غريبة على قلبي

السابع

ام مؤيد يله ارتاحوا من الطريق اكيد تعبانين ونعسانين روحي
هدى جهزي غرفه خواتج الحيدر ومرته خليهم يرتاحون ما بين
احضر ا ﻻكل
حيدر ويه روحه هاي الي محسبتلهة حساب شلون راح ابقى
وياهة بنفس الغرفه
منى ولمى ﻻمهم
هاي شنو لعد احنه وين راح انام
ا ﻻم
ولج عيب ليسمعوكم انتي واختج هسه شيكلون علينه روحوا
لغرفه هدى منا لحد ميرحون يله بنرفزة
البنات
اووووييي شنو هاي يعني مراح ناخذ راحتنه ويه هدى
مؤيد ظل يغكر بسر هاي زوجته الحيدر منين لكاهة وهو وين وهي وين وبعدين هو يحب ايه وكاتل روحه عليه ومات علما
خطبه وبعد كم يوم عرسهم مثل ما سمعت شبدل الوضع وخﻻه يتزوج هاي ؟،،اخخخ لو اعرف بس ﻻزم اعرف
دخلت روز بعد ما دلته هدى الغرفه
شافته غرفه عاديه بيه كنتور ابو البابين وجهاز حاسوب
وها الحمدلله اكو جربايتين(سريرين)وميز بلوسط
يعني مراح تنام ويه هذا الخبل حيدر بنفس السرير ﻻن عيونه
تخوف وهي متستحمل تصدهم وتذبل عيونه وتنعس من يوكف كباله متدري ليش واتخيلت هو يهجم عليه بلليل وهم نايمين ويغتصبه صاحت ﻻﻻ بصوت عالي
جان من وره واحد كمشهة من حلكه هو حيدر
عيونه تجدح وهو يكولله
اشبيج راح اتبينين خباﻻتج من وكت على الناس اصبري شويه خلي ياخذون عليج مو من اول يوم تره همة ميعرفوج زين
روز ويه روحه
هذا اشبي بس يرزلني ادري بي ميحبني ويخاف مني بس اني اتاسفتله بعدين كلبي كام يرفله وابديت انعجب بي ما ادري ليش رجوليته لو وسامته سماره ويه ضخامته واخخ هذا صدره شكد جبير مال اروح وارمي روحي بحضنه وانام واني مامنه طول العمر
بس ليش هو ميحبني معقوله متعجب بي ولو شويه .؟؟
شلون تردين ينعجب بيج وانتي ردتي اتسممي واتكوتلي؟،
حيدر
وهو بعد واكف كباله ويحاجيه
طخ راسه ودك عليه
هااا اشبيج وين صفنتي وين راح فكرج شو انتي جنج وحده غبيه صحيح الحلو ميكمل(حيدر باشمئزاز)
افتهمت روز شيكول ﻻن هي طول الفتره ذيج ابيت اهله وهي تتعلم عربي فاطمه اتعلمهة والجهال وام حيدر واهل حيدر كولهم جانوا يعلمون بيه
كامت تبجي ونزلت ادموعه اتكت وسالت روحه ليش حيدر ليش هيجي اتعاملني مو اني بديت احبك
حيدر
طلع الخاولي من الجنطه مالته وتشيرت وشورت وراح للحمام الي جوه ﻻن ماكو حمام بلغرفه وروز فرغت مﻻبسه ومﻻبس حيدر بلكنتور شافته فارغ
وبعد ربع ساعه صعد حيدر اتفاجئت روز ابمظهره طالع يشبه اهل بغداد وهو صار بعد اوسم بهاي مﻻبسه واضخم واشيك
كالت ويه روحه
اهوو هاي شيخلصه وبه هذا الولد امبين انتي راح توكعين بحبه ﻻمحال
حيدر
اذا تر دين اتسبحين تره الحمام جوه ﻻزم تاخذين مﻻبسج كوله حتى ربطتج مال راسج وقفلي باب الحمام علبج زين حسج عينج احد يشوفج من ولد خالي يصير اخر يوم ابعمرج انتي هنا محسوبه عليه وكل خطوة تخطيه عليج حساب مو ادكولين
ما ادري ومعرفت زين ودك مره الوخ على راسه وكال افتهمتي
دنكت روز وانقهرت حيل حيدر بدة يعامله مثل الحيوان مجاوبته اكتفت باخذ مﻻبسه ونزلت تسبح
وبعد نص ساعه طبت للغرفه وهي ﻻبسه دشداشه موروتيه مشجر وﻻزك على جسمه الرشيق وامبين مﻻمح جسمه المنحوت والي منطيه عمر اصغر بعد من عمرهة هنوب فتحت شعرهة الطويل ونشفته وبدت اتمشط
