أجنحة بلا ريش

الجزء 22

ﺍﺗﺤﺮﻛﺖ ﻣﻦ ﻣﻜﺎﻧﻲ ﺩﺍﻙ ﻣﺸﻴﺖ ﻟﻲ ﻧﺎﺱ ﻧﺎﺩﻳﺔ ﻟﻘﻴﺖ ﺍﻟﺒﻴﺖ ﻓﺎﺿﻲ .. ﺑﺲ ﻧﺎﺩﻳﺔ ﻭﻣﻌﺎﻫﺎ ﺍﺧﺘﻬﺎ

ﺍﻟﺼﻐﻴﺮﺓ ( ﻟﻴﺎﻟﻲ ) 18 ﺳﻨﺔ ..

ﻗﻠﺖ ﻟﻴﻬﺎ ﻳﺎﻧﺎﺩﻳﺔ ﻣﺎﻟﻚ ﻓﻲ ﺷﻨﻮ ﻧﺎﺱ ﺍﻟﺒﻴﺖ ﻭﻳﻦ؟

ﻗﺎﻟﺖ ﻟﻲ ﻋﻤﺘﻲ ﻳﺎ ﺷﻤﺴﻲ ..

ﻋﻤﺘﻲ ﺍﻟﻮﺣﻴﺪﺓ ﺍﻟﺒﺘﺮﻳﺪﻧﺎ ﻭﺑﻨﺮﻳﺪﺍ .. ﻋﻤﺘﻲ ﺍﻡ ﺭﺍﺷﺪ .. ﺷﺮﺑﺖ ﺍﻟﺼﺒﻐﺔ ..

ﻗﻠﺖ ﻟﻴﻬﺎ ﻟﻴﻪ ﺷﺮﺑﺖ ﺍﻟﺼﺒﻐﺔ؟ ..

ﻋﻠﻴﻚ ﺍﻟﻠﻪ ﻳﺎﻧﺎﺩﻳﺔ ﺍﻫﺪﻱ ﺷﻮﻳﺔ ﻭﺍﺣﻜﻲ ﻟﻲ ﺑﺮﻭﺍﻗﺔ ﻋﺸﺎﻥ ﺍﻓﻬﻢ .. ﻫﺪﺍﺕ ﻛﺪﺍ ..

ﻭﻗﺎﻟﺖ ﻟﻲ ﺍﻣﺒﺎﺭﺡ ﺍﺑﻮﻱ ﺍﺗﻜﻠﻢ ﻣﻊ ﺭﺍﺷﺪ ﺍﻟﻠﻴﻞ ﻛﻠﻮ ﺑﺘﻜﻠﻢ ﻣﻌﺎﻫﻮ ﻣﺎﻋﺎﺭﻓﺔ ﻗﺎﻝ ﻟﻴﻬﻮ ﺷﻨﻮ؟ ﻭﺭﺍﺷﺪ ﺍﻗﺘﻨﻊ

ﺑﺮﺍﻫﻮ ﺟﺎ ﻗﺎﻝ ﻟﻲ ﻧﺤﻦ ﻳﺎ ﻧﺎﺩﻳﺔ ﻣﺎ ﺑﻨﻨﻔﻊ ﻣﻊ ﺑﻌﺾ ..

ﻭﺍﻧﺎ ﻓﺮﺣﺖ ﺷﺪﻳﺪ .. ﻫﺴﻲ ﺍﻟﻠﻴﻠﺔ ﺍﻟﺼﺒﺎﺡ ﻣﺸﻰ ﻛﻠﻢ ﺍﻣﻪ ..

ﻗﺎﻝ ﻟﻴﻬﺎ ﺍﻧﺎ ﻣﺎﻋﺎﻳﺰ ﻧﺎﺩﻳﺔ .. ﺧﻼﺹ ﺧﻠﻴﺘﺎ .. ﺍﻣﻮ ﻃﻮﺍﻟﻲ ﺩﺧﻠﺖ ﺍﻟﻤﻄﺒﺦ ﻭﻓﻮﺭﺕ ﺍﻟﺼﺒﻐﺔ ﻓﻲ ﺍﻟﻨﺎﺭ

ﻭﺷﺮﺑﺖ ﻛﺒﺎﻳﺔ ﻛﺎﻣﻠﺔ ﻭﻫﺴﻲ ﻧﺎﺱ ﺍﺑﻮﻱ .. ﻣﺸﻮ ﻟﻴﻬﺎ .. ﻓﻲ ﺍﻟﺤﺎﺝ ﻳﻮﺳﻒ .. ﺍﻧﺎ ﺧﺎﻳﻔﺔ ﺷﺪﻳﺪ ﻳﺎ

ﺷﻤﺴﻲ ﻟﻮ ﻋﻤﺘﻲ ﺣﺼﻞ ﻟﻴﻬﺎ ﺷﻲ ﺍﺑﻮﻱ ﺑﺠﻦ ﻋﺪﻳﻞ .. ﻣﺎﻋﻨﺪﻭ ﺍﺧﺖ ﻏﻴﺮﺍ ..

