أفراح بتقول بحبك بحبك فجأءة جات رحاب وسمعتهاا
رحاب :😍ي بت ده منو البتحبي ده♥
أفراح :😧😅أنا بحب لالا بس كنت بغني أغنية جنات البتقول بحبك
رحاب : أممممم بتخبي علي😏الكلام ده م بمشي علي سريع إعترفي بتحبي منو
أفراح:)بضيق كدة(😒 قلت ليك م بحب زول ي رحاب ماليك كلامك كتير كدة
رحاب :طيب أسفة م تزعلي وهاك العصير ده أشربي و روقي دمك أنا ماشة أعمل العشاء عايزة حاجة قبل أمشي
أفراح : لالا تسلمي م عايزة شئ
طلعت رحاب
وأفراح شالت التلفون وعملت مكالمة زي نص ساعة وهناك رحاب عملت العشاء وجهزتوا جات لأفراح قالت ليها العشاء
ومشت لي أسعد عشان تصحي بس لقتوو نايمة حاولت تصحي بس م صحي معاها طلعت خلتوو
إتعشوا هي وأفراح بعد خلصوا رحاب لمت الأواني وغسلتهم وعملت ليهم كبايتين شاي ودت واحدة لأفراح وهي شالت واحدة
أفراح : أوووف رحاب لسة م بطلتي تعملي الشاي مسيخ😖
رحاب :😳 مسيخ معقول بس أنا حقي طاعم بس م مشكلة أسي بجيب ليك سكر مشت رحاب تجيب السكر لأفراح بعد رحاب طلعت أفراح طلعت حاجه كانت ف ورقة وكبتها كلها ف كباية رحاب😰
جات رحاب وزادت السكر لأفراح وهي شالت كبايتها وشربتها 😰
رحاب : أفراح يلا أنا نعست تصبحي علي خير😴
أفراح : وإنتي بخير 😈
طلعت رحاب ومشت غرفتها ونامت نووم عمييق كأنها أول مرة تنوم ف حياتها وهناك أفراح لسة صاحية
أسعد صحي وهبش لقي رحاب نايمة وبقي يتأمل فيها وهي نايمة زي الملاك فجأءة حسي نفسه جاع مشي عشان يشوف حاجة يتعشي بيهااأفراح لمحتوو ماشي علي المطبخ طوالي من هناك لبست بجامة النوم الكانت خفيفة خالص وعملت نفسها قايمة من النوم ومشت المطبخ عشان تشرب موية وضر هي وقفت بجمب الباب عشان لو أسعد جاي طالع تصدم بي وفعلاً خطتها نجحت أسعد عايز يطلع من المطبخ وهي جات نظام داخله وإصتدم فيهو لمن الصحن الكان شايلوا وقع ف الأرض وإتكسر لمن أسعد شافها بالبجامة الخفيفة دي طوالي دور وجهه علي النحية التانية وأفراح نهائي م أثرت فيها بلبسها ده وهي إتغاظت طبعاً كونوا م عبرها حتي م قال ليها أسف حتي م حكي ولا حرف طوالي مشي علي غرفته وساب العشه وهي بقت زي الهبلة لملمت القزاز بس قالت ف نفسه حأوقعك وم أكون أنا أفراح لو م جبتك حتي لو غصب عنك
★☆☀★⓪☀★
أسعد دخل وبقي يقول البنت الما عندها أدب دي شوف بالله قلة أدبها وصلت لي ووين عديمة حياء وأنا متأكد لو قلت لي رحاب بالحصل ده م حتصدقني وحتقول أنا م عايز صحبتها بقي يفكر لمن نام
الصباح بدري رحاب قامت كالعادة وجهزت الشاي صحي أسعد وأفراح لسة نايمة صبت ليهو الشاي وبقوا يتونسوا ضحك وغزل وكلام يلخم من الصباح داك أسعد زول رومانسي شديد وبحكي مع رحاب وبشاغل فيها فجأءة جات أفراح ودمها فار لمن لقت أسعد حاضن رحاب وكانوا ف عالم تاني والله البنت الإسمها أفراح دي م فضل ليها إلا تشيل سكين وتغذها ف قلب رحاب جاتها حالة هستيرية غريبة وقفت علي جنب عشان م يشوفوها قالت أمشي وأخليهم تاني قالت لالا أسعد حقي براي مستحيل أسيبوا لي رحاب وهي بتتكلم مع نفسها شافت أسعد ورحاب داخلين غرفتهم وقفلوا عليهم الباب وهنا أفراح جنت والبيت بقي م شايلة شالت تلفونها وإتصلت علي نفس الرقم الكان إتصلت بيهوو المرة الفات
وأخدت معاه موعد لبست وجهزت حاله وشالت شنطتها وبقت طالعه الزمن ده كان أسعد طلع قبليها بدقائق رحاب شافتها ماشة و شكلها متغير نادتها بس أفراح م ردت عليها فتحت باب الشارع وطلعت وجرت الباب عليها بقوي لمن رحاب خلعها صوت الباب
يتبع.....