حيدر كاعد على وحده من الجرابي ويشرب جكارة ويباوعله
وصافن بهذا الجمال الي ميكدر شلون يغطي عيونه منه سال روحه
هسه هي مرتي وحﻻلي اشبيه اني خايف حته اباوعله
هو هذا منظر واحد يتغاظه عنه وميدير بال ؟؟،
ﻻﻻﻻ بس ﻻزم احاول مااحتك بيه هاي اتخوف اتريد تتمسكن بعيونه الذبﻻنه كلما اتقرب منه ما ادري شمخططتلي الله يعلم حته تقتلني هاي ﻻزم متشوف مني بس العين الحمرة
مو مال عيني وحبيبتي مو كل مرة تسلم الجرة
والي عظته حيه يخاف من جرت الحبل وهاي احس بيه حيه
ما اعرف يمته تلدغني همزين بعدته من اهلي اخاف اتسممهم كلهم هنوب غير انهيهة صاح على روز
روزززز
روز اتفاجئت شبي هذا يصيح اني مسويت شي غلط والي كالي عليه سويتي
حيدر
روزز تعاي اهنا خلي احاجيج
روز اﻻ هنا ميصير واني ابمكاني
حيدر يعني شنو اترادديني
روز
شنو اترادديني
حيدر
استغفر الله تعاي خلي اكولج
جتي وكو تسحل بروحه
حيدر وهو يحجي بهمس حته ليسمعون
هاي دشاديشج ما اريدج تلبسيه اﻻ بل الغرفه ومن اطلعين اتلبسن جبه وحجاب
روز
ههههه
شنو اني طالعه للشارع لو كاعدة ويه اهلك هذا بيت خالك هههع
حيدر بغضب
كمش شعرهة المبلل بقوة وجره
ولج الي اكولج عليه اتسوي بدون مرادده
روز وهي تتوجع
ااااي ي ي عوفني شعري يوجع
حيدر
هلمره جريت شعرج مرة الوخ ما احزر عصبيتي شراح انسوي بيج
واندك الباب منى حيدر امي وابويه منتظريكم على العشه
وهد شعرهة وكال بس اطلع اطلعين ورايه ومثل ما فهمتج اتغطين شعرج
حيدر
اي اي جينه
روز عيونه صارن حمر من البجي
حيدر باوع عليه وكال وهاي ادموع التماسيح متنزليهن كدامهم خوشش لو بعد
روز
بخوف صار
طلع حيدر وهو ما ادري اصار بي من شاف اعيون روز وهي امبلله من الدموع صارن احلى فوك حﻻهن فر براسه وكال
ﻻﻻ حيدر لتوكع ابمصيدته اتحمل وصير حجاره
اجتمعوا الكل على العشه وهذا اول ليله الروز ويه بيت خال حيدر فا الكل راد يتقربلهة ويسوي روحة خوش واحد
لمى
هذا خوش كباب اكولي
منى وهذا الطرشي يخبل بس ضوكي منه
ااﻻب
عوفوهة براحته تاكل
اﻻم
ﻻ احنه هنا متقبل اله تاكل هوايه حته شويه اتربرب متشوفهة
اشكد ضعيفه
مؤيد
عوفيه هي هيجي جسمه رشيق مال عارضات ا ﻻزياء هنا بنات بغداد يدفعون كومه فلوس ويسوون عمليات حته ينحتوا نحت مثل جسمه
حيدر دك على الميز قوي وخزر بعيونه المؤيد
الكل حس بغلطه مؤيد بس شيسون هذا طبعه ميبدله خصوصا اذا شاف وحده حلوه ميعوفه اله يتغزل بيه وحيدر يعرفه زين
واله هوايه ذكريات وياه
حيدر بعصبيه
تدري لو مو خالي ومرته كاعدين واحتراما للسفرة الي متجمعين عليه جان علمتك قيمتك شنو بلنسبه اليه
مؤيد بسخريه
هههه متعرف ابن خالك بي سوله ميكدر يلزم روحه يم الحلوات
هنوب حيدر اكثر شاط يتغزل بعرضه وكدامه وبكل صﻻفه
كام وراد يضربه
روز مفتهمت شنو القصه حته لو ترة الولد مغلط بحق حيدر
حيدر ليش كام ورفع ايده (يلثوله معرفتي من اول ليله وخليتيهم يتعاركون من وراج)
كاظم
شنو اني ما عندي اي احترام ؟؟حته تتعاركون بحضوري وانت مؤيد كوم مسويت اي تقدير للنعمه الي كدامك يله كوم
كام مؤيد وهو يبتسم ابتسامه صفرة وكلهة حقد
كاظم.
