ﺍﻫﺎ ﻳﺎﺯﻭﻝ ﻭﻛﺖ ﻭﺻﻠﻨﺎ ﺍﻟﺒﻴﺖ ..ﺩﺳﻴﻨﺎ ﺍﻟﻌﺼﻲ ﻭﺍﻟﺤﺒﺎﻝ ﻓﻲ ﺍﻟﻤﺨﺰﻥ .. ﻭﻣﻨﺘﻈﺮﻧﻮ ﻟﻤﻦ ﻳﺠﻲ .. ﻭﺍﺑﻴﻨﺎ
ﻧﻜﻠﻢ ﺍﻟﻮﺍﻟﺪﺓ ﺑﺎﻟﺸﻲ ﺍﻟﻨﺎﻭﻳﻦ ﻋﻠﻴﻬﻮ .. ﻻﻧﻬﺎ ﺑﺎﻟﺘﺄﻛﻴﺪ ﺡ ﺗﻤﻨﻌﻨﺎ .. ﻭﺑﻘﻴﻨﺎ ﻣﻨﺘﻈﺮﻳﻦ ﺍﺑﻮﻱ ﻳﺠﻲ .. ﻋﺸﺎﻥ
ﻧﺎﺧﺪ ﻣﻨﻮ ﺍﻟﻤﻮﺍﻓﻘﺔ .. ﻭﻛﻨﺖ ﻣﺘﺄﻛﺪ ﺍﻧﻮ ﺍﻭﺑﻮﻱ ﺡ ﻳﻮﺍﻓﻖ .. ﻛﻤﺎﻥ ﻣﻤﻜﻦ ﻳﺴﺎﻋﺪ ﻓﻲ ﺍﻟﻤﻮﺿﻮﻉ ..
ﻭﺻﺎﻟﺢ ﻟﺴﻊ ﻣﺎﺟﺎ .. ﻭﺍﻟﻮﺍﻃﺔ ﻣﺎﺷﺔ ﻗﺮﻳﺐ ﺍﻟﺴﺎﻋﺔ ﺧﻤﺴﺔ ﻋﺼﺮ ..
ﻧﺤﻦ ﻛﻨﺎ ﻗﺎﻋﺪﻳﻦ ﻓﻲ ﺍﻟﺪﻳﻮﺍﻥ .. ﺍﻟﻄﻴﺐ ﺗﻠﻔﻮﻧﻮ ﻳﺪﻕ ﻭﻣﺎﺑﺮﺩ ﻋﻠﻴﻬﻮ . ﻗﻠﺖ ﻟﻴﻬﻮ ﻟﻴﻪ ﻣﺎﺑﺘﺮﺩ .. ﻗﺎﻝ ﺩﻳﻞ
ﺍﺻﺤﺎﺑﻲ .. ﺩﺍﻳﺮﻳﻦ ﻳﺠﻮ ﻫﻨﺎ .. ﻭﺍﻧﺎ ﻣﺎﻋﺎﻳﺰﻫﻢ ﻳﺤﻀﺮﻭ ﺍﻟﻜﻴﺘﺔ ( ﺍﻟﺪﻗﺔ) .. ﻗﻠﺖ ﻟﻴﻬﻮ ﺍﺣﺴﻦ . ﺧﻼﺹ
ﺍﻗﻔﻞ ﺗﻠﻔﻮﻧﻚ .
ﺑﻌﺪ ﺷﻮﻳﺔ ﺟﺎﺕ ﺳﺎﺭﺓ ﻭﻗﻔﺖ ﻗﺪﺍﻣﻨﺎ ﻛﺪﻱ ﻭﻏﺰﺕ ﻛﻮﻋﺎ .. ﻭﻗﺎﻟﺖ ﻟﻲ ﻳﺎ ﺷﻤﺲ ﺍﻟﺪﻳﻦ ﺍﻧﺘﻮ ﻓﻲ ﺷﻨﻮ ﻓﻲ
ﺍﻟﺒﻴﺖ ﺩﻩ ؟
ﻗﻠﺖ ﻟﻴﻬﺎ ﻓﻲ ﺷﻨﻮ؟
ﻗﺎﻟﺖ ﻟﻲ ﺍﻧﺘﻮ ﻋﻨﺪﻛﻢ ﺗﺤﺮﻛﺎﺕ ﻣﺎ ﻋﺎﺩﻳﺔ .. ﻭﻣﻦ ﺟﻴﺘﻮ ﺩﺍﺧﻠﻴﻦ ﺑﺘﺘﻮﺳﻮﺳﻮ . ﻭﺑﺘﻌﻤﻠﻮ ﻓﻲ ﺣﺮﻛﺎﺕ ..
