في قلبي انثى دكالية 1

32

خرج نوح  من السببطار جا داهم  جايك  لي جاب  حوايج  ليه  و لريهام  اكيد  بعد توصيات  نوح ..كيف  وصلو  للدار العاءلة كلها    مجموعة  و حتى  جايكوب  كاين ضرب فيهم و زاد  يطلع لبيتو حتى دار  عند ريهام لي واقفة : ماناوياش طلعي  ولا بغياي نعودو الفيلم ديال  الصباح
تبعاتو  ريهام بلا ماتهدر ..دخلو  للبيت لي قادتو الخدامة من بعد  مارونو نوح ..دخل نيشان  للدوش  و ريهام بدلات عليها و خرجات  للبالكون ..خرج هو كاينشف  شعرو  مشا  لعندها البالكون و جلس فوق الكرسي دارت شافت فيه  و رجعات كاتشوف  فين كانت  و هدرت: دخل للداخل راك يلاه  مدوش  و ايضربك  البرد
نوح: كانهمك  لهاد الدرجة
ريهام: الا نتا عندك صحتي زايدة  ناقصة  ف انا لا صحتك  كتهمني
نوح: و حتى نتي صحتك  كتهمني وكلك  كاتهميني
ريهام: باينة غير من العصا لي  كاتعطيتي  تقول  مزوج بهيمة ماشي  مرا و هادشي يا حسرا راني  بنت  عمك ..صراحة  كان عليك  تزوج  سميرة انا  غي تعديتي  عليا
نوح وقف و جا من موراها  و عنقها : و انا ماكانبغيش سميرة
ريهام بقات  ف بلاصتها ؛ و شكون كاتبغي كاتي ؟ولا  الينا ؟
نوح : كانبغي  ريييهام و كانتوفى عليها ونقدر نقتل  على قبلها
ريهام: لي تايبغيي ماكاياديش ..ونتا اديتيني
نوح شدها  من يدها  و دخلها لبيت جلسها  فوق الناموسسة وهو بقا واقف و تايشوف فيها : ونتي كاديري  علاش.. عرفتي شنو انحاول نسا البلان لي طرا  اليوم ماشي خوفا منك و لا من لي جالسين لتحت ولكن  خوفا  علييك مني  حيت كانتفكرو كانولي  كلي نترعد
ريهام : كاتبكي  بصمت  و دموعها  هابطين
نوح: دبا لاش  كاتهرني  ؟
ريهام ؛ شوف نتا هئ هئ هدرتك كلها  تهديد  و انا  مادرت  والو ...عكسك  ننتا لي جالس  كاتباوس ليا مع كاتي  و قدااام  عيني مادرتيش  ليا اعتبار ..كن درتها انا كن عطبتيني من شي  قنت
نوح : كن درتيها  نتي نقتلك  اريهام كلشيييي الا هاد البلان
ريهام: ااااه نتا حلال  عليك وانا  حراااام عليا ...بزاف على الحكام  ا نوووح  عيقتي
نوح:انا هاكا داير و مانتبدلش حاجتي  مانحملش لي يقرب لها
ريهام؛ دبا انا  وليت حاجة ..يعني قضية  انك كاتبغيني غير  نحيدها ..حيت حبك ليا مجرد حب امتلاك
نوح: اعتبريها  كيفما بغيتي حاجة  وحدة لي ديري ف دماغك  عمرك  تستفزيني لانك ا رييهام رجعتي نوح  الخايب لي كنت كانحاول نبقا مخبيه سنبن هادي
ريهام: مممم قول  مخبيه مني كنتي  مع الينا ..كلهم كاتعامل معاهم مزيان كاتوصل  عندي  كاتعواج
نوح بالغوات: لاااااااش كاتجبدي  سمية هاديك  الخرية ..سدييينا  موضوعها شحااال  هدا
ريهام؛ باين سديتيه غير من ردة فعلك ..الله يهديك على نفسك  و يهديك عليا ..
ناضت دخلات  للحمام تبكي على زهرها وخلااتو  هو برا يكمي  و يعاود  و كطيح  ف بالو  الينا مهما كان  راه كان  تايغيها  و صعييييب القلب ينسى كلشي ف دقة
خرجات ريهام عينها حمرين تلاحت  ف وق الناموسية  و تغطات  ماتسوقاتش  ليه حيت صافي عيياات من اسلوبو ..شافها  هاكاك جا تخشا  حداها و عنقها  خشا  راسو ف عنقها ونعس
ريهام ضرباتها الفيقة  ف نص الليل دورات  وجها  لنوح لي ناعس  حداها و رامي  يدو عليها حتى ف نعاسو  خاسر  عاقد حجبانو
.هزات  يدها كادوزها بين عينيه باش يرخي  التخنزيرة ..بدات يدها ماتسرح بيها لحنيكاتو  ا عينيه  ل فمو ل لحيتو  ل شعرو .ااااااخ  ا نوح  لوكان  تعرف  شحال كانبغيك ..باستو بوسة  خفيفة  ف فمو ..شوية شدات  فمها بيدها و مزيرة  عليييه باش مايتسمعش صوت شهقاتها ..بدات كاتبكي  مني تفكرات نوح طايح  على طولتو .ماتصورش حياتها بلا بيه  و خا صعيب و خايب  و قبيييح  ولكن كاتبغيه  هدا هو الحب تبغي لواحد بعيوبو قبل  مزاياه ..بقات كاتبكي و كادوز يدها التانية على شعرو  و كاتقرب حتى لعنقو وتشم ريحتو مزياااان بحالا  كادخلها لضلوعها ...كيف كاتغمض عينيها وتشوف حياتها بلا نوح  كاتمرض  و تبدا  تنخصص .قربت حداه و طبعت  قبلة على  صدرو  العاري وقالت بصوت  هامس  و غالب عليه البكا : الله  يخليييك  ليا ..
ناضت من حظاه بشوية دخلت للحمام توضات  و خرجت فرشت الصلاية  و صلات ركعتين ..كملت و دارت الدعاء ماحسات  براسها حتى بدات  كاتشهق و هي كادعي : ياااااربي تفرجها عليا من عندك ..يارب تحفظ ليا راجلي وتخليه قرة عيني و تخليني قرة عينيه ..هئ هئ يااااااارب العزيز  الا توريني فيه  ما يضرني  راه ناكانتخيلش حياتيي بلا بيه ..يارب تحنن قلبو عليا..كملت الدعاء لله تعالي  و مسحت وجها بكف  يديها جمعات صلايتها يلاه اتحيد  العباية وهي تسمع : الله  يقبل
دارت  لقتو نوح متكي  ف بلاصتو  وتايشوف فيها : امين .حيدات  زيفها و علقاتو هو ووالعباية و نوح  حاضي حركاتها . جات حداه تكات  ف بلاصتها و عطاتو  بالضهر ..ف لحظةة تلاح  عليها  من لور  عنقها و زير  عليها : كانبغيييك ونفديك بحياتي .. عمرك  تخلاي  علبا اريهام عمرك ..
نعسو  احبابنا على امل  غد افضل ..فاقت ريهام  الصباح كاتكسل مالقاتش  حداها نوح ..دخلت غسلات وبدلات هزات  بورطابلها لقات فيه مسج من عند نوح ؛ حبيبة انا  ف للخدمة انحاول نجي  بكري باش نمشيو  لدارنا كانبغيك
هبطات عندهم  للفيلا ل تحت