يلاه اترجع تسد عليها الحمام وهو يحبسها : نوووو ماشي بهاد السهولة
ريهام: طلق نني الخرا ..وخرج من بيييتي
نوح: شدها كرازاها مع الحيط: ماخارجش ..بقا مركز الشوفة ف عينيها نزل لفمها ونزل لعنقها وهبط عينو ل كرشها وتحولو شوفاتو لغضب ..بلا شعوور هز يدو وحطها على كرشها وتايدوز عليها بشوية ف لحظة زير عليها حتى غوتات ريهام ونزلو الدموع من عينيها : طلق مني وعتييييني حرام علييك
نوح: والدمعة ف عينو ولكن مكابر باش ماتنزلش ؛ ونتي وعتييني هنا وتااشر لقلبو ،،علاش هو تحملي منو اااه وانا كبرتي فيا ولد ولا بنت منك ..زاد زير عليها حتى كاتحس بالنفس كاطلع بزز: دوي دابا نقتلو لمك هادشب لي فكرشك ..هادشي لي فرحانين بيه نسيفطو للقبر
ريهام: استجمعت قوتها بالاخص ولا الامر تايخص بنتها لي شافت عليها الويل ،هزات رجلها وعطاتها ليه المعلم على جهدها طلق منها وشد فيه وهو مكوانسي وجهو ولا حمر ومابقاش يقدر يهدر: 😡😡 خرج تقود الحمار .جاني سبوع ولد خويا اما نربي طواسل مك ونخليهم يجيو يفرشخوك وتعلم كفاش تدخل على مرات الراجل..حمد الله ينيس ماشافكش اما يدوز عليك من الودن للودن حيت هو راااااااجل و عندو كلشي فيه اللعب الا الشرف و العرض ..ودابا ادرق كمارتك عليا لي كانكرها وكانشوفها كاتشدني التغيليفة واتهبط عند قحبتك لي مريض نتا وياها وواتتيتو بعضياتكم وانااااا فووووووتني علييييك ..حيت لي بحالك كانشوفهم ف للزنقة كاندفل عليهم ...انا عوضني ربي بماحسن منك ونتا عوضك ربي بنا كفس مني ..كل واحد رزقو الله على قد نيتو ..و بلييييييز مانحملش نبقا نشووووفك كادور بساحتي ماشي حيت كاترجع ليا الدكريات ولا كاتحيي المشاعرلا لا لا راه حيت كانشوفك كانشفق علييييك وكانزيد نكرهك ف نفس الوقت ..فهم واحد الحاجة عمري نكووون لك انااااا مزوجة وتاااانبغي رااااااجلي ..ونتا ديها ف مراتك وولدك
نوح بالدقة لي كلا والهدرة لي سمع وقف لها وقجها وضربها على الحيط : الا كانت شوفتي كانتدبح من الودن الودن تريحك غيى خليها يديرها ..ولكن نديك معايا حيت مستحيييل نخليك معاااه فهمتي
دفعاااتو؛ نتااااااا مرييض سير دااااوا و فوتني عليك
نوح: ها نتي بفمك قلتي انا مريييض ف استحملي اش ايخرج من هاد المريض ..باسها ف عنقها وخرج
ف الطريق تلاقا مع سارة لي يلاه طالعة عندها شافتو هابط مخنزر و تايسوط وعرفاتو كان عند ريهام بلا ماتهدر نعاه طلعت عندها كاتجري لقاتها باقا بلاصتها جامعة رجليها عندها وخاشيى راسها وسطهم وكاتبكي ..هبطت عندها سارة وعنقتها بلا ماتهدر معاها خلاتها حتى بردت شوية وهدرت : دابا البكا مامنو وااالو نوضي بدلي واجي نهبطو راه انتعطلو على ينيس ويصدق طالع ويشوفك بهاد الحالة
ريهام: هئ هئ الحمااار كان ايقتل ليا بنتي اسارة ..والله لادوزتها ليه
