"Mga nakaw na sandali
Mga sandaling
puno ng pighati
Masilayan lamang
ang iyong mga ngiti
Damdamin ko
ay hindi ko rin mawari.
Hahaha!
Nakakatawa.
Bakit ko nga ba ito nadarama?
Gayong matagal na kayong nagsasama
Kayo
ng babaeng lubos mong sinisinta
Kitang-kita
sa iyong mga mata.Oo,
alam ko.
Alam ko
kung anong meron kayo
Halos ipagsigawan niyo 'yun sa mundo
Kaya't hindi ko alam
kung ba't nadarama ko parin ito.
Bakit iniisip kong hindi ka masaya?
Gayong namumutawi iyong ngiti
sa tuwing kasama mo siya.
Bakit iniisip kong binabalewala ka niya?
Gayong matalino ka
at hindi ka naman siguro
tanga.
Ewan.
Siguro'y lumilikha ako ng sarili kong pinaniniwalaan
Kasi hindi ko maiwaksi ang katotohanan
na sa iyo
ay mayroon akong nararamdaman.
Oo.
Mayroon ako sa iyong nararamdaman
Na hindi malalaman
ng kahit na sino man
Na mananatiling lihim
magpakailanman
Pagka't ito
ay walang patutunguhan.
Walang patutunguhan
kasi hindi mo ako magugustuhan
kailanman
Kaya't palihim nalang kitang pagmamasdan
Habang hindi pa nakatingin
ang iyong kasintahan
Habang may ngiti ka pang maitatapon
ng pandalian
Panandalian.
Ngiting hindi ako ang dahilan
Ngiti.
Mga nakaw na sandali
Kasalanang
sa tiwala ay babali
Hindi.
Hindi maaari.
Maaari.
Oo,
maaari
Maaaring mawala
koneksyong kakaunti
Ayoko.
Kaya sige
magpakatatag kayo.
Hindi ko nais na sabihin ito.
Masakit.
Masakit sa loob-loob ko.
Pero
ayokong masira
ang pangalan ko sa'yo
Ayos lang ako.
Tama.
Ayos nga lang ako.
Ayos lang akong tingnan kayo
At tahimik na mangarap
na mapapasa'kin ka rin sa hinaharap
Mapapasa'kin ka rin.
Kung hindi ma'y
siguro ayos lang din
Taimtim nalang akong mananalangin
Hanggang sa kahuli-hulihang liwanag ng bituin
Kaligayahan mo
ang tangi kong hihilingin."--- Ly Chasen
YOU ARE READING
Angel in Disguise
PoetryInspired by Alyloony's Angel in Disguise. You must read it, it's worth it. Aaaaaaand A fusion of some of my written poems.