نوح شاف مطولا ف ريهام و مشا لعند باه ..دخل بغا يبوس يدو وهو يبعدها
نوح باستغراب : اش درت كااع حتى تعاملني هاكا
محمد: قلبي غضبان عليك ليوم الدين ..على اخر يامي يولي عندي حفيد من ايلينا
نوح بصدمة: كيفاش عرفتي
محمد؛ ديرها غير زوينة توصل توصل ..مني يا لمسخوط طاح الفاس ف الراس جي عندي ونلقاو حل ماشي بقيتي قارق على مصيبتك ونتا عند بالك حتى واحد ماعارف
نوح؛ شكون قالها لك
محمد؛ ويليام برجلو جا و خبرني بالموضوع ..خسارة تربيتي فيك
نوح باللعصاب: والله حتى ندبح مو ..ناااااري وتلقاه قدامي ظابا
محمد؛ جلس للارض و طيرانك وخفتك لي جابوها لك ا وليدي ..مني باغي تفسد ماتزوجش
نوح؛ 😡 اهم حاجة عندي ف هاد الزبل كامل ريهام ماتعرفش ..والبيبي ايلينا اطيحو للعين شافت لاقللب وجع
محمد: الله يلكيها لك اوليدي واش نتا داير منتيف و مازاال باغي تزيد تكمل بقتل روح واش ماكاتفكرش غدا ملقاك مع الله ..وهاداك للبيبي اش دنبو الا مو و باه ناس مستهترين ..اما بخصوص ريهام ف هي عااااااارفة ومن قبل مني كاع غير ساكتة
نوح؛ 😳😳😳
محمد: ايييييه و دابا براتها توصلها حسن مافضيحتك توصل للمغرب ويدخل كلشي
نوح ماجاوبوش وخرج برا نيشان لبيت ريهام لقا عندها سارة اما مروان ف مشا يبدل عليه هاديك الحالة
شاف ف سارة : برا نتيا
سارة خرجت وشدت الباب عرفت الموضوع بخصوص الحمل لان وجه نوح ماتايبشرش بالخير
شاف ف ريهام لي عاطياه بالضهر دار لعند ها جر كرسي وجلس تايشوف فيها وهي مغمضة عينيها ماحاملاش تشوف فيه بقا ساكت شحال ونطق
:من امتى ونتي عارفة
ريهام: لارد
نوح: شد ليها يدها ونترتها : وخا ما انقيسكش نن امتا ونتي عارفة
ريهام: جاوباتو وهي مغمضة عينيها: مني كنت ف المغرب
نوح: تنهد: وكيفاش عرفتي
ريهام: ماتايهمش .مهم عرفت ..حلت عينيها وشافت مباشرة ف عينيه : خنتيني و حاملة منك ودابا بكل جراه جاي تسولني امتا عرفت اااه ولا باغي تلقا ل راسك مبررات وترجع عليا اللومة ..سمعني مزيان نقولك انا وياك سالينا
نوح: طلبي كلشي الا الفراق راه مانقدرش نعيش بلا بيك .وايلينا اطيح البيبي
ريهام: هههه خلي على الاقل شي حاجة زوينة نتفكرك بيها ونتا غير ماكاتزيد تبين ليا قلة رجولتك .اشنو دنب ولدك طيحو اااه ..ياك نتا كنتي باغي الاولاد ها ربي عطاهم لك غير تهلا فيهم
نوح: قرب منها وبغا يعنقها حبساتو بيظها : انا باغي لولاد منك ماشي منها ا ريهام انا غلطت وكانواعدك عمري نعاود
ريهام: نتا مافهمتينيش انا انشرح لك الوضع بطريقتك انا لابقيت معاك عمرك تحلم باللاولاد معايا تانيا يا ا ما انقتلك يا اما نقتل راسي حيت بالعربية الشوفة فيك ولات كاتجيب ليا الردة ..لمرة وحدة ف حياتك دير المزيان و طلقني خليني نعيش حياتي ..غير هاد المرة ماطلعش شماتة وكن معايا راجل
نوح: 😡😡 ريهام صوني لسانك شفتك زدتي فيه ..انا راجل و بزاف على والدين مك ..والا سكت لك غير لوضعك اما انا كانبقا راااااجل نفسد ونعاود ونبقا راجل و ماتلومينيش حيت نتي السباب ف هادشي حارماني من الاولاد ...ودابا لابغيتي براتك راااك واقيلة مسينية بلا املاكك كلها ملكي