سارة: ماكاينش لي يقدر يقرب لك
ريهام: اش بغاااااا عنظي ياااااك مشا عاش حياتو ..علاااش رجع نسيييتو بزز ودازت عليا ودابا رجع ...ندمت حتى جيييت ندمت سارة؛انا انهبط لواالديه نجر ليه ودنيه
.ريهام: غير جلسي عطيتو علاش يدور ..ياك تزوج و مراتو حاملة وخا كرشها ماااااشي ديال 6 شهوور يعني حاااملة منو قببل مانعرف انا وما بغيتش نههدر ونزيد نخلق المشاكل ..اما الا بقا تايدور عليا وبربي حتا نعلم العائلة كاملة بهاداكشي لي داير
سارة: صافي نسايه عليك .ياك وليتي قوية وهاظاكشي لي داز عليك غير مازاد قواك.نسيييتيه وعيييشي حياتك ديها ف بنتك و راجلك وخليه هو سباب هادشي كامل هو الندم لي واكلو .وخا هو خويا وعزيز عليا ولكن هاداكشي لي دار لا يغتفر ..خليه يتعدب ويعرف بقيمتك ويعرف انو باعك بالرخيص
ريهام كاتبكي : االه ياخد فيه الحق واش ماكفاهش اشنو داز عليا كن ماكنتيش نتي و ينيس كن راني مت..فيين كان هو مني بغيت نتاحر فييين ولا كان عايش ااحياة هاديك الساعة
سارة: نساي قلت لك ..حنت مابقا قد مافات وانزيدو بحالنا وشوفي واش اتلقايه من بعد ولا لا ..
ريهام؛ عنقت يارة: كانحمد الله ونشكرو انك ف حياتي كن كانت عندي ختي شقيقتي ماكانتتش دير معايا هاكا
سارة: ريهام بغيت نقولك واحد الحاجة وماتقلقيش
ريهام: عمري نتقلق منك غير هدري
سارة: واااش قرارك واتقة منو ماتندميش عليه من بعد؟
ريهام: جاااامي نندم عليه ..حنا 3 الناس لي عارفين هاد السر وايبقا بيناتنا حتا نموتو و مايخرجش
سارة: اوكي حبيبتي كوني هانية ونووضي خلينا نهبطو راه ناوية نفقص موكة
ريهام: وعاونيني نبدل خوك راه هرس ليا ضلوعي الله يلقيها له
ناضت سارة عاونت ريهام حيدت لها التكشيطة ولقاتها دايرة لاكين ؛ اش كاتخربقي نتي لااااش دايرة هاد الزفتة واش باغا تقتلي بنتك
ريهام: نتي عارفة لي كاين اصلا انلبس فراشة ونحيدها
سارة: انا كاتغمقي عليا بجوج كلمات ام يشوفك ينيس دايراها والله حتى يفرشخك
ريهام: الا ماوصلتيها ليه نتي ماكاين كي يدير يعرفها
عاوناتها حيدات لها لاكين ولقات صباع نوح مطراسيين: الله يعطيه الهرس المجعور لاخر .جاب الله لقا عليك التوب شوية
ريهام دوزت يدها على كرشهاوماهدرتش .لبساتها سارة فراشة ف الغوز و حيدت لها لاكين لي كانت مزيراها و قادات ليه ماكياج خفيف ..جمعت شعرها شدة مطلوقة ..لبست بليغة ف الغوو فونصي .بدلت سارة عليها لي حتا هي لبست فراشة ف البيسطاش و سباط دوغي دارت ماكياج جديد ونزلو تقول ماشي هما لي كانو كايتباكاو الفوق ..هبطو ورجعو جلسو ف الطبلة ريهام ضربت على نوح لقاتو حاضيها غير شافها شافت فيه وهو يبوس ايلينا باغي يفقصها زعما ههههه اودي شكون داها فيك ا روينة نهار العيد ..