ابني حيدر اكعد اتعشه متعرفة المؤيد هو عادته لو مشتريه
اﻻم
يمه حيدر هذا متشوفه هيج عقله بعد مال زعطوط وهو بس طول اكعد اكعد اكولك لكمه انت جاي من سفر ومعدتك فارغه
وخوفته الروز خلي هي هم تاكول
باوع حيدر الروز هي وﻻ يمه جانت صارت حرب من وراهة وهي كاعده تاكل وخلصت ماعون الكباب وفرت على ماعونه
كانما مفجوعه
حيدر وهو متنرفز
ﻻ خاله اني بعد ما اشتهي اذا اكلت واني متعصب قولوني يهيج انتوا بلعافيه واني اترخض اروح للغرفه ارتاح
وكام اﻻم الله يحفظك ابني مؤيد يعني ﻻزم انسممه للولد على اﻻكل
اﻻب
هذا ابنج رايدله جره اذن
بلغرفه
حيدر كاعد يشرب بهل الجكاير يمكن اتعشه بيهن
اني غلطت من جيت هنا جان ﻻزم اروح للفندق
اهووو اي اشدااحجي فندق خو ابيت خالي ومسالم من عيون ابنه هنوب عند الغربه اني شلون جبت الروحي مصيبه من ورة هاي اللبنيه&&& دكت ايه ها هاي ايه بلكت كلبه حن عليه اخيرا
ها كبدي ها كلبي عيوني روحي
ايه على كيفك انت شنو ماعندك بريك
حيدر
ولج حبج خﻻني امشي بدون ابريك وراح فد يوم اسوي حادث من وراج واموت
ايه
اسم الله عليك حبي
حيدر
شنو شنو شو عيديه هاي الكلمه اول مره اسمعه
ايه
ههه كافي بعد حبي (ايه بدلت من طريقته بعد مراحت سعديه
ولقنتهة وفهمته انو هي راح انضيع حيدر من ايديهة بتصرفه هذا واذا هو عافهة محد يتقدملهة وذكرته بسرهم ايه من حبه المحمد انطته كل ما تملك (عذريته)ومن انكتل ايه انتهت ورادت بس اتغطي على مصيبته اهله اذا عرفوا يذبحوهة
وهاي سعديه عرفت بعد ما سمعته تحاجي روحه وتبجي
كالتلهة ماكو غير حيدر هذا حبه الج عاميه وخلي يزوجج واتخلصين من هل المصيبه كلهة واني قبل يوم العرس اوديج ﻻم وليد الدايه تسويلج ركع وهو ميحس وكلشي ينتهي سعديه مو محبتا بيه ﻻ اخذت منه كومه ذهب جانت ضامته ايه ليوم عرسه هي ومحمد)نرجع للاتصال الي بينهم
ايه
وين رحت انت متعرف عندك كلب عايفه هنا
حيدر
ﻻﻻﻻ اني بعد ما اكدر على هذ الدﻻل بس اخلص من المهمه
الي عندي اوعدج اسويلج عرس تحجي بي العالم اشهر
شنو هاي المهمه الي مخلصت لي هسه
حيدر.مو وكته بعدين احجيلج هسه شلون كلبي يدك لو بعده(
وظل يسولفون ويتغزلون لحد ما)طبت روز
حيدر يله حبي اخابرج باجر
صار حبيبي على باجر اني هم نعست
حيدر تصبح على ورد يا ورد
روز وهي تباوع على حيدر تعرفه يتغزل بوحده ويمكن هاي خطيبته مثل ما سمعت (شوف شوف شلون يتغزل بيه هي بشنو تفرق عليه اريد اشوف هاي خطيلته )
حيدر
اشبيج رجعتي تباعيلي نفس النظره وخريه لعيونج ﻻ اخلي اصابعي بيهن
روز مدارت بال اخذت دشداشته العريضه من الكنتور وكالتله وهسه انت وخرلي عيونك وديرهم على الحايط ارد ابدل
حيدر ههه تتامرين هم ؟؟؟ماكو غير هنا ا؟اتبدلين اﻻ كدامي
لو جايه اتسويلي اغراء حته اتورط بيج
روز
اتريدني ابدل جوه ما عندي مانع بس وين بيا غرفه بس هاي الغرفه هي حﻻل عليه ابدل بيه باقي الغرف محرمه عليه(اخخ غير بسمار هاي مجانت تعرف تحجي ضربته بلوك الحيدر)
حيدر دنك وشويه كلله
يله يله بدلي براحتج اني راح ادير وجهي
بس حجايته دكت بكلبه قبل مدوك براسه(حﻻلي هاي الكلمه يراددهة ويه روحه اندار شافهة هسه دتنزع وهي عباله مندار دنكت اتنزل الدشداشه الرجله وتنزعه وهو باوعله صحيح ياربي شنو هاي الي يسموهة حور عين استغفر الله واعوذ بالله
متمالك روحه راحله واتقرب منه وراد يلزم ازنودهة الجنهن مرمر ويضون بهاي الغرفه الظلمه وكلله روز

تصويتتت