ريهام: ههههههههه كانشوف راسي شحال كنت غبيه مني تيقت انك كاتبغيني ...الا كانو املاكي يبعدوك مني ف خودهم ونزيدك فوقهم غير مانبقاش معااااك حيت وليتي كاتبان ليا غير زبل ف زبل ..و طحتي من عيني بزااااف وكن ماكنتي ولد عمي كنت نضرب بك الطر ولكن حرز عليك عمي مسكين ودابا برا باغا نرتاح
نوح وقف تقابل مع وجها وهز يدو كان ايضربها هي بالخوف غمضت عينيها وضربها ف الحيط تكا على شفايفها باسهم بوسة طويلة و خرج
غير خرج نوح بدات تمسح ف فمها و دفل عيفها و نوض عليها خاطرها ..جات عنظها سارة و طلبتها تمشي للدار تجيب لها حوايجها و بورطابلها ووراقها و فعلا هاظاكشي لي كان ..جمعت كل ماكايهم ريهام و حتى سارة جمعت حوايجها حطات هاظاكشي ف بيت ريهام و خرجت تشوف باباها ..تلقات مع مراد لب يلاه دخل شافها جا تايجري عنظها و عنقها هي تصدمت ماتوقعتوش يجي :اش تادير هنا ؟ كيفاش عرفتيني انا هنا ؟
مراد: بارتباك : قالها ليا سمير بلا خالك دار اكسيدو
سارة؛ حنات راسها : راه ريهام ضربها خويا
مراد: الله يصاوب لهم
سارة: ايطلقو ..مهم نخليك ماكانش عليك تمحن راسك وتجي
بغات تمشي وهو يشدها من يدها : واش حماقيتي انا جاي من بلاد لبلاد على ودك ونتي كاتقولي ليا نخليك ..راه توحشتك اسارة
سارة: طلق مني اوييلي واش هدا وقت الهدرة و زايدون مابقا بيناتنا كلام من لي طرا موخرا
مراد؛ 😡 زير لها على يدها: راه مازال مانسيت لك البلان لي درتي ليا ف كازا مي هانية
سارة: نترات يدها : شفتك بحالا كاتحاسب نعايا ...مراد انا وانت كناااا اصدقا و ندمتيني نهار قبلت بصداقتك
مراد: وانا ماباغيش مجرد صداقة
مازال ماكمل هدرتو وهو يوقف مروان مستغرب نن وجود مراد
: خنزر فيه :نتا اش تادير هنا واش ماكفاتكش القتلة ديال العصا لي كليتي
مراد: بغا يجاوب وهي تحبسو سارة: انا لي طلبتو يجي محتاجة ل شي واحد يوقف بجنبي ف هاد الضروف .مراد يلاه نمشيو بابا كايتسنا
زادت وخلا مروان مايتغدد ويعض ف شفتو للتحتانية
مشا لعند ختو لي لقااها جالسة والهم باين على وجها رغم ابتسامتها : صافا ريهام
هي: وي الحمد الله ..مروان بغيت نمشي من هنا تخنقت
مروان: غي حتا تولي شوية ونمشيو
ريهام: لا لا شوف ليا ف اقرب فرصة نمشيو وحتا واحد مايعرف
مروان: اوكي رتاحي نتي دابا انا انقاد لامور
خرج مشا لعند الطبيب وطلب منو يعطيه الادن باش يخرجها غدا وفعلا خداه رجع عندها وخبرها بلي كاين وانه ايمشي يقطع لهم البيي
سارة و مراد لي جاو يشوفوها ويطمءنو على حالتها ولكن ماقالت لهم والو على السفر
جا مروان و دار لوراق ل ريهام ف صاكها
جا الليل و نوح مابانش ف السبيطار ..مراد لي بقا جالس هو وسارة ف الكولوار .مروان لي مشا لوطيل باش يرتاح .فاطمة لي مع راجلها ف بيتو وعاود لها كلشي ..جايكوب لي خرجو جايك وداه للدار و طلب منو يبعد عن طريق ريهام هاد للمدة لانه ايلقا نوح ف وجهو