سارة ناضت لعند الديدجي ة علقت ليه 500 طلبت منو يدير واحد اللاغنية وتوجهت ل ريهام وينيس جرتهم يشطحو معاها وهي مامسوقاااااااش لمروان لي تايتغدد ..بدات الاغنية وهي كاتغني معاها هي وريهام و مامسوقييينش للبشر ..شافوهم العاءلة و مشاو لعندهم و بدا كلشب تايشطح من غير نوح و ايلينا ومروان و سميرة لي بقاو ف بلاصتهم
نوح لي تايشوف ريهام بحال الفراشة وينيس شاد من خصرها كايشطحو والابتسامة مافارقتش وجهم ..بكل عصب الدنيا والدين وبدون ماينتبه لجداه: هاد الخراوات ماعندهمش ااشراب طيبو ليا مصارني باتاي تفوووو
الجدة نغزاتو بعكازها: تبارك الله على السكايري ..نوض نوض جر سليعفانتك ونوضو تشطحو ونتا اطرطق ف بلاصتك وليني قالوها اللوالةلي دارها بيديه يفكها بسنيه
نوح: فوتيني عليك بقا ليا اششطيح
الجدة؛ لي دار الدنب يستاهل العقوبة ..ونتا نيييت اوليييدي ديتي غي عقوبة كلها عظومة ماعندك منين تشد
نوح؛ ونااااااري ا ميمة ماكاتسكتيش..تنت انوضها تشطح باش نتهنا غير من لغيطك
نوح شد من ايلينا وجرها لوسط حدا عائلتو كايشطح معاها ولكن عينو مركزة ف بلاصة وحدة لي هي ريهام
اما سارة ف عطاتها للدردديك وبردت غدايدها ..طلبت من الديدجي يعاود الاغنيه وخي كاتغني معاه ..مشات لحدا الطبلة ديال مروان وسميرة وبداات تغني وكاتشطح مع جداها اما سميرة فاطرطق عرفت المسج عليها ..ومروان غير مقابلها كيفاش كاتمايل
سيدتي، كرهتيلي حياتي
مابين كاع الرجال، بان لك غا حبيبي
و علاه سيدتي، دخلتي في حياتي
مابين كاع الرجال، بان لك غا حبيبي
بغيتي نديرو La guerre
راكي خاسرة ف L'affaire
ماتقربيش لعنده، أو عاطيني قلبه
وهايا وهايا وهايا وهايا
و علاه سيدتي، كرهتيلي حياتي
مابين كاع الرجال، بان لك غا حبيبي
واه عارفاته عشقي، مانسمحش في حقي
هادي مانفوتهاش، بحبيبي مانسخاش
وهايا وهايا وهايا وهايا
سيدتي، دخلتي في حياتي
مابين كاع الرجال، بان لك غا حبيبي
علاه سيدتي، كرهتيلي حياتي
مابين كاع الرجال، بان لك غا حبيبي
شافت مزياااان ف سميرة وعينها ف عينها وهدرت معاها بكلام الاغنيه:حكايتك غريبة، عقلية مصيبة
وا عطينا تيساع، جامي تديه دراع..
خلاتها اتفركع اما مروان ف مشا يحماق مافهمش اش بغات تعني بهاد.الاغنية وااش مازل عينها فيه ولا نساتو ..دورت عليهم وجها وهو يبان ليها مراد.وقف ف باب القاعة مربع يديه ومكسطر مطلع حاجب ومنزل لاخر ..شافتو ومشات لعندو وقفت قدامو وهي كاتبتسم؛ ياك ماكنتيش جاي
مراد: جاي نشوف الشيخة تسونامي لي محيحة ليا هنا
سارة: اجي اجي سلم على نبيل
مراد: ممم قلبي الموضوع ..ولكن من بعد ونهدرو فيييه اااا حكايتك غرييبة
(غدا انشاء الله نحط ليكم فحال ليوم 3 اجزاء ف صباح و 3 ف ليل)
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
