ﺭﺍﺷﺪ ﻃﺒﻌﺎ ﻧﻜﺮﻧﻲ ﺣﻄﺐ . ﻗﺎﻝ ﻟﻲ .. ﻣﻮﺿﻮﻉ ﻧﺎﺩﻳﺔ ﻳﺎﺗﻮ ؟ .. ﺍﻧﺖ ﺍﻟﻈﺎﻫﺮ ﻣﺎﻋﺎﻳﺰ ﺗﺠﻴﺒﻬﺎ ﻣﻌﺎﻱ ﺍﻟﺒﺮ
ﻳﺎﺷﻤﺲ ﺍﻟﺪﻳﻦ .. ﻳﺎ ﺍﻣﺎ ﺍﻧﺖ ﻋﺒﻴﻂ ﺍﻭ ﺑﺘﺴﺘﻌﺒﻂ .. ﻳﻼ ﺳﻼﻡ .. ﻭﻗﻔﻞ ﺍﻟﺨﻂ ..
ﻋﻤﻚ ﻋﻤﺮ ﻗﻌﺪ ﻳﻌﺎﻳﻦ ﻟﻲ ﻛﺪﺍ .. ﺑﻲ ﻛﻞ ﻏﻀﺐ ﻭﻏﻴﻆ .. ﻭﻗﺎﻝ ﻟﻲ .. ﺍﺳﻤﻊ ﻳﺎﺷﻤﺸﺪﺱ ﺍﻟﺪﻳﻦ .. ﺍﻧﺎ
ﺭﻋﺎﻳﺔ ﻟﻠﺠﻴﺮﺓ .. ﻭﻟﻲ ﺍﻟﻌﺸﺮﺓ ﺍﻟﻜﺎﻧﺖ ﺑﻴﻨﺎ .. ﻭﻣﻌﺰﺗﻲ ﻻﺑﻮﻙ . . ﺡ ﺃﺳﻜﺖ ﻭﻣﺎ ﺡ ﺃﺳﻤﻌﻚ ﺍﻱ ﻛﻠﻤﺔ
ﻣﺎﺗﺮﺿﻴﻚ .. ﺑﺲ ﻟﻮ ﺳﻤﺤﺖ ﺗﺎﻧﻲ ﻣﺎﺗﺠﻴﻨﻲ ﺣﺎﻳﻢ ﺑﻲ ﺟﺎﻱ ..
ﻗﻠﺖ ﻟﻴﻬﻮ ﻃﻴﺐ ﺑﺲ ﺩﻗﻴﻘﺔ ﺍﺩﻳﻨﻲ ﻓﺮﺻﺔ ﻳﺎﻋﻢ ﻋﻤﺮ ..
ﻗﺎﻝ ﻟﻲ ﻣﻌﻠﻴﺶ ﻳﺎ ﺷﻤﺲ ﺍﻟﺪﻳﻦ .. ﺍﻧﺎ ﻣﺸﻐﻮﻝ ﺷﺪﻳﺪ .. ﻣﻊ ﺍﻟﺴﻼﻣﺔ ..
ﻃﺒﻌﺎ ﺍﻧﺎ ﻭﺍﻟﻠﻪ ﺑﻘﻴﺖ ﻓﻲ ﻣﻮﻗﻒ ..!! ﻣﺎ ﺗﺘﺨﻴﻠﻮ ﺍﺣﺴﺎﺳﻲ ﻓﻲ ﺍﻟﻠﺤﻈﺔ ﺩﻳﻚ .. ﺍﺗﻤﻨﻴﺖ ﺍﻟﻮﺍﻃﺔ ﺗﻨﺸﻖ
ﻭﺗﺒﻠﻌﻨﻲ .. ﺑﺲ ( ﻗﻠﺖ ﺣﺴﺒﻲ ﺍﻟﻠﻪ ﻭﻧﻌﻢ ﺍﻟﻮﻛﻴﻞ ) ....
ﻻﻣﻦ ﻗﻠﺖ ﺍﻟﻜﻠﻤﺔ ﺩﻱ .ﺣﺴﻴﺖ ﺑﻲ ﺭﺍﺣﺔ .. ﻭﺣﺴﻴﺖ ﺍﻧﻮ ﺭﺑﻨﺎ ﺡ ﻳﻘﻴﻒ ﻣﻌﺎﻱ ..
