أجنحة بلا ريش

الجزء 09

ﺍﻭﻝ ﻣﻦ ﺻﺎﻟﺢ ﺟﺎ ﺩﺍﺧﻞ ﻭﻏﻀﺒﺎﻥ ﺷﺪﻳﺪ .. ﺍﺑﻮﻱ ﻗﺎﻝ ﻟﻴﻨﺎ ﺍﻭﻋﺎ ﻭﺍﺣﺪ ﻓﻴﻜﻢ ﻳﺘﺤﺮﻙ .. ﻗﺎﻡ ﺍﺑﻮﻱ ﻃﻠﻊ

ﺑﺮﺓ ﻭﻗﻔﻞ ﻋﻠﻴﻨﺎ ﺍﻟﺒﺎﺏ .. ﻭﻧﺤﻦ ﺍﻻﺗﻨﻴﻦ ﺟﻮﺓ .. ﺍﻟﺼﺎﻟﻮﻥ ﻗﻔﻠﻮ ﻣﻦ ﺑﺮﺓ ..

ﻭﻧﺤﻦ ﺍﻻﺗﻨﻴﻦ ﻣﺎ ﺍﺗﺤﺮﻛﻨﺎ ﻣﻦ ﻣﻜﺎﻧﺎ .. ﺣﺴﺐ ﺗﻌﻠﻴﻤﺎﺕ ﺍﻟﻮﺍﻟﺪ .. ﺑﻨﺴﻤﻊ ﻓﻴﻬﻮ ﻳﺘﻜﻠﻢ ﻣﻊ ﺻﺎﻟﺢ ﺑﺮﺓ ..

ﻗﺎﻝ ﻟﻴﻬﻮ ﺻﺎﻟﺢ؟ .. ﻣﺎﻟﻚ ﺍﻟﺤﺎﺻﻞ ﺷﻨﻮ ؟ﺿﺮﺑﺖ ﺍﻟﺒﺎﺏ ﺩﻩ ﺷﺪﻳﺪ ﻛﺪﺍ؟ ..

ﺻﺎﻟﺢ ﻗﺎﻝ ﻟﻴﻬﻮ ﻳﻌﻨﻲ ﻣﺎﻋﺎﺭﻑ ﻣﺎﻟﻲ؟ .. ﻋﺎﻣﻞ ﻟﻲ ﻓﻴﻬﺎ ﺭﺍﻳﺢ؟ ..

ﻭﻳﻨﻬﻢ ﺍﻭﻻﺩﻙ؟ ﺍﻟﺪﺍﻳﺮﻳﻦ ﻳﺪﻗﻮﻧﻲ ﻭﻳﻜﺘﻔﻮﻧﻲ؟ .. ﻗﺎﻝ ﻟﻴﻬﻮ ﺍﻟﻘﺎﻝ ﻟﻴﻚ ﻛﺪﺍ ﻣﻨﻮ؟

ﻓﻲ ﺯﻭﻝ ﺑﺪﻕ ﺍﺧﻮﻫﻮ ﺍﻟﻜﺒﻴﺮ ﻭﻳﻜﺘﻔﻮ؟ .. ﻣﺴﺘﺤﻴﻞ ﻳﻜﻮﻧﻮ ﻗﺎﻟﻮ ﻛﻼﻡ ﺯﻱ ﺩﻩ .. ﺑﺲ ﻫﻢ ﻛﺎﻧﻮ ﺑﺘﻜﻠﻤﻮ ﻋﻦ

ﺯﻭﻝ ﺗﺎﻧﻲ .. ﻭﺳﺎﺭﺓ ﺧﻄﻔﺖ ﺍﻟﻜﻼﻡ ﺟﺎﺑﺘﻮ ﻟﻴﻚ ﻗﺒﻞ ﻣﺎ ﺗﺘﺎﻛﺪ..

ﺑﺲ ﻧﺤﻦ ﻓﻌﻼ ﺩﺍﻳﺮﻳﻦ ﻧﺘﻜﻠﻢ ﻣﻌﺎﻙ ﻛﻼﻡ .. ﻣﻤﻜﻦ ﺗﻬﺪﺃ ﻭﺗﺴﻤﻌﻨﺎ؟ ..

ﻗﺎﻝ ﻟﻴﻬﻮ ﺑﺲ ﻫﻢ ﻭﻳﻦ ﻫﺴﻲ؟ ﺍﻧﺎ ﻋﺎﻳﺰ ﺍﺷﻮﻓﻬﻢ ﺑﻲ ﻋﻴﻨﻲ ﺩﻱ .. ﺍﺑﻮﻱ ﻗﺎﻝ ﻟﻴﻬﻮ ﺩﻗﻴﻘﺔ ﺧﻠﻴﻚ ﻭﺍﻗﻒ

ﻗﺒﻠﻚ . ﻗﺎﻋﺪﻳﻦ ﺟﻮﺓ ﺍﻧﺎﺩﻳﻬﻢ ..