ﻗﻠﺖ ﻟﻴﻬﺎ .. ﺍﻥ ﺷﺎﺀ ﺍﻟﻠﻪ ﺭﺑﻨﺎ ﻳﻨﺠﻴﻬﺎ .. ﻳﺎﺭﺑﻲ ﺩﻩ ﺷﻨﻮ ﺍﻟﺤﺎﺻﻞ ﻋﻠﻴﻨﺎ ﺩﻩ ..

ﻗﺎﻟﺖ ﻟﻲ ﺍﻟﻤﺮﺍﺓ ﺩﻱ ﻳﺎ ﺷﻤﺲ ﺍﻟﺪﻳﻦ ﺍﻟﻮﺣﻴﺪﺓ ﺍﻟﻤﻤﻜﻦ ﺗﻔﺮﻛﺶ ﻣﻮﺿﻮﻋﻲ ﻣﻌﺎﻙ .. ﻻﻧﻬﺎ ﻋﻨﺪﻫﺎ ﻛﻠﻤﺔ

ﻓﻲ ﻛﻞ ﺍﻟﻌﺎﺋﻠﺔ ..

ﻗﻠﺖ ﻟﻴﻬﺎ ﻭﻛﺖ ﻋﻨﺪﻫﺎ ﻛﻠﻤﺔ ﻓﻲ ﻛﻞ ﺍﻟﻌﺎﻳﻠﺔ ..

ﻣﺎﻻ ﻣﺎﺭﺑﺖ ﻭﻟﺪﻫﺎ ﻋﻠﻰ ﺍﻻﺧﻼﻕ ﺍﻟﻔﺎﺿﻠﺔ ..

ﺍﻋﻤﻞ ﺍﻱ ﺣﺎﺟﺔ ﺍﻧﺎ ﻣﺎﻗﺎﺩﺭﺓ ﺍﺗﺼﺮﻑ .. ﺍﻧﺎ ﻣﺸﻠﻮﻟﺔ ﺍﻧﺎ ﻣﺎ ﺟﺎ ﺯﻭﻝ ﻓﻲ ﺭﺍﺳﻲ ﺍﺿﺮﺏ ﻟﻴﻬﻮ ﺍﻻ ﺍﻧﺖ

ﺣﺒﻴﺒﻲ .. ﻭﺍﺍﺍﻱ ﺍﻧﺎ ﻟﻮ ﻛﺎﻥ ﻋﻤﺘﻲ ﻣﺎﺗﺖ ﻳﺎﺷﻤﺲ ﺍﻟﺪﻳﻦ ..

ﺍﻧﺎ ﻃﻮﻝ ﻋﻤﺮﻱ ﺑﻜﻮﻥ ﺷﻮﻣﻪ ﻭﻫﻘﻴﺘﺔ ..

ﻗﻠﺖ ﻟﻴﻬﺎ ﺍﻟﻨﺼﺒﺮ ﻧﺸﻮﻑ ﺍﻟﺒﺤﺼﻞ ﺷﻨﻮ؟

ﺍﻧﺘﻲ ﺑﺲ ﺧﻠﻴﻚ ﻫﺎﺩﻳﺔ .. ﻭﻃﺒﻴﻌﻴﺔ .. ﻭﻣﺎ ﺗﺘﺤﺮﻛﻲ ﻣﻦ ﺍﻟﺒﻴﺖ ﺩﻩ ﻻﻣﻦ ﻳﺠﻮ ﺍﻟﻨﺎﺱ ﺩﻳﻞ ﻣﻦ ﺍﻟﺤﺎﺝ

ﻳﻮﺳﻒ ﻭﻳﻮﺭﻭﻧﺎ ﺍﻟﺤﺎﺻﻞ .. ﻗﺎﻟﺖ ﻻﻻ ﻣﺎﺑﻜﻮﻧﻮ ﻓﻲ ﺍﻟﺤﺎﺝ ﻳﻮﺳﻒ .ﻫﺴﻲ ﺍﺣﺘﻤﺎﻝ ﻳﻜﻮﻧﻮ ﻭﺩﻭﻫﺎ