صبح صباح جديد على ابطالنا لي كل واحد عالم بيه الله فاقت ريهام بكري عاونها خوها لي جا لعندها بدلت حوايجها هز لها صاكها وخرجو من الغرفة .توجهت لبيت عمها لقات فاطمة ناعسة فوق الفوطوي و محمد ناعس ف بلاصتو قربت ليه باستو ف جبهتو مع دمعة ف العين مع بعدت هو حل عينيه شاف فها وعرفها ناوية تمشي : كوني هانية ابنتي انا لي انفكك من هاد الزواج
ريهام : سمح ليا بزاف اعمي ماكنتش باغا نوصلو لهاد المواصل.سلم على سارة ماقدرتش نشوفها
محمد: كوني هانية ربي معاك
خرجات ريهام و مروان و شدو الطريق للمطار وصلو وركبو ف الطيارة ديالهم ..ريهام لي جلسات ف لبلاصة لي حدا السرجم و بقا ساهية ف حياتها .كانت كاتحس بالوحدانية ولكن مني جا خوها لعندها سخن لها كتافها فاقت نن سهوتها على صوت بنت :عافاك اختي ممكن تخليني نجلس تما كانتختق
ظارت ريهام باش تجاوبها وهي تلقاها سارة لب عينيها عامرين دموع ..شافتها ريهام وناضت عندها عنقتها : هى هئ سمحليا مشيت بلا ماسلمت عليك
سارة: عااادراك احبيبة سكتي من البكا ونتي مريضة
ريهام: كيفاش خلاوك دخلي هنا
سارة: بصفتي مسااافرة .مستحيل نخلي ختي تمشي بوحدها ف هاد الضروف خويا غالط ولي درتيها انا معاك فيها
ريهام: ربي يخليك ليا ولكن مابغيتكش تشري العداوة نع خوك
سارة: العداوة شريتها معااه البارح مني وصلك واحد المسج ف تلفونك ونتي ناعسة وجبدتو من الصاك و ساعتها باش عرفتك مسافرة حيت شفت وراق الطيارة و صبحت هنا انا و مراد على الصباح باش نمشيو معاك
ريهام: اينا مسج ؟
سارة: شوفيه من الاحسن
جبدات ريهام التلفون ووراتها سارة فين دخل وكان مسج ف الواتساب مسيفطو وبليام ل ريهام فيه لفيديو ديال نوح لي مع ايلينا ناعسين وكاتل لها فيه خليه عندك سوفونير ومسيفط لها صورة ديالو جديدة بالتيشرت لي كان لابس ف السبيطار وناعس ف البيت مع ايلينا ف دارهم
شافتهم ريهام و سارة شادة من يدها كاتصبرها : ماتسوقيش
ريهام: عادي خليه مابقا قد مافات و انتفك منو بغا الخنز الله يطليه بيه
ريهام دارت طرونسفيري للتصويرة والفيديو ل نوح وكتبت فيه: كانحمد الله ونشكرو اني ماحملتش منك لاني مارضاااش ولادي يكون عندهم اب بحالك .مابقيتيش كاتشرفني حتى بصفتك ولد عمي .كرهتك و ماعندي ماندير طيحني ربي ف شماتة بحالك ولكن انتفك منك وانعيش حياتي ونتا بقا ف الزبل و الخنز و الكبت لان هاداك هو مستواك
طفات التلفون وتكات على كتف سارة وهي كاتنفس رتاحت مني سيفطات له هاد المسج باش يعرف بلا عارفة عليه كلشي
أنت تقرأ
في قلبي انثى دكالية 1
Romanceقصة مغرببة جديدة وزويييييينة بزاااف اقل ما يقال عليييها راااائعة كتحكي شي حوااايج من الواقع فييها قصة كتجمع ما بين الرومانسية و الحب ماشي أنا لي كتبتها ولكن كنشكر كاتبة ديالها فعلا قامت بمجهوود كبير قصة طويييييييييييلة ولكن رااااااائعة متنسااوش ¤¤...