ﺍﺑﻮﻱ ﻓﺘﺢ ﺍﻟﺒﺎﺏ ﻭﺟﺎﻧﺎ ﺟﻮﻩ .. ﻗﺎﻝ ﻟﻴﻨﺎ ﺯﻱ ﻣﺎ ﺍﺗﻔﻘﻨﺎ ﻣﺎﻓﻲ ﻭﺍﺣﺪ ﻓﻴﻜﻢ ﻳﺘﺤﺮﻙ ﺍﻱ ﺣﺮﻛﺔ. ﻭﺧﻠﻮﻧﻲ ﺍﻧﺎ

ﺑﺘﻜﻠﻢ ..

ﻧﺤﻦ ﻃﺒﻌﺎ " ﻣﺎﺑﻨﻜﺴﺮ ﻛﻼﻡ ﺍﺑﻮﻱ ﺍﺑﺪﺍ . ﻻ ﺃﻧﺎ ﻭﻻ ﺍﻟﻄﻴﺐ ﺍﺧﻮﻱ .. ﺍﺑﻮﻱ ﺩﻩ ﻋﻨﺪﻧﺎ ﺧﻂ ﺍﺣﻤﺮ ..

ﻗﺎﻝ ﻟﻴﻬﻮ ﺍﺩﺧﻞ ﻳﺎﺻﺎﻟﺢ ﺗﻌﺎﻝ .. ﺍﺗﻔﻀﻞ ﺍﻗﻌﺪ .. ﻗﻮﻡ ﻳﺎ ﺍﻟﻄﻴﺐ ﺟﻴﺐ ﻟﻲ ﺍﺧﻮﻙ ﻣﻮﻳﺔ ﺷﺮﺍﺏ .. ﺍﻟﻄﻴﺐ

ﻗﺎﻡ ﻃﻠﻊ ﻭﺻﺎﻟﺢ ﻳﻌﺎﻳﻦ ﻟﻴﻬﻮ ﻭﺻﺎﺭﻱ ﻭﺷﻮ ﺻﺮﺓ ﻏﺮﻳﺒﺔ .. ﻭﺍﻧﺎ ﻣﺘﻐﺎﻳﻆ ﻣﻦ ﻧﻈﺮﺗﻮ ﺩﻱ . ﻗﻠﺒﻲ ﻳﻘﻮﻝ ﻟﻲ

ﻗﻮﻡ ﺍﺗﻔﻮ ﻗﺪﺍﻡ ﺍﺑﻮﻱ .. ﻟﻜﻦ ﻣﺎﺳﻚ ﺍﻋﺼﺎﺑﻲ ..

ﻋﻠﻴﻚ ﺍﻟﻠﻪ ﺷﻮﻑ ﺍﻻﻫﺒﻞ ﺩﻩ .. ﻫﻮ ﻗﺎﻳﻞ ﻧﻔﺴﻮ ﺷﻨﻮ؟ ﻟﻜﻦ ﺍﺣﺴﻦ ﺍﻟﺼﺒﺮ ﻏﺎﻳﺘﻮ ..

ﻧﺤﻦ ﻛﻠﻨﺎ ﺳﺎﻛﺘﻴﻦ ﻭﻫﻮ ﻳﻨﺎﻓﺲ ﺯﻱ ﺍﻟﺰﻭﻝ ﺍﻟﻜﺎﻥ ﺟﺎﺭﻱ ﻣﺴﺎﻓﺔ 10 ﻛﻴﻠﻮ ﺑﺪﻭﻥ ﺗﻮﻗﻒ .. ﻃﺒﻌﺎ ﺷﻜﻠﻮ

ﺍﺗﻐﻴﺮ ﻛﻠﻮ ﻛﻠﻮ .. ﻭﺷﻮ ﺑﻘﻰ ﺍﺳﻮﺩ ﻭﻋﻴﻮﻧﻮ ﺩﻳﻞ ﻣﻬﻀﻠﻤﺎﺕ ﻣﻮﻗﺎﺩﺭ ﻳﻔﺘﺤﻦ ﺯﻱ ﺍﻟﻨﺎﺱ ..

ﺍﻟﻄﻴﺐ ﺟﺎ ﺩﺍﺧﻞ ﻣﺪﺍ ﻟﻴﻬﻮ ﺍﻟﻤﻮﻳﺔ .. ﺷﺎﻝ ﻣﻦ ﺍﻟﻤﻮﻳﺔ ﻭﻫﻮ ﺑﻌﺎﻳﻦ ﻟﻴﻬﻮ ﻓﻲ ﻭﺷﻴﻬﻮ .. ﻭﻗﺎﻝ ﻟﻴﻬﻮ ﻗﻠﺘﻮ