ﻭﺩﺧﻠﺘﻮ ﺣﺎﺟﺔ ﻓﻲ ﺍﻟﻤﺨﺰﻥ .. ﻭﺍﻧﺎ ﺑﻌﺎﻳﻦ ﻟﻠﻄﻴﺐ ﻗﻔﻞ ﺍﻟﻤﺨﺰﻥ ﻭﻫﻮ ﺑﺘﻠﻔﺖ ..
ﺑﻌﺪﻳﻦ ﻳﺎﺷﻤﺲ ﺍﻟﺪﻳﻦ . ﺻﺎﻟﺢ ﺍﺧﻮﻱ ﺩﻩ ﻣﺎ ﻃﺒﻴﻌﻲ . ﻓﻲ ﺷﻨﻮ ﺑﺎﻟﻀﺒﻂ . ﺍﻭﻋﺎ ﻳﻜﻮﻥ ﺻﺎﻟﺢ ﺍﺧﻮﻱ ﻋﻴﺎﻥ
ﻭﺍﻧﺘﻮ ﻣﺎﺩﺍﻳﺮﻳﻦ ﺗﻜﻠﻤﻮﻧﻲ ..
ﻗﻠﺖ ﻟﻴﻬﺎ ﻳﺎﺳﺎﺭﺓ ﻣﺎﻓﻲ ﺣﺎﺟﺔ ﻣﻦ ﺍﻟﻤﻮﺿﻮﻉ ﺩﻩ .. ﻣﻤﻜﻦ ﺍﻃﻠﺐ ﻣﻨﻚ ﻃﻠﺐ . ﺳﻮﻗﻲ ﺍﺧﺘﻚ ﻭﺍﻣﺸﻦ
ﺍﺗﻮﻧﺴﻦ ﻣﻊ ﻧﺎﺱ ﻋﻤﺘﻚ .. ﻭﺑﻌﺪﻳﻦ ﻧﺤﻦ ﺑﻨﺠﻲ ﻧﺴﻮﻗﻜﻦ .. ﻗﺎﻟﺖ ﻟﻲ ﻻﻻ ﻣﺎ ﻣﺎﺷﺔ ﻣﺎﻋﻨﺪﻱ ﺭﻏﺒﺔ ﺍﻃﻠﻊ
ﻣﻦ ﺍﻟﺒﻴﺖ ﺍﻧﺎ . ﻭﻻ ﻋﻨﺪﻱ ﺣﺎﺟﺔ ﺍﻃﻠﻊ ﺑﻴﻬﺎ .. ﻫﺪﻭﻣﻲ ﺑﺘﺎﻋﺔ ﺍﻟﻄﻠﻌﺔ ﻓﻲ ﺍﻟﻐﺴﻴﻞ ..
ﺑﻌﺪ ﺳﺎﺭﺓ ﻓﺎﺗﺖ .. ﻗﻠﺖ ﻟﻲ ﺍﻟﻄﻴﺐ ﻋﺎﺭﻑ ﻣﻌﻨﺎﻫﺎ ﺳﺎﺭﺓ ﺍﻟﻠﻴﻠﺔ ﺣﺘﺤﻀﺮ ﺍﻟﻌﻤﻜﺔ .. ﻣﺨﻴﺮﺍﺕ .. ﺧﻠﻴﻬﻦ
ﻳﺤﻀﺮﻥ ﻣﺎ ﺡ ﻧﺸﺘﻐﻞ ﺑﻴﻬﻦ ﺍﻟﺸﻐﻠﺔ .
ﻗﺎﻝ ﻟﻲ ﻻﻻ ﻧﺤﻦ ﺍﻟﺰﻭﻝ ﺩﻩ ﻻﻣﻦ ﻳﺠﻲ .. ﺑﻨﻘﻔﻞ ﻋﻠﻴﻬﻮ ﺑﺎﺏ ﺍﻟﺼﺎﻟﻮﻥ ﻣﻦ ﺟﻮﺓ .. ﻟﺤﺪﻱ ﻣﺎﻧﻨﺘﻬﻲ ﻣﻨﻮ
.. ﻣﺎﻓﻲ ﻭﺍﺣﺪﺓ ﻣﻨﻬﻦ ﻻﻫﻦ ﻭﻻ ﺍﻣﻬﻦ ﺗﻘﺪﺭ ﺗﺪﺧﻞ ﻋﻠﻴﻨﺎ ﺗﺤﺠﺰﻭ ﻣﻨﻨﺎ ..
