في قلبي انثى دكالية 1

24

فرقو  الحلوه  و حانت لحضه الوداع
وقفو قدام باب الفيلا وكل واحد شاد دمعتو بزز  ودعو سمير  ومرتو وعائله مراتو و سفيان  لي طول العرس و هو  حاضي  ريهام  كان يتمنى كن  تلقا بيها  ف ضروف  من  غير هادو وماكانتش  مزوجة كانت الاوضاع اتكون  غير ..كان بغا يمشي  و مايكملش عرس  ختو ولكن  عرفها  اتقلق لدلك  زطم على قلبو  و كمل هاد ليلة كيف سالات اول واحد  ركب ف طوموبيلتو هو   و تحركو  هما الاولين
عائشة ماتمالكتش  نفسها وبدات  تبكي 
نبيل:وصافي دابا لاش كاتبكي  لي يسمعك اقول انقتلك
عائشة:ماحاسش باش حاسه  انبيل
نبيل:حااااس بيك  صافي سيمانه وانرجعو عنهم
عائشة:ماشي على هادشي تانبكي  بقا فيا الحال ختي سميره ماجاتش  توادعت معايا
نبيل:ماديريش ف خاطرك اتكون مابغاتش تفرق عليك  وتشوف دموعك ..صافي اخبيبه سكتي ولا انردك لداركم درك شوفي وجهك  كيف تجخلط مع ماكياج
عائشة:هههه ومانبقاش فيك
نبيل:ويييلي على الضحكه ...الوالده بسلامه عليكم الواجب ينادي
كسيرا نبيل لوطو وخلاهم تايضحكو عليه
اما ساره لي كاضحك ومقابلاهم كاتغوت :وااابرااااكة من السلام ها انا غدا عندكم وطلقونا خلاص
فاطمة:يااهاد البنت كوني تحشمي
مروان:خالتي بصح كلام ساره بسلامه حتى لغدا ونتشاوفو تهلاو
زادو وخلاو موراهم غيى العجاج
: كاتبغيها
تلفت مرادصاحب  مروان  للصوت و شاف  بنت  ف تكشيطة موف  و ووجها عامر دموع و عينيها حمرين
مراد: كانبغيها  و ماعرفتش كيفاش مني شفتها  ف عرس ولد القايد  و هي شاغلة بالي   و لكن  دابا فات  الفوت
سميرة:بصح فااااات الفوووووت
مراد؛ ععلاش مامشيتيش  سلمتي  على  خوتك و نتي  مخشية من مور  هاد الشجرة سميرة: لي مخليك نتا مخبي هنا مخليني حتا انا  مخبية ..فضلت نشوف  حب  حياتي من بعيد ولا نقرب حداه ونسمعو كايتغزل  فيها و غن بلاااصة هاديك خيتي  كانت اتكون ديالي
مراد: كاتهدري على نوح؟
سميرة : من بعد و اتعرف  علامن تنهدر ...ومازال انتلقاو ..غمزاتو و زادت مع الطرق

