الـدخيل

بارت ٢٦

"خلك عند حلفك بس" يقول له داخل الغرفه و يتنهد علي بابتسامه و يطالع بفهد اللي ياكل ككاوه و يطالع بمشعل يلعب

"سو نفسك ما تدري.. سو نفسك اثول حمار ما تفهم اوكي؟" يقول له علي و يلتفت له فهد

"تكلمني؟" يسأله

"اجل منو غيرك؟" يسأله و ابتسامة الخبث عليه

"شتبي؟" يسأله ببرود

"شنو بينك و بينه؟" يقرب له قاعد جدامه

"طلال؟" يسأل فهد يسوي نفسه غبي

"اي اجل انا؟" يرد بسرعه

"ما بيننا شي.. ولد حبوب ينحب ما يستاهل اللي يصير له" يقول له ماخذ قضمه من الككاو و يكمل "يعني و بما اني ضابط دوري اني احمي الشعب-"

"اي اي قديمه هذه كل ما ساعدت واحد حلو ولا وحده حلوه قلت انا ضابط احمي الشعب اكل خرا و قول شنو بينكم؟" يسأله و يرفصه فهد مقومه من مكانه

"اذا عرفت تتكلم باسلوب عدل تعال حاجني وقتها" يقول له و يطق علي جتف فهد

"عشتو! طول عمري اسبك و اسفل فيك جت عالحين يعني؟" يقلب عينه و يلقى خالد طالع من الغرفه جاهز

"ترى فرصتك هذه بروحكم انتوا ها!" يقول له علي بسرعه

"و اذا بروحنا؟ الرجال عنده امتحان باجر قاعد يدرس اذلف لولد عمك التبن" يقول له و يطلع طلال من الغرفه معاه كتبه و قلمه و جيس الحلويات

"باااي" يسحب علي ايد خالد طالع من الشقه و يدخل طلال الصاله و ينتبه له فهد

"على وين؟" يسأل

"رايحين لولد عم علي" يقول له و يهز طلال راسه و يحط كتبه بالطاوله جدامه و ياكل الايس كريم و يدرس

"ازعاج عليك بالصاله ماراح تركز" يقول له و يرفع طلال راسه له

"لا اعرف اركز بالازعاج الهدوء يوترني" يقول له و يرفع فهد حاجبه بمعنى 'غريب' و يكمل طلال دراسته، ينسدح فهد و ياخذ يده الثانيه جنبه و يشغلها و يشترك مع مشعل باللعب

تمر ساعات على وضعهم و فهد رفع راسه لطلال لقاه يعض القلم و الاكل حوله و الكتاب بحظنه و اهوا يفكر عينه عالكتاب، يسرح فيه، بطريقة شفايفه و اهيا تضغط على القلم و اسنانه شلون ماسكته من انه يطيح، و حركة حواجبه شلون يحركها و اهوا يقرا، و عينه تتحرك على الصفحات و حركة رجله و اهوا يهزها، بلوزته الرماديه الواسعه عليه يبين عظم التروقه، و بنطرونه الاسود القطني

يرفع طلال راسه و اهوا يرجع شعره لورا و تطيح عينه بعين فهد، و يلتفت فهد بسرعه للتلفزيون، يستغرب طلال و يسحب تليفونه يدخل قوقل يدور عن شغله ما فهمها، و يشغل فيديو يشوفه