظل واكف وهي اتصب صاح هدى بهمس منو هاي كامت تضحك هسه تعرف
ظل مؤيد الفضول يكوتله ويعرف منيه هاي صاحبة الشعر والطول الحلو باوع على رجله المحجله وهو فقد ياربي منيه هاي يمكن هاي وحده جاي يخطبولياه وسوهة مفاجئه اليه (ﻻن امه دتلح عليه اﻻ ازوجك وقبل يومين كالتله اكو صديقه هدى خوش ابنيه وحلوى راح اعزمه على الفدة حته اتشوفه وومدحت بيه بس مكالت هي بهاي الجمال)
دك الحرس اجه حيدر وبيده شويه فواكه جايبهن وياه
منى انطيني عنك خلي اوديهن للمطبخ ﻻ خليني اني اروح فد مره حته اغسل جانت المغسله قريبه من المطبخ وراح حيدر وروز متدري بيهم جايين وهي ملتهيه اتصب بلمواعين شي مرك شي تمن شوربه وتاخذهن منه لمى وتخليهن على الميز خلصت وعيون مؤيد باحر من الجمر يريد يشوف صاحبه الشعر الطويل منيه
اما حيدر فدخل للمطبخ وهو هم وقف نفس موقف مؤيد
وللفصه بقيه
تصويتت