ﻭﻛﺖ ﻃﻠﻌﺖ ﻣﻨﻮ .. ﺍﺗﺼﻠﺖ ﻋﻠﻲ ﻧﺎﺩﻳﺔ ﻃﻮﺍﻟﻲ .. ﻗﺎﻟﺖ ﻟﻲ ﻳﺎﺷﻤﺲ ﺍﻟﺪﻳﻦ ﺍﻧﺖ ﻛﻠﻤﺖ ﺍﺑﻮﻱ ﺑﻤﻮﺿﻮﻉ
ﺍﻟﻌﺸﺮﺓ ﻣﻠﻴﻮﻥ؟
ﻗﻠﺖ ﻟﻴﻬﺎ .. ﺍﻳﻮﺓ ﻛﻠﻤﺘﻮ .. ﻭﻻﺯﻡ ﻛﻨﺖ ﺍﻛﻠﻤﻮ . ﻻﻧﻲ ﻣﺎ ﻗﺒﻼﻥ ﺗﻜﻮﻧﻲ ﻣﻊ ﺍﻟﺰﻭﻝ ﺍﻟﺤﻘﻴﺮ ﺩﻩ .. ﺑﺲ
ﻳﺎﺭﻳﺘﻨﻲ ﻟﻮ ﻣﺎ ﻛﻠﻤﺘﻮ .. ﻭﺣﻜﻴﺖ ﻟﻴﻬﺎ ﺗﻔﺎﺻﻴﻞ ﺍﻟﺤﺼﻞ ﻣﻊ ﺍﺑﻮﻫﺎ .. ﻭﻣﺎﻗﺪﺭﺕ ﻟﻴﻬﺎ ﺍﺗﻢ ﺍﻟﻜﻼﻡ .. ﺣﺴﻴﺖ
ﺑﻲ ﺣﺎﺟﺔ ﻭﻗﻔﺖ ﻟﻲ ﻓﻲ ﺣﻠﻘﻲ ..
ﻭﻧﺎﺩﻳﺔ ﺣﺴﺖ ﺑﻲ ﺍﻧﺎ ﻣﻀﺎﻳﻖ ﻗﺪﺭ ﻛﻴﻒ .. ﻗﺎﻟﺖ ﻟﻲ ﺍﺳﻤﻊ ﻳﺎﺷﻤﺲ ﺍﻟﺪﻳﻦ ﻭﻻﻳﻬﻤﻚ .. ﺍﻧﺖ ﻭﻗﻔﺖ ﻣﻌﺎﻱ
ﻛﺘﻴﺮ .. ﺍﻧﺎ ﺡ ﺃﻗﻴﻒ ﻣﻌﺎﻙ ﻫﺴﻊ
ﻭﺍﻟﻴﺤﺼﻞ ﻳﺤﺼﻞ ..
ﻃﺒﻌﺎ ﻳﺎ ﺷﻤﺲ ﺍﻟﺪﻳﻦ ..ﺍﻧﺖ ﻟﻤﻦ ﻃﻠﺒﺖ ﺍﻟﺘﻠﻔﻮﻥ ﻣﻦ ﺍﺑﻮﻱ ﻓﻲ ﺑﻴﺘﻜﻢ .. ﺍﺑﻮﻱ ﺟﺎ ﻗﺎﻝ ﺷﻤﺲ ﺍﻟﺪﻳﻦ
ﻃﻠﺐ ﺗﻠﻔﻮﻧﻲ .. ﻭﻣﺎﻋﺎﺭﻑ ﻃﺎﻟﺒﻮ ﻟﻴﻪ ..
ﻭﺍﺑﻮﻱ ﻭﻛﺖ ﻛﺎﻥ ﺑﺘﻜﻠﻢ ﺭﺍﺷﺪ ﻛﺎﻥ ﻗﺎﻋﺪ ﻓﻲ ﺑﻴﺘﻨﺎ .. ﻭﺳﻤﻊ ﺍﻟﻜﻼﻡ .. ﻭﻋﺮﻑ ﺍﻧﻚ ﻧﺎﻭﻱ ﺗﻜﻠﻢ ﺍﺑﻮﻱ
ﺑﻤﻮﺿﻮﻉ ﺍﻟﻘﺮﻭﺵ .. ﻭﺍﻧﺎ ﺍﺗﺼﻠﺖ ﻋﻠﻴﻚ ﺍﻟﺒﺎﺭﺡ .. ﻋﺸﺎﻥ ﺍﺣﻜﻲ ﻟﻴﻚ .. ﺑﺲ ﻟﻘﻴﺖ ﺗﻠﻔﻮﻧﻚ ﻣﻘﻔﻮﻝ .. ﺑﺲ