اما نوح لي شاد من ريهام ويسكت فيها هي حلفات لا سكتت بالاخص مني عنقتها جداتها وخالتها طاخ عليها الضيم حيت تربات عندهم وكانو مفشينها بزاف  مني كانت عندهم ف اكادير ...جا ينيس وعنقها  قدام نوح لي كان ايدور فيه غير حشم حيت العائلة حداه
ينيس:وصافي  سكتي اتبكيني
رح:انتوحشكم هئ هئ
ينيس:حتا حنا انتوحشوك تهللاي ف راسك بزااف ولا قلقك  شي واحد انا موجود
نوح :ماتخافش راجلها معاها هو لي موجود😉
ينيس:😏الخوف  منك نتا لي تقلقها ..ريهام:باس ليها يدها:اهم حاجه عندي اتكوني  مرتاحه ..
ريهام: تلاحت عليه  عنقاتو وزيرت  عليه: ماتنسانيش  ا ينيس
ينيس : عمري ننساك و ديما اتلقايني بجنبك
ركب نوح وريهام  وخلاو موراهم عائلاتهم تايبكيو صعييب الدار تخوا ف رمشه عين فحالا حتى واحد ماكان فيها
مني شدو الطريق و نوح  مغوبش باغي  يهدر  ولكن كايفكر  مايخصرش  هاد ليله ..اما ريهام لي دموعها  ماحبسوش وبقا فيها ينيس لي لمحات الدموع ف عينيه مهما كان راه ولد خالتها وكانت هي وياه ماكايتفرقوش
وصلو لمراكش  خداو الغرفه ديالهم .
اول حاجه  دار نوح شد كارو وخرج لبالكو  يكمي ...اما ريهام فدخلات للدوش بدلات عليها وخدات دوش خفيف  تحيد بيه العيا لبسات بيجامة وخرجات تكات فوق الناموسيه وداتها ععينها ..نوح دخل شافها ودخل حتى هو دوش ونعس حداها
اما نبيل و عائشة لي منوضينها  ف لوطيل
عائشة:والله  وتقيسني  حتى نشوهك
نبيل:وااا الهايشه  نتي  لي اتشوهي  ابلاتي
وقفت عائشة وهزات صندالتها  وشيرت عليه بيها:يااااااك ا قليل  الحيا باغي تلوحني ف يوتيوب
نبيل:شد وجهو :ياااااربي تصبرني  مع هاد المرا واش كاين شي واحد يفضح  مرتو
عائشة:انا ندمت  حتى تزوجت رجعني لدارنا نبيل:اييييه حتى انا  هادشي لي بان ليا ...باش هنية  تشدك تقتلك
عائشة:نااااري ...هانتا انبيل  خويا ..دابا انعيشو خوت
نبيل بمكر :وخا تافقنا اختي واجي  نتسالمو بايدينا
غير قربت منو  وجرها  عندو ولاحها  عندو
.....وسكتت شهرزاد عن الكلام  المباح
اما المهاوشة ديال ساره  واقفه لمروان  عند راسو فوق ناموسيه
سارة:وفيييييق
مروان:ساره  عيان حتى لغدا
سارة:واااااش تسطيتي نوووض ليوما   نفركعو الرمانه
مروان:اجي واش فايت  لمك كنتي ف سبيطار الحماق
سارة:ماسوقكش  واااش حياتي كاااااامله و انا كنتسنا ليله  عمري ونتا جبد عليها  بالنعاس
مروان:وهانتي راه الا شديتك  اندمك وتصدقي ترغبي
سارة:وغييير نووووض وريني حنة  يديك
جرها عندو وعياااات طلب فيه  يطلقها  ووالوووو وهاكا  دازت ليلتهم
كل واحد ف العرسان دوز ليلتو ..اهم حاجه انهم  تجمعو وكل واحد خدا اابنت لي  كايبغي

فاقو  عرسانا الصباح وشدو طريق للدار من غير نبيل ومراتو لي مازل عندهم سيمانه
وصل مروان هو لول وساره لي كاتمشا  بحال البطة ..سلمو عليهم  وجلسو ف الصالو ن ماهي الا ربع ساعه  حتى دخل نوح  و ريهام
جلسو  كايفطرو مجموعين  و كايحلو الكادوات..
حتى نطقت هنية :واش صبحتو لعيالاتكم بشي  حاجه ديال الدهب
مروان ونوح:🙄 كيفاش
الجده: ف عادتنا اوليدي  مني كايصبح لعريس بعروستو  تايعطيها شي حاجه  ديال الدهب
ساره:ناااااااري لمك  صيدتيني فهادي
الكل:هههههه
سميره:واهادشي كايتعطا لي مصبحه  وباقا بنت ماشي لي عندها كوراندير  بحالك
سارة:كاتسمعو شي دبانةة كاتزنزن اااه واقيله ااحسد  والحقد لي كايهدر دابا
مروان:سميره  مراتي عارفها اش كاتسوى وهاد الامر  تابخصني انا وياها وقلت ليك الف مرة فوتي عليك سارة ولا انا نولي قدك جبد الكارني دشيك  ديالو وكتب فيه مليون باسم ساره عطاها ليها قدام الكل  وباس ليها راسها:الله يخليك ليا امراتي ونتي اشرف بنت عرفت الله يبعد علينا غير عينين بنادم ..
ناضت هنيه  وسميره  بنتها يجدبو ماحملوش البلان لي دار ليهم مروان
قرب نوح  ل ريهام ..دابا انا نعطيك  الكادو  ديالك دابا ولا حتى نقضي الغرض هههههه
ريهام:ههه سكت دابا تفضحنا
نوح:مراتي وكانتشاور  معاها
ريهام:جاوب جاوب  ماماك راه  كاتهدر  معاك
فاطمة:ايوا نت  اوليدي اش عطيتي  ل ريهام
نوح:وحتىى .....
ريهام عرفاتو ايفرطها وفمو ماعندو  فرانات قررات هي تعتق الموقف :لا اخالتي عطاني للله يخلف عليه هاهو دايراه كاع ف يدي  ...وراتهم براسلي  كان ف يدها